Heimsóknir

Það hafa soldið aukist heimsóknir á síðuna mína uppá síðkastið. Sem er ekkert nema gaman :) En mig langar til að benda á fólki að neðst við hvert póst sem ég set inn þá koma svona litlir reitir sem er hægt að haka við, like, love eða hate. Og ykkur er öllum óhætt að haka í þetta að vild. Það mun ekki koma fram á facebook síðunni ykkar ef þið hakið í þessa reiti og ég get heldur ekki séð hverjir haka við, svo þetta er algjörlega nafnlaust, svo þið getið verið óhrædd við að nota þetta. En það er gaman fyrir mig að fá smááá feedback hérna, fyrst það eru um 20-30 manns að kíkja hérna inn á hverjum degi :D

Annars lítið að frétta svo sem. Gengur allt sinn vanagang hérna....mér finnst reyndar eins og það sé allt í slow motion, finnst ég sjá engar breytingar á mér, ekki eins og síðast þegar ég var að taka ketó - þá fannst mér ég sjá breytingarnar dag frá degi.....en ekkert núna. Ég vona að ég sé bara ímyndunarveik hehe. Kemur í ljós á morgun í mælingunum. Veit ekki hvað ég geri ef það verður enginn munur....shhiii. Bara 9 vikur sko, og ég ætla ekkert að vera í la-la formi uppá sviði sko....kannski er ég að setja of mikla pressu á mig, ég veit ekki. Þarf að róa mig niður hahaha.

Árshátíðin á morgun, mikill spenningur fyrir henni hérna í vinnunni. Verð að sjálfsögðu edrú gellan með myndavélina á lofti :)

Smá motivation fyrir helgina:

Gott að hugsa um þetta þegar maður er að vakna kl 6 á morgnanna. Ég ætla að láta drauma mína rætast....ekki bara hugsa um það :D

Ketó og árshátíð

Þá er þessi vika á ketó hálfnuð. Að mörgu leyti finnst mér ekkert erfiðara að vera á ketó mataræðinu heldur en þessu hefðbundna "kött-fæði", mér finnst maturinn ekkert síðri sem ég er að  borða - þannig séð. En hins vegar finn ég hvað ég verð einhverveginn mikið "aumari" í líkamanum, veit ekki hvernig ég get orðað það öðruvísi. Fæ alveg svakalegar harðsperrur, miklu meiri en vanalega, þó ég sé ekkert að skipta um æfingaplan eða breyta æfingunum á neinn hátt. Tek meira að segja minni þyngdir en venjulega þar sem líkaminn er eitthvað svo aumur og mér finnst erfiðara að "pína" mig til að þyngja. Þetta er soldið skrítið, og eiginlega bara soldið magnað. Þetta er náttúrulega sjokk fyrir líkamann, taka út öll kolvetni og fá allt í einu inni fullt af fitu sem hann þarf að vinna úr. Greinilegt að recovery-ið í vöðvunum virkar ekki eins....Stórmerkilegt alveg. En ég er ekki að kvarta, ketó-ið kom mjög vel út hjá mér síðast, svo ég er bara spennt að taka það aftur :D

Annars er ég að fara að máta bikini í kvöld sem ég leigi svo fyrir keppnina ef það passar. Það er svona fjólublátt einhvernveginn með fleiri litum í og flottum connecturum. Ég vona svo innilega að það passi, finnst það svo hrikalega flott, og held að þessir litir munu koma vel út á mér.

Í kvöld erum við stelpurnar í vinnunni að fara að hittast í smá "fyrir-árshátíðar-flipp". Ætlum að vera allar geðveikt hallærislegar í náttsloppum, inniskóm, með maska í andlitinu, rúllur í hárinu og svo framvegis og taka myndir, því það er víst einhver "flipp-verðlaun" eða eitthvað svoleiðis í gangi fyrir flippaðasta árshátíðar-undirbúninginn.....og það vita allir að einmitt svona undirbúa stelpur sig fyrir árshátíð. Þetta verður bara gaman. Eigum klárlega eftir að vinna þetta :D

Svo er árshátíðin bara á laugardaginn, hrikalega spennt fyrir því :) Ætla að vakna snemma þann daginn, taka mælingar og myndir, skella mér á opinn dag í Reebok Fitness og taka 2-3 klst af allskonar tímum (prófa sem flest), fara svo heim að leggja mig aðeins áður en árshátíðar-undirbúningurinn hefst svo, því svo fer rúta til Hveró kl 18:30. Já ég veit, geðveikt klikkuð að vera búin að undirbúa laugardaginn strax þegar það er rétt svo miðvikudagur....eeeen that´s me....skipulagsfrík heheh :D

Helgin

Helgin var góð :) 

Svaf til tíu eða svo á laugardaginn, tók mælingar og myndir að nýju. Gamla góða hefðin komin aftur, vííí. Var ekki ánægð með vigtina sem hafði farið uppá við, en mælingarnar og myndirnar komu vel út. Maður er alltaf að sjá það betur og betur hvað það er ekkert að marka þessa #$(%& vigt....hehehe. En allavega, var ágætlega sátt með niðurstöðurnar, þó svo að veikindin hafi kannski hægt aðeins á ferlinu, þá allavega eyðilögðu þau það ekki alveg, eins og ég var búin að hræðast mikið. Núna vill þjálfarinn að ég bæti við einni morgunbrennslu, trimform og taki ketó í þessa viku að minnsta kosti. Sjáum hvað gerist svo :)

Fékk mér beyglu með piparosti í morgunmat mmmmmmmm og skellti mér svo á æfingu í World class Kringlunni og tók bara smá brennslu, kvið og axlir. Bara svona létt aukaæfing. Finnst það eiginlega nauðsynlegt á nammidögum heheh....   

Ég komin heim af æfingu á laugardaginn, algjör matsjó :) 

Eftir æfinguna var brunað í sumarbústaðinn í Skorradal þar sem ég var svo fram á sunnudag með skemmtilegum stelpum. Það var ótrúlega gaman hjá okkur. Spiluðum Alias, Blokkus, Hver er maðurinn og svo var auðvitað étið soldið og slúðrað og svona. Typical stelpuferð. Það var ógeðslegt veður úti, en við sátum inni í hlýjunni í litla kósý bústaðnum með kamínu og svona. Bara æði :)


Svo svaf ég alveg endalaust lengi á sunnudaginn, brunaði í bæinn og hélt áfram að hafa það kósý hehe. Held ég hafi náð að safna upp nóg af orku fyrir komandi viku...ójá. Ekkert nema geðveiki framundan, og ég er að fíla það!! hehehe

Eigið góðan mánudag öll :D 

Breyting

Ég er alltaf eitthvað að fikta hérna í blogginu mínu og breyta til. Alltaf að reyna að finna hið fullkomna útlit sem ég er sátt við. Það hlýtur að koma einhvern daginn. Langar að hafa það einfalt, en samt eitthvað geðveikt kúl. Annars er það að frétta að ég er búin að skrá mig og borga keppnisgjaldið á mótið. Jebb jebb, its official. Flugmiðar og skráning komið í gegn, woop woop. Ekkert aftur snúið héðan í frá!
Kíkti áðan í late night brennslu niðrí World Class Kringlunni, var sem sagt þar á milli svona 21:30 og 22:30, og það kom mér bara virkilega á óvart hvað það voru margir að æfa á þeim tíma. Fleiri heldur en eru þar á morgnanna um 7 leytið. En það eru líka bara 4-5 vikur í íslandsmótið hérna heima í fitness og vaxtarækt, kannski allir bara að æfa á fullu fyrir það :) Allavega mjög gaman að sjá fólk stunda líkamsrækt á þessum tíma á föstudagskvöldi, ekkert að því :D

Áður en ég fór í ræktina þá skellti ég í bestu kökuna mína. Ætla að færa Möggu hana í "afmælisgjöf" á morgun uppí bústað. Hlakka svo til að fara. Verðum 5 stelpur saman þarna í hrikalegri stemmningu. Býst nú við að þær verði allar hellaðar og ég edrú gellan á kantinum....svo ég verð með myndavélina á lofti og tek myndir af þeim öllum í annarlegu ástandi heheh. Verður étið, spilað, farið í pottinn og tjillað út í eitt....ójá.

Annars er ég soldið mikið núna að skoða á netinu allskonar flottar myndatökur, því ég er að fara í myndatöku til Sveinba 15. maí fyrir mótið og okkur langar til að gera eitthvað alveg illa hellað. Eitthvað virkilega virkilega TÖFF.

Svo eru bara mælingar á morgun og senda á þjálfarann og sjá hvað hann segir eftir öll þessi veikindi og "pásu" og svona. Finnst líklegt að hann setji mig á 3 vikur ketó og bæti við í brennsluna og svona.....ég er allavega ekki að búast við einhverjum geðveikum tölum á morgun.....þó svo að ég hafi átt AWESOME viku....klárlega. Allar æfingarnar frábærar og stóð mig 120% í mataræðinu. En líkaminn kannski eitthvað tregur í gang eftir veikindin, eða ég veit ekki. Kannski er fullt búið að gerast en ég bara sé það ekki sjálf. Kemur allt í ljós á morgun :)

Eigið góða helgi öll sömul.

Gym motivation

Þá er vinnudeginum mínum að ljúka og ég að fara að tía mig í ræktina. N.o.explode komið í Smart shake brúsann minn og allt að verða tilbúið. Alveg tilvalið að skoða smá gym motivation quotes og myndir fyrir æfingu til að koma sér í rétta gírinn. Brjóst og þríhöfði á prógramminu mínu í dag :D

Shit, ég mun örugglega lenda í þessu við lendingu í Koben.......

Það er ekki nóg að vera bara duglegur í dag.....

Og síðast en ekki síst:

Farin á æfingu :) 

ALL IN

Ég er ekki búin að vera duglegasti bloggarinn í heimi hérna. En nú verður bætt úr því.

Allt að rúlla í gang aftur hjá mér eftir 2-3 vikur af veikindum. Svoooo ljúft að fá heilsuna aftur. Geta borðað. Geta æft. Algjör snilld. Hef ekki tekið neinar mælingar eða neitt allan þennan tíma, líkaminn minn fór bara í lás og það gerðist akkúrat ekkert á meðan ég var lasin, enda fann ég það að ég var aldrei svöng eða þyrst eða neitt....það bara var ekkert að gerast. Ég bara vann (réttsvo), svaf, ældi og vorkennti sjálfri mér geðveikt mikið heheh, rosalegt stuð á manni alltaf hreint! Tek mælingar og myndir á laugardaginn og sé þá hvernig staðan er hjá mér eftir þetta veikindarugl......verður spennandi að sjá.

Þannig að núna er bara ALL IN fram að móti! Tæpar 11 vikur í þetta og það verður bara harkan og þrjóskan tekin á þetta. Ég var alveg að missa metnaðinn þarna í þessum veikindum, en hann er allur kominn aftur. Vakna ofur hress á morgnanna spennt að takast á við daginn, hlakka til að komast á æfingu og stenst "freistingar" eins og ég fái borgað fyrir það. Set gæsalappir utan um orðið freistingar, því þegar valið snýst um að keppa í besta formi lífs míns EÐA að fá mér kökusneið eða kex eða whatever....þá finnst mér valið ekki erfitt. Mig langar meira í árangur og bætingar, heldur en nokkrar mínútur af áti og svo heilan her af samviskubiti og eftirsjá. Það er bara svoleiðis ;)

Magga vinkona varð þrítug í gær, að því tilefni verður farið í sumarbústað á laugardaginn nokkrar stelpur og haldið uppá það. Heitur pottur, spil og skemmtilegheit. Hlakka geðveikt mikið til! Ég hélt ég myndi missa af þessu því það var búið að skipuleggja reunion hjá Frumgreinadeildinni af Bifröstinni, en svo datt það upp fyrir sig, þannig að bústaður HERE I COME!! vúhú

Svo er árshátíðin í vinnunni hjá mér helgina eftirá. Haldin á Hótel Örk í Hveragerði. Ég er búin að fá mér kjól, hann er alveg geeeðveikt bleikur, Lipsy kjóll úr Dúkkuhúsinu, sem ég keypti btw notaðan á 1000 kall. :D Maður er svo sniðugur. Svo ætla ég að gera þessa hárgreiðslu, finnst þetta svo geeeðveikt töff :

Mars

Alltof mikið að gera hjá mér í mars, svo mikið að ég þarf að velja og hafna. Það þykir mér alveg einstaklega leiðinlegt. Mér finnst rosalega gaman að hafa nóg að gera, en ekki þannig að ég komist ekki í afmæli hjá vinkonu minni eða fermingu hjá frænku minni því það er eitthvað annað sem ég var búin að lofa mér í áður á sama degi. Frekar fúlt. En svona er þetta, maður getur víst ekki gert allt...

Núna um helgina er Arnold Classic og ég er svo hrikalega spennt fyrir því. Hlakka svo til að sjá hver er að fara að taka Bikini Pro flokkinn...ég held að það verði annað hvort Nicole Nagrani eða Nathalia Melo.....en það mun koma í ljós. BARA spennandi. Allar svo hrikalegar í þessum flokki að það bara meikar ekki sens...

Nathalia Melo

Nicole Nagrani

Svo eru líka 18 íslenskar stelpur að keppa í amateur flokkum, bæði í bikini og figure, svo það verður geggjað að fylgjast með því líka. Margar alveg mjöööög líklegar í úrslit og jafnvel á pall. Sunna Hlín á vodvafikn.net á facebook verður með þetta allt í beinni, og svo er líka bein útsending af einhverju á bodybuilding.com svo maður getur fylgst með þessu hérna heima, algjör snilld :D Alltof langt í helgina þegar maður er að bíða eftir svona hlutum...hehehe.

Annars er ég bara orðin nokkuð góð af veikindunum, öll að koma til. Ennþá bara smá kvef í mér, en ekkert sem er að skemma fyrir mér matarlyst eða æfingar, sem betur fer!! Öll síðasta vika var sko ÖMURLEG. Gat nánast ekkert æft og lítið sem ekkert borðað og var bara alveg handónýt. Þannig að það er ekkert annað en að koma bara sterk inn aftur núna, 12 vikur í þetta!!!! Shhiiiiii, veitir ekki af smá motivation núna, og ef Arnold Classic áhorfið verður ekki motivation fyrir mann, þá er eitthvað að!! Það er bara svoleiðis....

Bakstur

Ég hef alltaf sagt að ég kunni ekki að baka. En það er víst ekki satt, ég kann það alveg, ég nenni því bara aldrei. Ég hef ekki þolinmæði í það því mér finnst það ekki gaman. Ég á ekki hrærivél og myndi aldrei tíma að kaupa mér slíka, svo ég þarf að handþeyta. Þar vandast málin....því það er sko alveg hundleiðinlegt! En konurnar hérna í vinnunni minni voru með svo svakalega flotta og girnilega köku í föstudagskaffinu hérna um daginn og ég sat og horfði á þær borða hana af mikilli öfund. Þær vildu nú meina að ég yrði að baka svona köku sjálf til að smakka hana, því hún væri himnesk....en ég hafði nú ekki trú á að mér myndi takast það....þar sem ég hélt jú að ég kynni ekkert að baka (enda brennt eða eyðilagt flest allt sem ég hef reynt að baka hingað til). En mér fannst nú ekki nógu gott að þessar yndislegu konur sem ég vinn með hefðu meiri trú á mér en ég sjálf, svo ég setti mér það markmið að ég myndi baka þessa köku einhverja helgina og smakka á nammidegi. Og það gerði ég síðasta laugardag og vá hvað ég sá ekki eftir því. Með þolinmæðina að vopni þá tókst mér það og úr varð BESTA, já ég sagði besta, kaka sem ég hef á ævi minni smakkað. Og aðrir sem smökkuðu hana hjá mér hældu henni líka hástert.....þannig að ég KANN að baka....þegar ég nenni því :) Hérna er sönnun fyrir að þessi atburður hafi átt sér stað:

Ég á engin kökuform svo ég gerði bara svona eftir disk :) 

Uppskriftin, kann ekki að snúa.....

Eggjahvítur og sykur stífþeytt

Rice crispies komið út í þeytuna og sett í "formið"

Inn í ofn

Saxaði niður 2 stór daim súkkulaði (líka hægt að nota daim-kurl)

Þeyta saman eggjarauður og sykur

Þeyta rjóma (í fyrsta skipti á ævi minni sem ég þeyti rjóma haha)

Blanda saman eggjarauðum, sykri og rjóma

Hrært saman

Daim-inu hellt út á

Og svo hrært saman, þá er kremið tilbúið :) 

Til að mér leiddist ekki horfði ég á pretty little liars á meðan :) 

Marensinn kominn útúr ofninum, heill á húfi :) 

Búinn að kólna, þá smurði ég kreminu ofan á

Og svo inní frysti :)

Voila!! Pís of keik :) 

Óskarinn - Rauði dregillinn

Ég gerði heiðarlega tilraun til að horfa á Óskarinn í gær, veit samt ekki af hverju því ég hef ekki séð neina mynd sem átti þarna tilnefningar hehe. Verð klárlega að fara að bæta úr því. Ætli það sé ekki orðið hægt að ná í þetta allt á netinu í ágætis gæðum....hlýtur að vera. En svo sofnaði ég áður en óskarsverðlaunin sjálf byrjuðu hehe. En ég horfði samt á Red carpet sem var bara algjört æði. Svo gaman að sjá allt þetta fallega fólk í flottum fötum og svona. Þetta voru mín uppáhalds:

Brad hrikalega flottur þarna - en fæ illt í augun að sjá þessa spagettí-handleggi hjá Angelinu....úff

Cameron Diaz í klikkuðu formi - eigum við að ræða það eitthvað?? 

Gwyneth alveg ótrúlega flott :) er að fíla þessa skikkju hehe

J-Lo alveg með þetta :) 

Krúttlegasta parið, ekki spurning, elska Natalie Portman :) 

Heitasti karlamðurinn á svæðinu :) 

Áskorun

Ég náði ekki að framkvæma áskorunina í gærkveldi þar sem ég er bara orðin lasin. Alltaf lasin eitthvað þessa dagana, ekki aaalveg að gera sig!! Er sem sagt alveg með bullandi kvef, bara sjaldan vitað annað eins. Sexeeh....NOT!! Þannig að þegar ég kom heim af æfingu í gærkveldi þá bara lagðist ég í dvala....leið svo hrikalega illa. Drattaðist fram úr um 9 leytið til að skutla Elínu til bróður míns og fjölskyldu hans því hún ætlar að fá að vera þar næstu daga á meðan það er vetrarfrí í skólanum hjá henni. Það er líka fínt þar sem ég er ekki skemmtilegur félagsskapur eins og er.

Vaknaði kl hálf 6 í morgun þar sem ég ætlaði mér í morgunbrennslu, en var svo hrikalega stífluð að ég hélt að hausinn á mér myndi springa, svo ég fékk mér bara nezeril og verkjatöflur og lagðist aftur uppí rúm. Svo vaknaði ég aftur kl hálf 8 og hausverkurinn farinn, svo ég drattaðist á fætur til að fara í vinnuna. Afköstin ekkert búin að vera neitt gífurleg í morgun....en ég ætla að harka þetta af mér. Taka svo fótaæfingu eftir vinnu og svo get ég kannski hvílt mig aðeins, farið í heitt bað og svoleiðis áður en ég fer í pole-fitnessið í kvöld. Ég bara nenni engan veginn að vera lasin!

En ef allt fer vel þá get ég tekið áskorunina annað kvöld. Ég vona það, því ég er sjálf soldið spennt fyrir henni (og kvíðin hehe). En það var samt Boot-camp fólk á Akranesi sem var að skora á mig að taka þolprófið sem þau voru að gera í vikunni, því ég þurfti eitthvað að ibba mig við þau og segja að þetta væri ekkert mál hahhaha. Kennir manni að vera ekkert að ibba gogg. En það sem ég þarf að gera er:

12 mín hlaupa - skrá niður km
2 mín armbeygjur - skrá niður fjölda
2 mín froskar - skrá niður fjölda
2 mín uppsetur - skrá niður fjölda

Gaman gaman :)

Ég elska að skoða motivational quotes á netinu, sérstaklega á svona dögum þar sem mig langar svooooo mikið til að fara bara heim, kveikja á góðri bíómynd og sökkva ofan í nammipoka....en NEI, ég ÆTLA ekki að gera það. Ég er betri en það!!! Rakst á þessi áðan og fannst þetta svo gott, passar vel við :D

Allskonar

Mikið rosalega líður tíminn alltaf hratt! Þetta er bara alveg ótrúlegt sko. Það góða við að tíminn líði svona hratt er að þá styttist í stóra daginn og allt sem honum fylgir. Það slæma við að hann líði svona hratt er að þá minnkar tíminn sem ég hef til að undirbúa mig. En þetta er allt á réttu róli hjá mér, ennþá 13 vikur til stefnu tæplega og ég er ágætlega sátt við stöðuna sem ég er í núna.

Byrjaði aftur á „venjulega“ mataræðinu á mánudaginn, þ.e.a.s. þessu sem ég var á áður en ég tók 2 vikur af keto. Leggst bara vel í mig. Byrjaði reyndar vikuna á svaðalegri hálsbólgu sem er núna orðin kvef....alveg æðislegt. En ekkert sem heldur aftur af mér...bara eitthvað svona smotterí. Ég hef engan tíma til að vera lasin núna, svo það er eins gott að þetta stoppi stutt hérna hjá mér. Fékk einnig nýtt æfingaprógram á mánudaginn. Búið að auka aðeins við hjá mér brennsluna og svona, smá nýtt komið inn líka. Bara spennandi.

Það er rosalega mikið að gera hjá mér í vinnunni þessa dagana, ný og krefjandi verkefni sem ég er að fást við, sem er ekkert nema skemmtilegt! Ég er svona týpa sem þarf að hafa stanslausa fjölbreytni, annars verð ég mjög áhugalaus og eirðalaus fljótt. Ég á mjög erfitt með að gera bara einn hlut í einu og einbeita mér að því....ég þarf að hafa margt í einu. Ég hef aldrei getað setið og lært eða unnið samfleytt í eina klukkustund við sama hlutinn án þess að kíkja á eitthvað annað í millitíðinni. Ég veit ekki af hverju ég er svona, líklegast einhver smá vottur af athyglisbrest, ég veit það ekki. En samt sem áður kemur þetta ekkert niðrá afköstum eða árangri í neinu hjá mér, og þeir sem þekkja mig vita það. En stundum hugsa ég um það hvort mér hefði gengið enn betur, eins og til dæmis í námi, ef ég gæti setið og lesið og glósað bara í margar klukkustundir án allra truflana....hehe væri gaman að vita. (ekki að ég er mjög sátt við minn árangur og allt það....en væri fróðlegt að vita samt)

Fór í Pole-fitness í gærkveldi. Ég er svo að elska þessa tíma, að það er ekki fyndið. Núna er orðið ekkert mál að gera allskonar hluti á súlunni sem ég bjóst aldrei við að geta gert, bara átti einhvernveginn erfitt með að sjá það fyrir mér. Í gær vorum við að hanga á hvolfi og það var verið að kenna okkur að sleppa höndunum og fara niður með því að setja hendurnar í gólfið fyrst. Og mér tókst það! Það var ógeðslega erfitt (aðallega andlega samt hahaha er svo lofthrædd) en það hafðist á endanum. Shiiii það var svo gaman! :D

En jæja, læt þetta duga í bili. Mun samt örugglega blogga aftur í kvöld þar sem ég er búin að láta plata mig í smá áskorun sem ég er að fara að framkvæma í kvöld höhömm :D

Allt að gerast

Úbbs....soldið langt síðan ég kom hérna inn. En hef margt að segja núna svo ég mun örugglega blogga daglega núna næstu daga hehe. Þessi færsla verður bara soldið svona mont færsla....hehe það má er það ekki?

En allavega, ég mældi mig á laugardaginn eins og ég geri alla laugardaga og tek af mér myndir. Þetta er sko hátíðleg athöfn á mínu heimili hehe. Svo sest ég niður eftirá og ber saman myndirnar/tölurnar frá vikunni áður og þar áður og svona....og í hvert skipti furða ég mig á því hvað líkaminn er magnað fyrirbæri. Þegar maður er virkilega að standa sig í clean-mataræði, þá lætur árangurinn ekki á sér standa, það er nokkuð ljóst!

Stiklað á stóru:

Desember 2011:
Þyngd: 62,5 kg
Fitu%: ca 22%

Febrúar 2012:
Þyngd: 56,8 kg
Fitu%: ca 15%

Og samtals eru um 30 sm farnir líka!! og laaaang mest á mittinu, maganum og mjöðmunum. Einmitt eins og það á að vera. hef náð að halda efri hlutanum nokkurnveginn í stað, sem er bara snilld. Er búin að ná upp góðri breikkun á bakinu og vill alls alls alls ekki missa hana!

Það er svo gaman að sjá svona árangur, og breytinguna á líkamanum, ég bara gæti ekki verið sáttari við mig. Núna eru rúmlega 13 vikur í mót og ég er bara á soldið svipuðum stað og þegar ég var að keppa á síðasta móti....við kvörtum nú ekki yfir því :D

No backsies...

Flugmiðarnir eru komnir í hús!! Í gær pöntuðum ég og Magga flugin okkar út til Köben. Förum út að morgni 17. maí og til baka um miðjan dag þann 22.maí. Elín Mist kemur með okkur, svo það lítur allt út fyrir að þetta verði stelpuferð. En svo getur vel verið að fleiri bætist í hópinn með okkur, er allavega ein að skoða það að koma með líka :) Það er bara gaman að hafa sem flesta með, ekki spurning. Svo eigum við bara eftir að redda okkur frá Köben og til Sönderborg 17.maí til 20.maí og svo gistingu á báðum stöðum líka. Hugsa að við skoðum bara gistiheimili og svoleiðis, til að reyna að hafa þetta í ódýrari kantinum. Flugin út kostuðu nú bara andskoti nógu mikið. Fyrir okkur allar þrjár voru þetta rúmlega 100.000 kr.

Þannig að núna verður ekki hægt að hætta við, no backsies. Allt að gerast! Tæpar 14 vikur í mótið :) shhiiii

Smá motivation í tilefni mánudagsins:

Eigið góðan dag, það ætla ég að gera :) 

Update

Jæja, sem betur fer var þetta bara sólahrings-pest hjá mér. Var orðin alveg góð á þriðjudagskvöldið, náði að borða kvöldmat og fara í pole-fitness. Svo var gærdagurinn bara venjulegur hjá mér. Mætti í morgunbrennslu, vinnuna, lyftingaræfingu og fór í bíó um kvöldið (Contraband, mæli með henni). Náði að borða allan matinn sem var á dagskránni, þannig að þetta var þá í rauninni fyrsti heili dagurinn minn á keto-mataræðinu. Það er svo allt öðruvísi heldur en mataræðið sem ég hef verið á hingað til, alveg miklu meira óspennandi hehe. Sakna próteinsjeikanna minna.....eitthvað sem ég hélt ég myndi aldrei segja ;) Svo er bara spurning hvernig það kemur út úr mælingunum næsta laugardag, að hafa "misst úr" alveg 2 heila daga. Engar æfingar og nánast ekkert  borðað. Vona að það hafi ekki skemmt mikið fyrir.

Svo er bara kominn fimmtudagur og maður alveg að detta í helgarfrí. Það er alveg ótrúlegt hvað tíminn líður alltaf hratt....á laugardaginn eru sem sé 14 vikur í keppni. Magga er búin að fá frí í vinnunni sinni til að koma með mér þannig að við ætlum að fara í það bara sem allra fyrst að panta okkur flug út. Svooo spennandi :)

Lasin...

Ég var svo heppin að næla mér í einhverja pest í gær....og það meira að segja ælupest....uppáhalds-pest allra....or not! Ég sem sagt fór í vinnuna í gær, svaf yfir mig um morguninn svo ég missti af morgunbrennslunni og var svona í seinna lagi í vinnuna. Ég er ekki mikið í þeim pakkanum sko, á ekkert erfitt með að vakna kl 6 á morgnanna svo ég var voða þreytt greinilega þennan morguninn. Ég háma í mig eggin mín og byrja að vinna. Svo kemur kona á fund til mín kl 10:00 sem ég bjóst við að myndi taka svona klukkutíma í mesta lagi, en neeeiiii fundurinn var til kl 13:00. Sem þýddi að ég var ekkert búin að borða í 4 klukkutíma. Þarna var mér farið að líða mjööög illa, sem ég tengdi náttúrulega bara við matarleysið (er vön að borða alltaf á tveggja tíma fresti). Var komin með höfuðverk, ógleði og hitaköst. Þannig að um leið og konan er farin þá hita ég mér upp hádegismatinn minn og borða hann með bestu lyst. Svo bara finn ég hvað ég versna og versna og þegar kl er orðin hálf þrjú þá var það orðið nokkuð ljóst að ég væri orðin veik. Ég fer heim og er varla kominn inn úr dyrunum þegar gleðin byrjar. Svo það var ekki borðað neitt meira það sem eftir lifði dags.....ég lá bara og vorkenndi sjálfri mér geðveikt mikið þess á milli sem ég heimsótti klósettið. Svo ég ákvað að vera heima í dag til að jafna mig, er ennþá smá óglatt og með akkúrat enga matarlyst....finn það einhvernveginn að ef ég fái mér að borða þá muni ég skila því aftur....and i dont nenn it....

En ég vona að þetta lagist eftir því sem líður á daginn og ég geti farið að borða. Ég var nefnilega (eða átti) að byrja á nýju matarprógrammi í gær. Á að taka 2 vikur af keto, þar sem uppistaðan í fæðunni er prótein og fita, nánast engin kolvetni. Hlakka til að prófa það. Er reyndar mjög einhæft og svona, en það er gaman að breyta til og sjá hvað maður getur. Morgunmaturinn og hádegismaturinn í gær lofaði allavega góðu. En ég nenni ekki að skrifa meira....set nokkrar myndir inn frekar, líka svona til að bæta upp bloggleysið hjá mér síðustu daga ;)

Nestið sem ég hafði með mér í vinnuna í gær, og náði ekki að borða allt.  Fyrsti dagur Keto.

Fæðubótaefnin sem ég keypti mér um mánaðarmótin :) 

Sá glitta í smá vöðva í speglinum um helgina án þess að vera að spenna....ekki að hata það!! 

Svo ég varð náttúrulega að prófa að spenna líka hahaha....lúðinn ég :)