Helgin

Þessi helgi leið alltof hratt! Það var nóg að gera hjá mér á laugardeginum. Ég tók rosalega góða æfingu, fór í matarboð og fór svo og hitti vinkonur um kvöldið þar sem var spilað Besta Svarið. Þær voru að fá sér í glas og ætluðu svo í bæinn, en ég fór bara heim snemma. Skvísan mín var heima og ég er búin að plana djamm næstu helgi, maður getur ekki alltaf verið að leika sér ;)

Magga og Guðný 

Guðný og Katrín

Magga yndi <3 td="">

Þarna var Magga spurð eitthvað í þessa háttina: hvað langar mig mest af öllu til að prófa? 

Við Magga :) 

Sunnudagurinn var hins vegar ekki jafn skemmtilegur, þar sem ég var hálf slöpp eitthvað og var bara heima. Ætlaði að mæta með Lilju vinkonu á Cross-fit leika æfingu en varð að beila á því, er ennþá alveg miður mín yfir því, mig langaði svo að fara! Elín Mist var ekki alveg sú hressasta heldur svo við kúrðum bara og horfðum á "Revenge" (fyrir mig) og "The lying game" (fyrir hana) til skiptis. Seinni partinn var Elín alveg orðin sú hressasta og bakaði bæði skinkuhorn og súkkulaðiköku. Ég hjálpaði nú ekki mikið til, bara aðeins við uppvaskið og þess háttar. Hún er alveg með þetta þessi skvísa mín. Svo byrjaði bara ný vinnuvika í morgun. Ég fór líka í atvinnuviðtal sem ég er mjög spennt fyrir. Fæ að vita meira í lok vikunnar, aldrei að vita nema ég segi ykkur frá því þá.....kemur allt í ljós.

Ég sem sagt er búin að finna mér nýja þætti til að horfa á þar sem ég kláraði Haven um daginn. Þeir heita Revenge. Ég er náttúrulega líka að fylgjast með nýjum þáttum sem koma út jafnóðum, en mér finnst svo gaman að eiga alveg heila(r) seríu(r) af einhverjum þáttum sem ég get alveg dottið inní. Revenge fá 8,2 á imdb og ég mæli alveg hiklaust með þeim. Ég datt inní þá bara strax á fyrsta þætti....sem mér finnst mikill plús. Þættirnir ganga í stuttu máli út á það að "Emily Thorne" er að leita hefndar fyrir föður sinn, sem var ranglega sakaður um glæp sem hann framdi ekki. Til þess flytur hún nálægt óvinunum og breytir nafninu sínu. Það er svo gaman að fylgjast með líka fatnaðinum í þáttunum, þeir gerast náttúrulega í The Hamtptons meðal mjög ríks fólks, og leikkonurnar eru allar svo elegant og smart. Elskaða :)

Tvær af aðalleikonum þáttarins

Það vantar að sjálfsögðu ekki ástar þríhyrning í þættina

Tékkið á þessum þáttum :) 

xx

Rósa