Þegar maður er að stefna að einhverjum markmiðum þá verður maður að skipuleggja sig vel. Mitt markmið þessa stundina er að vinna Sexy in 60 áskorunina og það vill svo skemmtilega til að ég er meistari í að skipuleggja! Mér finnst í raun óþægilegt að hafa ekkert skipulag. Ég er alltaf með matarplan og æfingaplan (sama hvort ég er í áskorun eða ekki) og reyni eftir fremsta megni að fara eftir því 100%. Ef ég er ekki með neitt plan þá bara einhvernveginn fer allt í vaskinn hjá mér, svo þetta virkar fyrir mig.
Sunnudagskvöld eru mín skipulagskvöld. Þá reikna ég út nákvæmlega hvað ég þarf að elda mikið fyrir vikuna og fylli ísskápinn minn gjörsamlega af allskyns boxum. Svo á hverjum morgni þegar ég fer í ræktina þá er ég með 2 töskur, eina fyrir ræktina og aðra fyrir matinn. Fólk spyr mig mjög oft hvað ég geri við alla þessa brúsa og hvort þetta sé ekki mikið vesen og þar fram eftir götunum, og svar mitt við þessum spurningum er bara voðalega einfalt. Mér finnst þetta gaman!!! (og ég drekk úr þessum brúsum). Mér finnst gaman að hafa markmið, skipuleggja mig, fara eftir planinu og geta sett X við það sem ég hef gert og sjá hvað ég kemst nær markmiðum mínum með hverjum deginum sem líður :)
Food prep hjá mér í gærkveldi
Elska nýja leðurjakkann minn - hef grun um að hann eigi eftir að vera mikið notaður!!
Ég lét loksins verða að því um helgina að kaupa mér leðurjakka. Er búin að hugsa um það svoooo lengi, svo ég ákvað bara að drífa í því á meðan það eru útsölur. Ég fékk þennan fallega studded leðurjakka í Dúkkuhúsinu á 7000 kall!!! Það tel ég vera kostakaup! :) og við erum að tala um það að hann er sko númer 8 og samt ekki níðþröngur á mér.!! (hahah bara varð að láta það fylgja með, ég er vön að nota númer 10 og byrjaði bara strax á að máta það númer og hann var bara hjúmangus á mér). Það er bannað að koma með komment um að númerin þarna séu eitthvað skrítin, ok!!
Svo fór ég náttúrulega í ræktina um helgina, og ekki bara einu sinni sko, og ekki tvisvar, heldur þrisvar! Svona eru helgarnar hjá mér þegar ég er barnlaus, hef ekkert að gera svo ég bara flyt í ræktina haha. En mér finnst fínt að æfa um helgar og taka þá frekar einn virkan dag í hvíld, geta farið bara heim beint eftir vinnu að leggja mig og svona.....ég er ekkert að hata það :)
Bætingar bætingar bætingar! Fyrir ekki svo löngu síðan fékk ég smá muffin top í þessum buxum - not anymore!!! :)
Þá er árið 2013 farið af stað, og það byrjar bara svona ofsalega vel. Byrjaði aftur í Sexy in 60 áskoruninni 2.janúar ásamt Lilju vinkonu minni á Skaganum og þetta lofar mjög góðu. Spennandi matarprógram og skemmtilegar æfingar og góður félagsskapur. Mig langar ennþá meira að vinna núna heldur en síðast því hún Michelle er búin að bæta við verðlaunum, núna fær maður ekki bara six pack tösku, heldur líka púlsmæli, fitness módel þjálfunarpakka, endugreitt þátttökugjald og afslátt af þjálfun hjá henni í framtíðinni. Svo fá allir sem klára 60 dagana bol með Sexy in 60 lógó-inu. Ég kláraði náttúrulega síðustu áskorun og bolurinn sem ég fæ fyrir að hafa afrekað það er í póstinum á leiðinni til mín :D
Ætla að klára þessa færslu með smá myndabloggi bara :)
Litaði hárið mitt dökkbrúnt í fyrradag, hætt í rauða litnum í bili :)
Elín Mist ætlar sko að vera dugleg að bursta tennurnar á nýja árinu!! (ég kom ekki nálægt þessu, tek það fram!!)
Held ég sé haldin sjálfspyntingarhvöt, sá þetta og hugsaði: "ég VERÐ að vera með!"...samt hata ég burpees hehehe
Motivation!! gott að hafa fyrir framan sig til að hvetja sig áfram- er á vegg inní herbergi hjá mér
Kom á Skagann í gær og lenti beint í dinner hjá foreldrum mínum. Hamborgari með eggi og læti. Hrikalega gott. Svo var bara slakað á í gærkveldi og farið snemma að sofa. Svaf út í morgun og hitti svo Lilju vinkonu mína uppí íþróttahúsi kl 13 til að taka æfingu. Þetta var svona full body brennslu æfing með áherslu á bak og bicep. Tókum hrikalega vel á því í eina og hálfa klukkustund, var ekkert smááá gaman!!
Svo fór ég með mömmu og dóttur minni að versla inn fyrir jólin. Ekki er það nú ódýrt. Svo elduðum við kjúklinga tortillur i kvöldmatinn og svo er ég núna að bíða eftir Rannveigu og Lilju, þær ætla að koma hingað í heimsókn og við ætlum að spjalla, spila, borða smákökur og hafa það kósý. Svo notalegt svona jólafrí!
Ætla að vakna snemma í fyrramálið og taka aðfangadags-æfingu. Mun skella mér í Metabolic tíma, langar soldið til að prófa það og þau bjóða uppá frían prufutíma á morgun. Hlakka til að sjá hvernig þetta dæmi virkar, vonandi verða þetta mikil átök svo maður eigi smá inni fyrir jólasteikinni :)
Æfing dagsins:
Byrjuðum á niðurtogi með vítt grip og fórum svo beint yfir í niðurtog með þröngt grip. Svo fórum við í supersett æfingar sem við framkvæmdum í lotum, 1 mín í senn, þrjár umferðir. Tókum nokkrar þannig umferðir, alltaf ein þolæfing á móti einni styrktaræfingu. Inná milli tókum við líka Tabata sprett á hlaupabrettinu og enduðum svo á smá brennslu á skíðavél, Mikil átök og mikið fjör. Eins og sést á þessari mynd af Lilju, ég hef greinilega verið mjög skjálfhent að reyna að ná af henni mynd hehhee:
Væri nú ekki leiðinlegt ef hún Lilja byggi í bænum eða ég á Skaganum og við gætum alltaf æft saman......
Nýjasta æðið hjá mér er að mæta á laugardagsmorgnum kl 10 í World Class Ögurhvarfi í Buttlift tíma. Þetta eru mjög krefjandi tímar og reyna alveg hrikalega mikið á. Mjög skemmtileg tónlist og skemmtilegar æfingar. Ég alveg elska þá. Maður lítur gjörsamlega út eins og sveittur karfi í lok tímans, en alveg þess virði :)
Fyrir tímann Eftir tímann
Tók mynd af mér fyrir og eftir Buttlift tímann í morgun - sést mjög vel hvað ég svitnði veeeeel hahahha
Í dag, 18.desember er afmælisdagur skvísunnar minnar og varð hún hvorki meira né minna en 11 ára gömul. Ég lét það þó ekki stoppa mig í að byrja daginn á spinning tíma í Reebok.
Svo vakti ég litlu skvísuna og hún var ekkert smá spennt, henni finnst svo gaman að eiga afmæli og vera miðpunktur alheimsins. Hún fékk stærri pakka en vanalega í pakkadagatalinu í tilefni dagsins, og í pakkanum var kósý samfestingur. Ekki svona weezo sem allir virðast eiga, heldur bara svona kósý krúttlegur náttgalli. Hún var að sjálfsögðu mjög ánægð með gripinn.
Krúttsprenjan mín
Þeir eru nú ekki margir eftir pakkarnir á dagatalinu (þetta er dagatal síðan ég var lítil sem ég málaði sjálf)
Ég fór svo bara í vinnuna og Elín Mist í skólann, og það vildi svo skemmtilega til að það var akkúrat boðið uppá jólamat og ís í skólanum hennar í dag, svo hún fékk smá jólastemningu á afmælisdaginn sinn. Seinni partinn fór ég svo að lyfta og Elín fór á fimleikaæfingu. Í kvöld erum við svo bara búnar að hafa það kósý :)
Verið að svara afmæliskveðjum á facebook
Aðventuljósin og jóla-órói sem Elín Mist bjó til alveg sjálf :)
2ja ára dama í afmælinu um helgina benti undrandi á sjónvarpið mitt og sagði: Sjáðu hvað Rósa á lítið sjónvarp!!
Brjóst:
4x 15,12,10,8 af hallandi flugi (6 kg, 8 kg, 10 kg, 10 kg)
4x 10 hallandi bekkpressa með lóðum (10 kg, 12 kg, 14 kg, 14 kg)
3x10 flug í dragvél (10 kg)
2x8 armbeygjur með medecine bolta
Þríhöfði:
3x12 skull crushers með stöng (15 kg)
3x20 extensions með stöng í dragvél (23 kg)
4x12 overhead extensions með reipi í dragvél (18 kg)
2x dýfur í tæki max
Kviður (3 hringir, max, engin hvíld)
Sit ups með medicine bolta 5kg fyrir ofan höfuð
Medicine balls twists
Knee tugs með fætur á bolta
Ég er búin að taka ákvörðun!! Ég ætla að halda áfram minni "ferð" á mínum eigin hraða, en ekki bara að vera að einbeita mér að einhverri einni dagsetningu. Svo það verður ekki tekin nein ákvörðun strax með nein mót! Ég tók þessa ákvörðun ásamt henni Michelle sem ég mun halda áfram í þjálfun hjá. Það var annað hvort að taka þátt í næstu áskorun hjá henni eða byrja hjá henni í keppnisþjálfun. Hún mælti með því að ég myndi taka áskorunina frekar, "lean out more" og svo þegar formið er komið þá er hægt að fara að skoða hvaða mót eru á næstunni. Mér leist ótrúlega vel á þá hugmynd og ég veit að hún er greinilega að hugsa um minn hag því hún hefði grætt meiri money með því að taka mig í keppnisþjálfunina hahha. Þannig að eftir áramót byrjar næsta "Sexy in 60 days" áskorun og mun ég vera með í henni (ásamt einni annarri íslenskri stelpu sem ég þekki vúhú). Þessi texti er tekinn af facebook fan síðunni hennar Michelleum áskorunina:
"The Sexy-in-60 Challenge Last Resolution (New
Years Edition) will be taking place January 1st, 2013 - March 1st!,
2013 ! I will be accepting 40 contestants to compete for the prize of :
full refund of entry fee, free 6 pack bag from sixpackbags.com, free
BODYBUG heart monitor, free month of my fitness model packages, and
discounts on all future packages. Also, all survivors will be displayed
on my fitness page and recieve Sexy-in-60 T shirts. If interested,
please email me at info@sexyin60challenge.com ! Spots are filling
quickly, all paperwork and entry fee are due by December 28th, 2012!"
Hlakka svo ótrúlega mikið til! Ég ætla ekki bara að komast í það form sem ég verð sátt við, heldur ætla ég að halda mér þar!! Það er eitthvað sem hefur reynst mér erfitt hingað til, ég hef alltaf getað komið mér í ágætis form á góðum tíma, en ég hef aldrei náð að halda mér í því formi lengi. En ég held að með þessum áskorunum þar sem ég er ekki að koma mér í ákveðið form fyrir ákveðna keppni, heldur er þetta bara venjulegt daglegt líf, sé ég að læra inná það að gera þetta allt að lífstíl, ekki ákveðnu tímabili.
Þangað langar mig að fara
Í gærkveldi var ég aðeins að leika mér heima með web-camið í tölvunni minni. Ég fann kviðæfingar frá BodyRock sem mig hafði alltaf langað til að prófa, svo ég ákvað bara að gera það. Stillti timer-inn í símanum mínum og kveikti á webbanum. Þetta var svo mikið auðveldara en ég bjóst við. Tók 2 umferðir, hefði klárlega getað meira. Veit það næst.
En æfingin er sem sagt: 15 sek vinna og 10 sek hvíld. Allar æfingar gerðar í plankastöðu.
1. Fætur saman fram og aftur
2. Fætur saman fram og svo sundur aftur
3. Fætur fara í hringi
4. Fætur saman fram og svo sundur aftur
5. Fætur undir og til hliðanna
Hérna er hægt að sjá myndbandið:
Skrítið að sjá sjálfan sig svona í æfingunum heheheh, en bara gaman að því. Hrikalega léleg gæði í web-caminu mínu, það verður bara að segjast eins og er.
Svo styttist bara í jólin og svona, og ég hugsa ekki um jólakökur og jólamat og þess háttar, ég hugsa um hvernig ég get æft yfir jólin en náð samt að klára jólagjafainnkaup og allt þetta jólastúss á sama tíma. Mikið hvað það verður gott að komast uppá Skaga og fara í smá frí á hótel mömmu, hlakka mikið til. Hef soldið velt því fyrir mér hvort að ræktin verði ekki örugglega opin þar fyrir hádegi á aðfangadag, en jú ég trúi nú ekki öðru. Annað væri ekkert nema hneyksli!!
Ég í ræktinni á aðfangadag - hahaha
Guilty!!
Þetta er Candice Perfect - mér finnst hún hrikalega flott - næstum perfect :)
Ég byrjaði á nýju æfingaprógrammi í vikunni. Var búin að vera í mánuð á hinu og það er alltaf þannig hjá mér að eftir 4 vikur er ég komin með smá leið og þarf að fá nýtt. Í gær tók ég framanverð læri (quads) og tvíhöfða með. Mér finnst tvíhöfða og þríhöfða æfingar svo leiðinlegar að ég tek þær bara með einhverjum öðrum vöðvahópum, meika ekki að hafa einn dag sem er bara hendur. Venjulega er fólk með tvíhöfða með baki, en ég kýs að taka bakið eitt og sér og einbeita mér betur að því. Fannst þetta bara skemmtileg tilbreyting svona. Svitnaði aaalveg vel á æfingunni. Mér finnst svo fínt að fara svona á kvöldin að taka æfingu. Þá er mikið minna af fólki og rólegra yfir öllu. En ég æfi venjulega alltaf strax eftir vinnu til að geta verið komin heim um kvöldmatarleytið og sinnt barninu mínu :)
Ég kom heim í gærkveldi alveg búin á því eftir daginn. Sinnti heimilisstörfunum og horfði á Gossip girl, dottaði smá yfir því, voða kósý. Ekki nema samt svona 5 mínútur eða eitthvað, en stundum er það bara alveg nóg. Svo uppgötvaði ég það þegar leið á kvöldið að ég hafði gleymt að gera Plyo-æfinguna mína sem ég átti að gera á sunnudeginum.....úbbs!! Svo það var ekkert annað í stöðunni en að vippa sér í íþróttaföt og drífa þetta af. Tók 2 og hálfan hring, það tók mig um 17 mínútur og við það brenndi ég 138 kcal. Í staðinn fyrir að hvíla alveg í pásunum á milli, þá nýti ég þær í eitthvað gagnlegra. Fyrstu pásuna nýtti ég til að taka utan af eggjunum mínum og skipta í box fyrir næstu daga og í seinni pásunni tók ég úr þvottavélinni og hengdi upp.....fínt að nota pásurnar svona, þá er maður að hvíla, en samt ekki þannig að púlsinn fari alveg niður :) Erfiðustu æfingarnar í plyo-hringnum eru tuck jumps:
Tuck jumps
og að fara úr því beint yfir í að gera 20 burpees er bara killer!!
Burpees
En það er fín tilbreyting að gera svona Plyometric æfingar. Myndi samt sennilega aldrei nenna að gera þetta nema bara af því að þetta er í prógramminu mínu og ég hef ekki samvisku í að sleppa því að gera það sem stendur þar!!
Eftir æfinguna mína fór ég í heita sturtu og klæddi mig svo í ógeðslega mikið af kósýfötum og beint uppí rúm með sængurnar mínar tvær (ég er svo fáránlega mikil kuldaskræfa) að horfa á Walking dead. Þessi þáttur var svo rosalegur!! Fjórði þátturinn í seríu 3.....það var ekki langt í að maður færi hreinlega bara að grenja!! og nei ég er sko ekki að ýkja.....sjitt, ég átti bara erfitt með mig. Þessir þættir verða bara betri og betri, svo margt spennandi að gerast núna í þeim, bíð núna alveg hrikalega spennt eftir næsta þætti :D Þessir þættir fá sko 8,7 á imdb þannig að ef þú ert ekki þegar að horfa á þá.....þá veistu hvað þú átt að gera!!
Þessi mynd er úr fyrri seríu....ekki allir þarna ennþá lifandi.....
Ég litaði hárið mitt rautt í gærkveldi - þarf að skella mynd inn bráðum til að sýna ykkur. Ég er bara þokkalega ánægð með þetta, var komin mikil þörf á smá tilbreytingu, búin að lita hárið mitt nákæmlega eins í mörg ár.
Ætlaði að skella bara smá svona myndabloggi inn núna, frá hinu og þessu sem hefur á daga mína drifið síðastliðnar vikur eða svo.
Pub quiz með vinnunni sem var í haust - vinningsliðið ásamt spyrlinum:)
Sætasta mín á skautum
Við mægður að skauta :)
Ég datt á skautunum og fékk þennan fína skurð - held það sé komin sýking í hann núna, þarf að láta kíkja á það....
Soldið sveitt eftir góða æfingu í Reebok
Svona lítur eldhúsið mitt út sirka tvö kvöld í viku þegar ég er að elda allt nestið mitt
Þríhöfði og bak!!
Sjokk mynd dagsins - ég í annarri lyftu með íþróttatösku!!
Þessa dagana er ég að taka þátt í online áskorun sem heitir "sexy in 60 days" sem ung fitness-stúlka í Houston, USA er að sjá um (þið getið ýtt á flipann hér fyrir ofan til að lesa meira um áskorunina). Við erum 30 stelpur í áskoruninni og eins og nafnið gefur til kynna stendur áskorunin yfir í 2 mánuði; október og nóvember. Michelle Parish, heitir hún sem sér um keppnina, og hún er algjör æðibiti. Virkilega góður motivator, mikill viskubrunnur og mjög hugmyndarík og skemmtileg. Ég stefni að því að fara á næsta ári til usa og keppa, helst einhversstaðar nálægt Houston, svo ég geti hitt hana og hún aðstoðað mig við undirbúning.
En sú sem vinnur þessa sexy in 60 áskorun fær einmitt í verðlaun six pack bag (sem er snilldartaska fyrir fitness fólk sem er alltaf með nesti með sér útum allt) og svo alla aðstoð til að keppa á fitnessmóti, sem vinnigshafi fær að velja sjálfur í samráði við Michelle. Þá erum við sem sé að tala um þjálfun fyrir mótið, keppnisgjald, brúnka, make up...allur pakkinn (ekki alveg allur, en svona alveg slatti amk). Þannig að mig langar mjöööög mikið til að vinna! Hún velur sjálf sigurvegara og tekur þá tillit til líkamlegra breytinga, hugarfars, viðhorfs, þátttöku í grúppunni og hversu vel við höfum verið að fara eftir prógramminu. Við erum sirka 10 sem erum allra virkastar og líklegastar til sigurs. Það er alveg hrikalega skemmtilegt að taka þátt í þessu, búin að kynnast skemmtilegum stelpum og svo er þetta að sjálfsögðu mikil hvatning líka. Hún verður með fleiri áskoranir eftir þessa, ætlar að byrja í janúar með nýja áskorun, svo ég mæli eindregið með þessu fyrir þær sem vilja komast í form eða fá auka hvatningu!
Six pack bag
Við fáum sem sé æfinga og matarplan sem við þurfum að fylgja eftir í þessari keppni. Skiptist í Phase 1 og Phase 2. Á mánudaginn síðasta byrjaði phase 2, sem er alveg slatta erfiðara en phase 1. Ekki bara erfiðara samt, heldur líka slatta öðruvísi, bæði æfingarlega og matarlega séð. Elska svona fjölbreytni. Tvisvar í viku er svokölluð Plyo-revolution æfing, sem er hrikalega skemmtileg. Ég gerði hana bara heima síðast og er alveg að elska þetta! Tekur enga stund, en samt lekur alveg af manni svitinn!!
Hérna er ég að gera Plyo æfinguna í fyrsta skiptið:
Ógeðslega gaman!
Æfingin:
20 jumping jacks
20 mountain climbers
20 tuck jumps
20 burpees
20 lunge jumps
20 jumping jacks
20 mountain climbers
20 squat jumps
Svo hvílir maður aðeins, og tekur svo annan hring. Ég er reyndar svo klikkuð að síðast tók ég auka hring af 10 endurtekningum, og mun örugglega næst bara bæta við alveg heilli umferð :)
Á morgun er WBFF World Championship haldið í Toronto, og eru nokkrir íslendingar að fara að keppa þar. Þetta er heimsmeistaramót, sem skiptist niður í amateur og pro. Ég held að allir Íslendingar sem eru þarna séu að fara að keppa sem atvinnumenn.....ekki slæmt það. Það eru mörg hundruðir keppenda að fara að stíga á svið þarna, og allir í hriiiiikalegu formi, svo það verður alveg magnað að sjá! Get ekki beðið eftir að horfa. Erum nokkur úr fitness-grúppunni á facebook sem redduðum okkur sal og ætlum að horfa á þetta á stórum skjá, það verður klárlega awesome :D
Í morgun fór ég í Tabata tíma kl 6 og kom það í ljós að það er til eitt spil sem ég er ekki svo góð í......heheh. Kennarinn (Geir Gunnar) mætti sem sagt með spilastokk og svo voru bara spilin dregin og hvert spil sagði til um hvað við ættum að gera. Hjarta var armbeygjur, tígull var uppsetur, spaði var hnébeygjur og lauf burpees. Þannig að ef hann dró til dæmis hjarta tíuna, þá gera það 10 armbeygjur. Þegar hann dró ás þá áttum við að ganga/hlaupa með ketilbjöllur í sitthvorri hendi fram í sal að Reebok skiltinu og til baka, tvisvar. Þannig að niðurstaðan eftir þennan tíma var 509 kaloríur bæ-bæ, 99 uppsetur, 99 armbeygjur, 99 hnébeygjur og ójá 99 burpees!!! Sá púlsinn minn fara mest uppí 199 slög (það var þegar við vorum að gera 11 burpees og svo komu 5 burpees strax á eftir hahhaha). Þetta var rosalega gaman og kom mjög á óvart, tók svaklega vel á :D
Hver hefði trúað því að það væri hægt að gera klukkutíma heljarinnar æfingu með ekkert nema spilastokk??
Ég er orðin ótrúlega mikil stelpa, er að elska allt bleikt þessa dagana! Veit ekki hvernig það gerðist, en svona er þetta. Hef aldrei verið mikið fyrir bleikt, svo kemur þetta allt í einu upp hjá mér á gamals aldri. Í ræktinni er ég alltaf í svörtum og bleikum Nike skóm, með bleikan mp3 spilara og oft í bleikum bol líka. Væri gaman að eiga svona dót líka:
Þessi bolur er til í Sportland, væri nú alveg til í að splæsa honum á mig :)
Svo væri nú ekki leiðinlegt að æfa í einni svona stöð! Verst væri að það væru sennilega engir strákar að æfa þarna líka.....og mér finnst nú ekki leiðinlegt að hafa stundum gott útsýni þegar maður er að æfa ;)
.jpg)
