Personal planner

I want to get myself a personal planner so I was browsing the internet to find some interesting sites that sell ones that you can personalize for yourself. I came across this site: http://www.personal-planner.com.au/AU/ and it looks like a good option. Have any of you ordered from them and if so, how did you like?

I don´t want to get some plain black or white planner with just a few lines on each day. I want to be able to organize everyday; my meals, my workouts, my goals, my blog, my personal training clients and well, just about everything I do, all in the same place. I´ve tried that with the usual planners, and its just not working out so good. Everything starts to look messy and than after a while I give up. But I feel if I would make my own planner myself it would be more useful to me, plus it would look excactly the way I wanted it to look!

This is a sample on how one week could look like

A lot of choices!!

You can even choose your own cover!

Another sample of one week

It all looks so amazing! I am pretty sure that I´m going to get myself one of these.

Would be nice to hear from you though, if you have expreience in this matter :)

 

xx

Rósa

"The Rock"

Dwayne Johnson, a.k.a. "The Rock" er svo ógeðslega svalur gaur!! Ég fylgist með honum á facebook og þessi maður er bara svo með þetta. Hann er duglegur að pósta inná læk síðuna sína myndum af sér úr ræktinni og á setti, og lætur oft fylgja með fyndin eða motivational quotes. Afsakið ensku-sletturnar mínar, stundum eru ensku orðin bara ofar í huga hjá manni, og maður nennir ekki að leita af íslensku orðunum. Ef þið eruð ekki að fylgjast með kallinum, þá mæli ég með því að þið gerið það hið snarasta HÉR.

xx

Rósa

Kaffi vafningur

Þegar ég var að vafra um á instagram um daginn rak ég augun í umræðu um kaffi-vafninga. Umræðan var hjá erlendri fitnesskonu, og ég ætlaði svo að muna hvað hún héti svo ég gæti fundið hana aftur, en það er alveg stolið úr mér (enda er ég að followa aaaansi margar fitness gellurnar svo að það er kannski ekki skrítið). En mér fannst þetta soldið spennandi, því maður vill auðvitað alltaf líta sem best út og þessir vafningar eiga að hjálpa til við það, og þú getur gert þá heima hjá þér fyrir smáaura, í staðinn fyrir að borga morðfjár til að fara á stofu.

Hvað gerir kaffið?
Koffín virkar gegn appelsínuhúð!! Það örvar blóðrásina og hjálpar þannig til við að koma í veg fyrir vatnssöfnun og gerir því líkamanum kleift að losa frekar um eiturefni og vökva. Með því að bera kaffi á vandamála-svæðin reglulega (ekki mælt með oftar en tvisvar í viku samt) er hægt að minnka appelsínuhúð þannig að það sé sjáanlegur munur. Húðin verður einnig stinnari og sléttari. Og hver vill það nú ekki? En árangurinn er að sjálfsögðu ekki varanlegur, það þarf að halda þessu við J
Ég prófaði í fyrsta skiptið í gær. Ætla að gera þetta tvisvar í viku í mánuð og athuga hvað gerist (eða hvort eitthvað gerist hehe). Þetta er soldið subbulegt þannig að það er gott að standa ofan í baðkari eða sturtuklefa við verknaðinn.
Það sem þarf:

Ø  Kaffi

Ø  Bleyta það í soðnu vatni og hræra vel saman

Ø  Setja smá ólífuolíu út í til að þetta festist betur á líkamanum

Ø  Plastfilmu

Ø  Magn af öllu fer bara eftir hvað þið viljið setja á stórt svæði á líkamanum

Svo makar maður bara herlegheitunum á þá staði sem maður kýs og vefur svo plastfilmunni utan um. Láta þetta svo virka í 20-30 mín. Sennilega er best að leggjast bara í rúmið/sófann í sloppi eða einhverju (ef eitthvað kaffi skyldi leka framhjá hehe) á meðan beðið er til að eiga ekki í hættu á að rífa filmuna. Svo er bara allt kaffi skolað af í sturtunni að biðtímanum loknum. Mæli með að setja á sig góða sápu til að losna við kaffi-ilminn.

Kaffið og plastfilman tilbúið :)

Kaffið komið á

Plastfilman komin yfir

Endilega prófið, eða látið endilega í ykkur heyra ef þið hafið betri útgáfur af þessum eða svipuðum vafning J

xx

Rósa

Prufa

Ég var að fá mér Blogger app í símann minn, þannig að ég geti bloggað á ferðinni ef mér dytti það í hug einhverntíma. Svo gaman að eiga síma sem ég get gert ALLT sem mér dettur í hug í. Love it ❤️👍

Ég fór á æfingu í dag, hamstrings og glutes var á dagskránni, sem eru með uppálds æfingunum mínum. Svo verslaði ég fyrir vikuna í Bónus og skellti mér svo í sund þar sem mér tókst að næla mér í nokkrar freknur. Vonandi er þetta bara byrjunin á geðveiku sumri ☀️👍💪👙

 

xx

Rósa

Innblástur

Ég get alveg misst mig á Pintrest stundum, sérstaklega svona á föstudagskvöldum þegar Elín mín er ekki heima og ég hef ekkert að gera. Í kvöld var þannig kvöld. Ég málaði mig eins og ég væri að fara út á lífið, lakkaði á mér neglurnar með hvítu lakki og vafraði svo um á netinu/Pintrest að skoða fallegar myndir. Hérna er brotabrot af því sem ég sá fallegt:

Belti fyrir síma og lykil í ræktina, VERÐ að eignast svona! bara VERÐ

Flottur og sumarlegur vatnsmelónu safi í krukku 

Þessi blái litur er svo fallegur, veit einhver hvar ég finn svona bláan lit? 

Geðveik sólgleraugu!

Flottir skór, flott taska, flottar buxur

Prinsessu-pils, Me wants

Ég ætla að seiva þessa mynd í símanum mínum og fara með hana á hárgreiðslustofu og fá mér þessa liti! 

Þarf að kaupa mér þennan lit frá MAC, æðislegur :) 

Finnst svo flottir svona hringir. Verst að þetta lúkkar ekki vel á dverga-bollu-puttunum mínum.....

Flott outfit

ooohhhh vildi að ég væri milljónarmæringur, þá ætti ég þetta allt saman :D 

xx

Rósa

Eurovision

Þeir sem þekkja mig vita að ég elska Eurovision. Ég veit ekki hvað það er við þessa keppni, en ég hef alveg rosalega gaman að þessu. Oftast finnst mér nú ekkert varið í meirihlutann af lögunum, svo þetta snýst ekki um það. Bara að fylgjast með undankeppnunum, hvaða lönd komast áfram og svona. Svo er líka gaman að fylgjast með stigagjöfinni í lokaúrslitunum :)

Ég held með Armeníu að þessu sinni, held að þeir taki þetta!

Lagið er kannski ekkert svo stórkostlegt til að byrja með, rosalega rólegt. En hann bætir klárlega upp fyrir það í lokakaflanum. Vinnufélagar mínir eru svo EKKI sammála mér með þetta lag, en það er eitthvað við það sem ég elska. Ég kíkti á veðbankana til að sjá hvort ég væri nokkuð ein í heiminum um þetta og neinei, ALLS EKKI, þessu lagi og Svíþjóð er spáð 1. og 2. sætinu! Enda man ég ekki eftir því að hafa haft rangt fyrir mér með sigurlagið í Eurovision (eftir að ég byrjaði að spá svona mikið í því að minnsta kosti). En við sjáum hvað setur. Ég vona að ég geti komið í vinnuna á mánudaginn næsta og sagt við alla í vinnunni " I TOLD YOU SO!!!" hehhehe

xx

Rósa

Like - síða

Ég var að búa til Like-síðu fyrir bloggið mitt, þannig að þeir sem eru ekki vinir mínir á facebook geti fylgst með þegar það koma inn nýjar færslur og þess háttar. Eins mun ég kannski setja inn fleiri myndir þar, sem ég mun kannski ekki endilega blogga um.

Endilega læka og deila.

HÉR er síðan. Í framtíðinni mun ég svo vera með leik á síðunni fyrir "lækara", er með einn í huga nú þegar. 

xx

Rósa

Sexy sunnudagur vol 3

Að þessu sinni er Nick Weschsler heiti gaur dagsins. Hann er einn af aðalleikurunum í Revenge. Mér fannst hann nú ekkert sérlega spes fyrst, en svo er karakterinn hans í þáttunum þannig að hann verður meira aðlaðandi með hverjum þættinum. Hot hot hot

Hann er nú ekkert sérlega sætur á síðustu myndinni, mér fannst hún bara svo hrikalega fyndin að ég varð að láta hana fylgja með. Ég man samt vel eftir þessu atriði í þáttunnum og það var sko ekkert fyndið.....ég felldi tár og allt!!! say no more!

Góða nótt

xx

Rósa

Fimm staðreyndir um mig á föstudegi vol 3

1. Ég á 2 albræður og 3 hálfbræður. Tvo af hálfbræðrum mínum þekki ég samt ekki neitt og finnst það mjög leiðinlegt, það er eiginlega bara frekar skammarlegt!

2. Ég borða ekki majones. Sem gerir það að verkum að ég borða ekki tilbúin salöt, kokteilsósu, sinnepssósu, hamborgarasósu, pítusósu og svo framvegis. Allt þetta leiðir svo til þess að ég get aldrei keypt mér tilbúnar samlokur, langlokur eða neitt í þeim dúr, þar sem það er alltaf útatað í einhverri majones leðju.

3. Ég hélt dagbók þegar ég var ófrísk og þar stendur á einni af fyrstu blaðsíðunum í bókinni að ef barnið verði stelpa eigi það að heita Elín Mist og ef það yrði strákur Ísak Örn.

4. Ég naga neglurnar og skinnið í kring. Ógeðslegt ég veit. En þetta virðist vera eini ávaninn sem ég get ómögulega vanið mig af! Tekst stundum í smá tíma, en svo áður en ég veit af er ég byrjuð aftur :(

5. Ég er MJÖG sérvitur. Fjarstýringarnar VERÐA að vera ofan í skálinni, uppþvottaburstinn VERÐUR að vera hægra megin við vaskinn, handklæðin VERÐA að vera brotin rétt saman, skórnir VERÐA að vera í skógrindinni og svo mætti lengi telja. Ég geng út um allt hús og laga hlutina ef þeir eru ekki réttir! Það er ekki hægt að búa með mér!

Góða helgi 

xx

Rósa

Sexí sunnudagar

Þá er komið að næsta fasta liði á blogginu mínu. Að þessu sinni er sexí gaur dagsins enginn annar en Jensen Ackles. Suprise suprise. Kemur sennilega engum á óvart. Ef ég væri ekki frátekin kona þá værum við klárlega saman. No doubt about it.

Þið sem ekki vitið um hvern ég er að tala ættuð nú bara að skammast ykkar. Jensen Ackles leikur eitt af aðalhlutverkunum í uppáhalds sjónvarpsþáttunum mínum, Supernatural. Hann leikur Dean Winchester, frekar flottan gaur sem eltist við yfirnáttúrulegar verur til að bjarga mannkyninu, ásamt litla bróður sínum Sam Winchester. Hann er náttúrlega algjör hetja. Áður en hann varð frægur fyrir leik sinn í Supernatural vann hann fyrir sér sem fyrirsæta og lék svo hlutverk í Days of our lives og Smallville.

En myndir segja meira en þúsund orð:

Smizing...

og meira smizing....

Er það ekki pínu ósanngjarnt fyrir alla hina að það sé til svona eintak? 

krúttað....

Mr. Handsome

Blue steel....

  Svo verðiði eiginlega að horfa á þessi tvö myndbönd líka, hann er svo mikið æði :) 

Svo get ég náttúrulega aldrei sagt það nógu oft, ef þú hefur ekki horft á Supernatural. farðu þá í það ekki seinna en NÚNA!!

Góða nótt :)

xx

Rósa

Fimm staðreyndir um mig á Föstudegi

1. Ég fer aldrei í ljós. Í rauninni finnst mér mjög heimskulegt að fara í ljós. Af hverju vill fólk viljandi líta út eins og krumpaðir tómatar úr leðri? og í leiðinni auka líkur sínar á að fá húðkrabba? nei ég bara spyr ;) ég set á mig brúnkukrem ef ég vil aðeins fríska uppá mig. 

2. Mér finnst Jensen Ackles myndarlegasti maður sem uppi hefur verið. 

3. Ég reykti í 11 ár. Finnst svo ótrúlegt í dag að ég hafi verið svona vitlaus. Að hafa brennt peningunum mínum, skaðað heilsuna mína og lyktað ógeðslega illa í allan þennan tíma, VILJANDI!!! Ef það er eitthvað sem ég skammast mín fyrir að hafa gert yfir ævina, þá er þetta klárlega þar ofarlega á blaði. 

4. Ég setti einu sinni Íslandsmet í bekkpressu í mínum þyngdarflokki! þá voru reyndar mjög fáar svona léttar stelpur að keppa, en hey, í smá tíma átti ég Íslandsmet engu að síður!! 

Kraftlyftinga-peningarnir mínir :) 

5. Ég er rosalega matvönd. Ég borða til dæmis nánast engar mjólkurvörur og engar majones vörur. Get alls ekki borðað þeyttan rjóma, grænar baunir, sveppi, aspas, fisk (annan en ýsu og stundum lax), bernaise sósu, mygluosta, pasta, hálfeldað kjöt, spægipylsu og maaaargt fleira, mér bara dettur ekkert meira í hug eins og er. Það er mjög leiðinlegt að bjóða mér í matarboð....just sayin´ 

Barnlaus kósý helgi framundan hjá mér (rauðvín komið í glas)

Heyrumst

xx

Rósa

Blogg hugmyndir

Ég er mikill blogg-aðdáandi og kíki reglulega á nokkuð mörg blogg (og alltaf eru að bætast í safnið ný og skemmtileg blogg) og mér finnst alltaf jafn gaman að lesa það sem aðrir eru að skrifa. Á þessum bloggrúntum mínum fæ ég stundum hugmyndir af einhverju sem ég vil gera sjálf....og núna hef ég ákveðið að láta verða að einni hugmyndinni. Mér finnst sjálfri svo gaman að sjá þetta hjá öðrum og vona að mínir lesendur muni vera sömu skoðanar, en það sem ég ætla að gera er að vera með ákveðna fasta liði hérna á blogginu.

Ég er komin með þrjár hugmyndir og mun eftir fremsta megni reyna að standa við þetta. Þeir föstu liðir sem þið megið búast við að sjá hér í framtíðinni eru:

• Fimm staðreyndir um mig á Föstudögum. Segir sig sjálft.....
• Sexí Sunnudagar. Þá mun ég fylla bloggið með myndum af einhverjum svaka sexí gaur, nýr gaur hvern sunnudag að sjálfsögðu;)
• Máltíð dagsins á Miðvikudögum. Þá mun ég sýna ykkur mína uppáhalds máltíð þessa dags og koma með uppskrift ef svo ber til .

Á morgun er miðvikudagur svo þið megið búast við Máltíð dagins á morgun :) 

xx

Rósa

Skemmtileg quotes

Þegar ég verð komin í mína eigin íbúð langar mig til að fá mér eitthvað flott quote í fallegu letri á einn vegginn. Helst í frekar stóru letri þannig að það verði auðlesanlegt og áberandi. En ég er nú ekkert að fara að eignast mína eigin íbúð á næstunni svo mér liggur ekkert á, en stundum rekst ég á eitthvað sniðugt sem ég gæti hugsað mér að setja á vegg, eins og þessi hér til dæmis:

Myndi einmitt vilja hafa þetta eitthvað svona einfalt, og jafnvel skondið eins og þetta neðsta. En að sjálfsögðu í mikið fallegra leti. Það er örugglega ótrúlega gaman að vera í sínu eigin húsnæði og fá að ráða algjörlega hvað maður gerir við það.....getekkibeðið.....

Í kvöld er ég að fara að sjá Mið-Ísland með vinnunni, og Elín Mist fær að fljóta með. 

Hlakka til 

xx

Rósa