Monday, November 25, 2013

Jólahlaðborð

Á föstudagskvöldið var jólahlaðborð hjá vinnunni minni. Það var haldið bara hérna í skrifstofuhúsnæði Pennans, í matsalnum á fyrstu hæðinni og Kokkarnir sáu um matinn. Þetta var ótrúlega flott kvöld í góðum félagsskap. Mætingin var alveg rosalega góð, það voru allavega um 110-120 manns sem skráðu sig, enda frír matur og drykkir í boði :) Ég fékk mér bara mat, gos og 1 rauðvínsglas, því ég þurfti að vera mætt í skólann til Elínar á laugardagsmorgninum kl. 10 til að baka laufarbrauð og standa vörðinn á kökubasar. Hún er í 7.bekk og þau eru að safna fyrir Reykjaskólaferðinni. Ég var sennilega komin heim um hálf 11 leytið um kvöldið. Þá skellti ég mér nú bara í kósýgallann og bakaði eina sort fyrir kökubasarinn. Það sem maður leggur á sig fyrir þessi börn :)

Ég og Ragga mættar
Það sem ég fékk mér af kalda hlaðborðinu (ég er svakalega matvönd)
Það sem ég fékk mér af heita hlaðborðinu
Það sem ég skildi eftir af heita hlaðborðinu hehe (alltof mikil fita á kjötinu fyrir minn smekk)
Ég náði ekki mynd af eftirréttinum því það var orðið svo dimmt í salnum þá, og myndavélin á símanum mínum er ekki nógu góð til að taka myndir í myrkri. En það var allavega súkkulaðikaka með vanillukremi í eftirrétt :)

Vinnnustaðahrekkur - allt skrifborðið hans Borgars fært á klóið :) 
Hahahaha þetta er alltof mikil snilld 
Alltaf nauðsynlegt að smella í eina sjálfsmynd þegar maður fer á klóið :)
Pakkadagatalið hennar Elínar að verða tilbúið :) 


No comments: