Monday, February 11, 2013

Leti

Já ég er búin að vera óskaplega löt alla síðustu viku....veit ekki af hverju, kom bara yfir mig eitthvað rosalegt slen. Átti erfitt með að vakna á morgnanna, nennti ekki á æfingu, nennti ekki að fylgja eftir matarplaninu, nennti ekki að þrífa, já ég bara varla nennti neinu. Ég reyndi þó eins og ég gat og mætti nú í ræktina flesta dagana og fylgdi matarplaninu svona 70% af vikunni....en mikið er samt leiðinlegt að fá svona leti yfir sig. Ég kann ekki vel við þá tilfinningu.

En svo vaknaði ég á laugardeginum alveg hin allra hressasta. Mætti í 90 mínútna Eurovision spinning í Reebok og það var svo óóógeðslega gaman!! Ég kunni öll lögin utan af, og skammaðist mín ekkert fyrir það hehe :) Ég þreif íbúðina hátt og lágt og fór með Elínu og vinkonur í Kolaportið og útað borða.

Anna, Valdís og Elín á Serrano í góðum gír! Besti skyndibitinn :)
Ég byrjaði aftur í Pole fitness í síðustu viku. Keypti mér námskeið á 4.500 kr á Nýkaup.is og þetta er voða gaman. Er á þriðjudögum og fimmtudögum á byrjendanámskeiði.Ég fór líka á byrjendanámskeið fyrir ári síðan, svo maður er ekki alveg að byrja á núlli, en samt svona næstum því. Gat þó farið á hvolf alveg í fyrsta tímanum og náði svona flestum snúningunum líka. Maður varð að sjálfsöðgu allur alveg marin og blár eftir fyrstu tímana, þvílíkt gaman.
Ég í Pole fitness í fyrra :)
Svo er bara kominn mánudagur!! Mér finnst mánudagar æðislegir :) Vaknaði hel fersk í morgun um fimm leytið og var mætt í ræktina kl 05:40, fyrst á svæðið!! Það er reyndar auglýst að það opni kl 05:50, en oftast er nú starfsfólkið mætt fyrr og búið að opna, sem hentar mér mjög vel, því ég er oft mætt fyrir þann tíma :)

Tómur salurinn kl 05:40 í morgun
 Ég ætla að vera dugleg að blogga í þessari viku, ein færsla á dag, kemur skapinu í lag :D

Eigið gleðilegan mánudag, og gleðilegan bolludag þið sem ætlið að fá ykkur svoleiðis. Ég fékk mér bollu í gær og ætla að láta það duga :)

No comments: