Prófin nálgast

Ég er að farast úr stressi.....styttist alveg óðum í prófin og mér finnst ég ekki vera búin að læra nógu mikið í neinu fagi. Vorum að fá tímasetningarnar okkar fyrir munnlegu prófin, og var það alveg svona reality check. Þetta er aksjúlli í að fara að gerast. Síðasta lokaprófatörnin á Bifröst. Jæks. Ef ég fæ ekki magasár eftir þessa törn þá veit ég ekki hvað. Æ em só skrúd.

• Mánudagur: Skriflegt próf í Stjórnunarbókhaldi (tímasetning ekki komin ennþá). Kvíði sennilega minnst fyrir þessu prófi, er með flotta meðaleinkunn úr verkefnum þannig að í raun "má" ég fá lægri einkunn en í hinum.
• Þriðjudagur: Munnlegt próf í Stjórnun og Stefnumótun kl: 15:30. Kvíði alveg svakalega mikið fyrir þessu prófi þar sem kennarinn er ótrúlega "hræðilegur". Ég verð alltaf eins og lítil hrísla þegar hann spyr mig að einhverju og finnst ég vera heimskasta manneskjan í heiminum. Ég veit ekki af hverju, en ég bara einfaldlega hræðist hann. Drögum tvær spurningar, önnur sem við höfum fengið tíma til að undirbúa og önnur óundirbúin. Dæs.
• Miðvikudagur: Skriflegt próf í Hagnýtri Hagfræði kl: 09:00. Veit ekki einu sinni hvað ég get sagt um þetta próf, eða fag, eða kennarann. Eitt er þó víst að einkunnagjöfin verður ekki hlutlæg og því skiptir kunnátta kannski ekki mestu máli, heldur frekar hversu grænn maður er eða hversu mikið kennarinn er sammála manni......
• Föstudagur: Munnlegt próf í Hagnýtri lögfræði kl: 18:30. Eina áhyggjuefnið í sambandi við þetta próf er að spurningarnar eru mjög víðar og við fáum engan undirbúningstíma. Gæti til dæmis dregið "Félagaréttur" og þá þarf ég bara að tala um allt sem tengist félagarétti í 15 mínútur. En kostirnir við þetta er að ég get þá bara talað um það sem ég man og reynt að redda mér þannig.

Úff, ætla að reyna að fara að sofa og róa taugarnar aðeins áður en ég verð hælismatur.
Góða nótt