If you can dream it you can do it

Bikini

2012-01-25T20:27:00.002Z

Loksin loksins er ég búin að velja mér bikini fyrir mótið. Það var geðveikt erfitt og ég er ennþá í smá vafa....finnst svo ótrúlega mörg bikini flott. En langaði mest í fjólublátt eða bleikt. Ákvað á endanum að velja fjólublátt. Það sem ég ætla að panta mér lítur svona út:

Best að drífa það bara af að panta svo ég hætti að vesenast með þetta fram og til baka. Ég ætla líka að panta mér nýja skó, ég á svona platform skó en þeir eru með svörtum böndum á og mig langar í með glærum...lítur mikið betur út uppá sviðinu finnst mér að hafa skónna glæra. Ég á reyndar eftir að athuga með það hvort það megi ekki örugglega vera í platform....vona það svo sannarlega....er með svo stutta fótleggi heheh.

Annars heldur snilldin bara áfram :) hlakka til á laugardaginn þegar er næsta mæling og myndataka....spurning hvernig maður verður eftir svona kolvetna-viku. Er allavega spennt að sjá hvað gerist :) Svo fer bara að líða að nýju prógrammi og að ég þurfi að fara að skella mér einhver hádegi í trimform og svona. Bara stemmning :)

Ég á 3 tíma eftir af Pole-fitness námskeiðinu mínu og er að spá í að skrá mig á annað námskeið strax í framhaldi. Þetta er svo gaman :) Langar reyndar líka geðveikt mikið í fitness-box, en er að spá í að láta það bíða aðeins lengur og halda mig við pole-fitnessið núna. Maður getur ekki gert allt í einu hehe....þó manni langi nú stundum til þess :)

Mánudagur

2012-01-23T09:40:00.000Z

Ég veit ekki með ykkur, en ég elska mánudaga! Þá er rútínan að fara aftur í gang; ræktin, vinnan, svefninn og mataræðið er allt á sínum stað og ekkert rugl. Ekki að mér finnst rosalega gott að sofa út um helgar og tek það ekki í mál að fara að stilla vekjaraklukku, þá finnst mér alltaf jafn gott þegar mánudagarnir koma og ég stilli klukkuna kl 05:30. Já, þið lásuð rétt.....ég vakna kl 05:30 á mánudagsmorgnum, skelli mér í ræktargallann, set nestisboxin í töskuna og skelli mér svo í Reebok Fitness í tabata/interval/bjöllu tíma. Það er bara æðis! Get varla hugsað mér betri byrjun á deginum :)

Núna er ég að byrja á viku 3 á keppnis-prógramminu og fæ að borða smá af kolvetnum í vikunni. Hrökkbrauð, hrísgrjón og sætar kartöflur....ekki slæmt það. Var ekki með neitt svoleiðis í síðustu viku, svo það verður fín tilbreyting.

Tók myndir á laugardaginn og mælingar, eins og alla laugardaga og þetta er allt á réttri leið. 17 vikur í þetta núna, tíminn líður alltof hratt sko. En ég mun ná þessu, sama hvað það kostar! Það verður bara harkan tekin á þetta og ekkert gefið eftir :) Smá motivation myndband sem kemur manni í gírinn svo maður gleymi ekki markmiðinu:

svekkelsi

2012-01-20T09:26:00.000Z

Það verður víst ekkert úr Akureyrarferð núna um helgina. Sá sem ætlaði að koma með mér þurfti að hætta við og ég er ekki alveg að treysta mér að fara ein á litla polo-inum mínum í þessum snjó. Fyrir utan að ég nenni varla að keyra ein alla þessa leið og svo er bensín líka orðið svo hrikalega dýrt. En mikið óskaplega leiðinlegt þegar fólk hættir svona við. Ég veit að fólk er nú varla að leika sér að því og hefur sennilega sínar ástæður, en mér finnst bara alltof mikið um það að fólk sé að plana hitt og þetta, en hættir svo við á síðustu stundu. Þegar ég plana eitthvað, tala nú ekki um ef ég er að plana eitthvað með einhverjum öðrum, þá hætti ég ekki við. Nema ég einfaldlega verði veik eða hafi einhverjar þannig gildar ástæður fyrir því. Ég þarf bara að fara að hætta að plana með fólki....best að treysta bara á sjálfan sig :) þannig verður maður ekki fyrir vongbrigðum aftur og aftur...hljómar kannski bitur, en það verður bara að hafa sig. Þetta er bara mín reynsla og ég tala bara út frá henni.

En í staðinn þá verð ég bara hérna í bænum og verð mega dugleg. Get æft í stöðvunum mínum, tekið mælingar, myndir og það allt í rólegheitunum. Svo get ég bara slakað á og búið mig undir næstu viku í átökum. Það verður bara fínt :D

Smá....

2012-01-19T11:51:00.000Z

Rosa gaman að sjá fjöldann sem hefur kíkt á síðuna mína síðustu daga.....hvorki meira né minna en 70 manns. Eða 70 heimsóknir reyndar, kannski eitthvað sama fólkið....hehe. En ánægð með þetta samt :)

Er að keyra á nokkurskonar kolvetnissveltis viku núna, sem er bara að ganga mjög vel. En hlakka samt soldið til í næstu viku að mega fá mér aðeins kolvetni með líka :) Mér finnst svo augljóst að það sem ég er að gera núna er rétt, og það sem ég hef verið að gera áður var rangt. Ekki að ég hafi verið að fá "lélega" aðstoð áður, heldur bara var ég ekki með rétt hugarfar og þar af leiðandi ekki að gera þetta 100%. En planið sem ég er með núna er samt líka allt öðruvísi en það sem ég hef áður fengið. Sem er bara gott :) Svo spennandi að sjá hvernig lokaútkoman verður.

Það er mjööög líklega allavega ein önnur íslensk stelpa að fara að keppa á sama móti og í sama flokki og ég. Gæti reyndar verið spursmál með hæðarflokkinn, þar sem hún er svona alveg á mörkunum. En það kemur bara í ljós. Hvort sem við munum keppa í sama eða sitthvorum hæðarflokknum þá verður bara ótrúlega gaman að hafa aðra íslenska stelpu með. Hún er reyndar búsett erlendis, en við gætum hjálpast að baksviðs og svona, þar sem eitthvað illa er að ganga hjá mér að fá vinkonu til að koma með mér út. Allar eitthvað svo blankar, erfitt að fá frí í vinnu og svo framvegis....sem er svo sem alveg skiljanlegt. Kvíði því pínulítið að fá engan með mér og vera bara eini Íslendingurinn á svæðinu hehhe....ekki spennandi það. En ég mun samt sem áður fara á þetta mót, alveg sama hvað, ég er búin að ákveða að þetta er mótið mitt, og ekkert mun breyta því :D þó ég þurfi að bera brúnkuna á bakið á mér með sleif eða eitthvað heheheh. Elín Mist ætlar að koma með mér út, fær það í verðlaun frá mér fyrir að þola mömmu sína í köttinu heheh.....en það setur náttúrulega sinn svip á heimilislífið....

Ætla ekki að hafa þetta lengra í bili

Úbbs

2012-01-17T11:52:00.000Z

Ég sveik víst loforðið....ætlaði að koma með færslu í gær, en svo bara hreinlega nennti ég því ekki í gærkveldi. Lá eins og skata að horfa á Supernatural. Ég elska þessa þætti, bara fæ ekki leið á þeim. Dean Winchester er svo skemmtielgur karakter....alveg elska hann. Þetta atriði er svo mikil snilld:

Ég er búin að vera að browsa svo mikið á netinu að leita að hinu fullkomna bikini. Ég bjó til möppu á facebook síðunni minni sem ég hafði bara opna fyrir nokkrar vinkonur til að biðja um álit. Er núna með svona 3 bikini sem ég er að reyna að velja á milli og ætla að panta í næsta mánuði. Þannig hef ég nægan tíma til að ákveða hvort ég sé 100% sátt við það, og ef ekki þá get ég leigt það út fyrir aprílmótið hérna heima og náð að redda mér öðru fyrir mótið mitt í tæka tíð. Betra að vera tímanlega í þessu. Ætla líka að panta mér skó í leiðinni.

Fyrsta vikan á nýja prógramminu gekk eins og í sögu. Enda voru niðurstöðurnar líka mjög góðar. Maður uppsker eins og maður sáir, er alltaf sagt. Þannig að núna er ég byrjuð á viku 2 og so far so good. Vakna bara spennt á hverjum morgni og hlakka til að tækla daginn. Skemmtilegt í vinnunni, skemmtilegt á æfingum og bara, allt eitthvað svo skemmtilegt þessa dagana heheh. Það er náttúrulega gaman þegar manni gengur vel.

Ég fór á laugardaginn síðasta til Hveragerðis að heimsækja Möggu mína og Örnu Sól. Það var ótrúlega næs. Það var mikið spjallað og hlegið :) Horfðum á sönvakeppnina að sjálfsögðu og ég ætla að halda með þessu lagi alla leið til Azerbajen....eða hvernig sem það er skrifað hehehe:

Flott lag, flottur texti, flottir strákar og bara já, allt gengur upp einhvernveginn. Catchy lag :)

Næstu helgi ætla ég svo að fara til Akureyrar að heimsækja Eddu mína. Hlakka mjööööög mikið til. Ekki hitt hana síðan í nóvember svo þetta verður snilld. Fer norður með bróður hennar sem er á stórum bíl svo maður þarf ekki að hafa áhyggjur af snjókomu eða neinu þannig. Þarf líka þá að hafa minni áhyggjur á að vera þriðja hjólið með þeim skötuhjúunum fyrir norðan hehehhe. Ég er sko að standa við áramótaheitin mín, að heimsækja vini mína oftar, ójá :)

En læt þetta duga í bili, þangað til næst ;)

Soon...

2012-01-15T22:50:00.000Z

Ég lofa færslu á morgun! Búin að vera svo upptekin og bara hreinlega gleymt að skrifa hérna inn....en ég mun finna eða búa til tíma á morgun til að setja inn færslu um hvernig fyrsta vikan gekk á nýja prógramminu :D

Þangað til, góða nótt og sofið rótt :)

Fyrsti dagur á nýju prógrammi

2012-01-09T20:21:00.000Z

Jæja, þá er fyrsta deginum á nýja fína prógramminu mínu að ljúka. Búin að fara eftir því mjög samviskusamlega, en þetta er alveg heljarinnar prógram. Miklu meira prótein en ég er vön að borða og minna af kolvetnum, en samt einhvernveginn mikið meira magn af mat. Var bara alltaf að borða eiginlega og var svo geðveikt södd bara allan daginn. Hélt ég myndi springa eftir hádegismatinn sko hehe. En það eru allavega ekki miklar líkur á svindli þegar maður er svona saddur alltaf, svo þetta er alveg skothelt!! Ekki að ég ætli mér að svindla, alls ekki!! Það eru 19 vikur í mótið núna og ég ætla að taka þetta með trompi. Verð bara spennt við tilhugsunina. En já, aftur að matarplaninu, þetta eru tveir matardagar, annar með meira af kolvetnum en hinn og ég tek þá til skiptis núna í janúar. Svo breytist þetta eftir 4 vikur. Á laugardögum á ég svo að éta eins og mófó! hehehe það verður gaman :)

Æfingaprógrammið er líka mjög skemmtilegt, er búin að taka 2 daga af því. Fætur í gær og svo brjóst og þríhöfða í dag. Átti til dæmis að taka dýfur með eigin þyngd áðan og jiiii ég skammaðist mín bara að vera að gera þetta fyrir framan fólk, ég er svo hrikalega léleg í þessari æfingu að það bara nær engri átt. Ég gat gert 3 stk!! Það er náttúrulega ekki hægt.....heheheh (og við erum að tala um það að þessi 3 stk voru ekki einu sinni alveg 90 gráðu dýfur). Þetta verð ég klárlega að laga!! En í janúar er aðaláherslan í æfingaprógramminu á fætur og rass, er sem sagt með 2 hrikalega fótadaga í viku, en ég kvarta nú ekki undan því, finnst alltaf lang skemmtilegast að taka fætur (og axlir).

Held að málið núna sé að skella einhverjum góðum þætti í gang og hvíla sig eftir frekar krefjandi dag :)

Helgarfrí

2012-01-06T11:36:00.000Z

Það er bara alveg að detta í helgarfrí! Það verður ofur-nice að fá að sofa út. En þessi helgi verður bara róleg hjá mér. Bíóferð í kvöld, fitness-box tími á morgun, lyfta á sunnudaginn og svo mun ég fá í hendurnar splunkunýtt skothelt "kött-plan" frá einum sem ætlar að sjá um mig í köttinu, ef svo má að orði komast. Er ótrúlega spennt fyrir þessu öllu saman, og gengur bara ótrúlega vel hjá mér, þó ég segi sjálf frá :D Er að standa mig!

Ég keypti mér námskeið í Pole-fitness á 3500 kall á hópkaup....ekki slæmt tilboð það! Svo fór ég í prufutíma í gær í Fitness-boxi, þeir eru með fríviku núna hjá sér og VÁ hvað það var mikil snilld. Þetta er svo klárlega eitthvað fyrir mig. Er alveg að íhuga það að kaupa mér kort hjá þeim í næsta mánuði, þá má maður mæta á eins margar æfingar og maður vill. Þetta eru mikil átök og mikil brennsla, og bara geðveikt skemmtilegt :) maður er fljótur að fá leið á þessari hefðbundnu brennslu, fínt að fara í eitthvað svona með.

En jæja, best að klára vinnudaginn svo maður komist sem fyrst í helgarfríið ljúfa.
Eigið góða helgi öll sem lesið :)

Skrítinn dagur

2012-01-04T21:31:00.000Z

Þessi dagur var nú ekkert spes. Var vakin á miðnætti eftir klukkutíma svefn í gærkveldi. Elín var andvaka og ákvað að það væri best að ég myndi vera það líka greinilega. Hún var alltaf að koma inn til mín og láta mig vita að hún væri ennþá vakandi hehehe, æðisleg nótt alveg hreint. Svo þegar vekjaraklukkan mín hringdi fyrir kl 6 í morgun þá hef ég bara slökkt á henni í einhverju móki, amk man ég ekki eftir því. Svo ég vaknaði bara með Elínu og fór beint í vinnuna. Uppúr hádegi finn ég svo að ég er að verða eitthvað skrítin (skrítnari en venjulega allavega). Átti bara erfitt með að halda augunum opnum og smá hausverkur að kikka inn og fleiri skemmtilegheit. Leið bara ekki vel einhvernveginn. Átti erfitt með að þrauka út vinnudaginn, var alltaf að hugsa um að hætta bara fyrr og vinna það upp seinna.....en þrjóskaðist samt í gegnum daginn, enda nóg af verkefnum. En eftir vinnu þá brunaði ég bara heim í staðinn fyrir á æfingu. Fór úr vinnufötunum, í náttsloppinn, lagðist í sófann með ofurmjúka teppið mitt og kveikti á skjá einum og lár þar í mestu makindum, þangað til að Elín kom heim af æfingu um kvöldmatarleytið. Vá hvað það var ljúft! Svo er bara snemma að sofa núna og þá ætti ég að vera búin að endurhlaða batteríin fyrir næstu daga :D

Spennandi tímar framundan

2012-01-03T20:22:00.000Z

Ég held að grillið sem ég keypti mér séu ein bestu kaup sem ég hef gert. Grillaði kjúllabringur í kvöldmatinn fyrir mig og Elínu....og vá hvað þær voru góðar. Svo gott að Elínu finnist þessi kött matur minn góður líka, þá getum við bara setið saman og borðað kvöldmatinn og horft á Everybody loves Raymond...aðeins of kósý :)

Tók fótaæfingu áðan í Reebok Fitness. Hnébeygjur, Stiff, Fótapressur, Afturstig, Kickbacks og svo smá kviður. Ég er bara komin með harðsperrur strax hahaha, svakalega góð æfing :)

Annars er nú ekkert svo mikið að frétta, nema ég var að skrá mig í keppnis-fjarþjálfun. Mjög spennt að sjá hvað kemur út úr því :)

Er ekki bara best að enda þetta á smá myndasjóvi....maður er alltaf að gramsa á netinu, skoða og skoða....heheh, maður er bara obsessed, það er ekkert öðruvísi.

Jamie Eason

Monica Brant

Jennifer Nicole Lee

Hrikalegar!!

Busy dagur

2012-01-02T22:14:00.000Z

- Vakna kl 06:15
- Mætt í brennslu í World Class í Kringlunni kl 06:45
- Mætt í vinnunna kl 08:15
- Skrapp í hádeginu í Fitness sport að kaupa CLA og vítamín. Fékk nýjársglaðning í leiðinni, fullt af allskonar prufum og fínerí
- Búin að vinna kl 16:30
- Mætt í World Class Kringlunni kl 16:50 til að taka bakæfingu með Sollu vinkonu
- Sótti Elínu kl 18:45 og við borðuðum kvöldmat
- Fórum í Kringluna að kíkja á útsölurnar, keyptum okkur svona grill í Byggt og búið, verður bara æði að fá grillaðar kjúllabringur og fisk í staðinn fyrir soðið eða ofnsteikt :)
- Komnar heim kl 21:30
- Kíkt á facebook, gengið frá þvotti, vaska upp og gera nesti tilbúið fyrir morgundaginn
- Sofa :)

Nýtt ár - ný markmið

2012-01-01T21:40:00.001Z

Jæja, þá er maður búinn að kveðja gamla árið og taka á móti því nýja. Árið 2012 gengið í garð, ekkert annað! Fyrir mitt leyti var árið 2011 frekar tíðindalítið.....og á marga vegu ekkert æðislega skemmtilegt. Vinkonur mínar fluttu margar í burtu, ein til Hveragerðis, ein til Akureyrar og ein til Noregs og þær sem eftir eru hérna nálægt mér hafa í nógu að stússast sjálfar með nýja fjölskyldumeðlimi og fleira, svo það var ansi oft mikill söknuður og einmannaleiki í gangi. En það jákvæða sem stendur uppi af árinu er að ég fékk nýja vinnu. Draumavinnuna mína eiginlega. Ég gæti bara ekki verið heppnari með vinnu, vinnustað og vinnufélaga.

Annað sem er mér ofarlega í minni er Þjóðhátíð. Fór með tveimur kunningja-vinkonum mínum (ef það er orð) og þetta var planað með litlum fyrirvara og allt voða óljóst. En þegar við stigum útúr Herjólfi var allt í einu komið plan. Við hittum awesome fólk sem við könnuðumst allar við úr sitthvorri áttinni, fengum gistingu með þeim og eyddum svo með þeim helginni og úr varð bara ein besta helgi sem ég hef upplifað. Orð fá því bara varla líst hvað þetta var gaman. Þetta verður klárlega endurtekið, engin spurning sko.

Hefði ekkert á móti svona formi...

Árið 2012 verður árið mitt, það mun bæta upp fyrir öll leiðindin sem ég lenti í á síðasta ári. Fjárhagslega, félagslega, vinnulega og ferðalega séð. Ég ætla að fara til Danmerkur að keppa og ég ætla líka í eina sólarlandaferð. Þetta er allt óplanað, en eitt er víst, þetta MUN gerast! Ég ætla að klára að borga upp allar skuldirnar mínar (er meira en hálfnuð síðan ég byrjaði í nýju vinnunni), ég ætla að vera duglegri að hringja í vinkonur mínar og fara í heimsóknir (og vona að þær geri slíkt hið sama.....), ég ætla að komast í besta form lífs míns, ég ætla að skrá mig sem líffæragjafa og stofnfrumugjafa, ég ætla að skrifa jólakort oooog ég ætla að vera duglegri að elda kvöldmat handa dóttur minni hehehhe. Og já, ég ætla á þjóðhátíð. Þegar árið er á enda þá ætla ég að geta merkt "done" við öll þessi atriði, annars skal ég hundur heita!!

Gleðilegt ár

2011-12-31T13:22:00.000Z

Jæja., þá er síðasti dagur ársins 2011 genginn í garð. Ég vil óska öllum gleðilegs nýs árs og þakka fyrir það gamla. Kannski ég komi með einhverja færslu í kvöld eða á morgun um það sem stendur uppúr af árinu 2011 og hvað mig langar til að gera á árinu 2012.....aldrei að vita. Ég tek á móti nýja árinu í rólegheitum á Skaganum með fjölskyldunni minni, en þið hin; gangið hægt um gleðinnar dyr ;D

Sjálfsmyndir

2011-12-30T21:15:00.002Z

OMG ég er svo mikið nörd! hehehe Heima á föstudagskvöldi að taka sjálfsmyndir......en svona er þetta. Nennti bara ómögulega út í þennan snjó og svona, ákvað að hafa það bara kósý heima fyrir í staðinn. En ég ákað að kveðja gamla árið með stæl!! Það er með myndum af "gömlu" mér. Þessar myndir eru reyndar bara teknar rétt áðan, en á nýja árinu þá verður þetta gamla ég. Mér finnst ég sjá mikinn mun á sjálfri mér bara á þessum tveimur vikum síðan ég byrjaði svona fyrir alvöru að stefna að þessu markmiði. En ég er búin að vera allt árið að einbeita mér að því að stækka axlir, bæði að framan og aftan og reyna að láta vaxa á mér vængi hehehe. Það hefur bara tekist ágætlega held ég, miðað við að ég var að gera það bara svona að hálfum hug. En ég er með rosalegar bak og axlaræfingar í prógramminu sem ég er á núna svo það rætist vonandi meira úr því. Það er samt klárlega miðjusvæðið sem er mitt helsta "vandamál" ef svo mætti að orði komast. Þó ég hafi náð að losa mig við mörg kíló og orðið jafn létt og fjöður og gert kviðæfingar af ýmsum toga, þá hef ég aldrei verið "köttuð" þar. Það þarf klárlega að breytast!! Þetta er allt í vinnslu. En já, svona lít ég allavega út 20 vikum fyrir mót! ;) og já ég veit að bakmyndin er skrítin, frekar erfitt að taka sjálfsmynd af bakinu á sér....

Smá innblástur

2011-12-30T11:12:00.000Z

Niðurtalningin byrjar

2011-12-29T14:11:00.000Z

20 vikur og 2 dagar.....já count-downið er byrjað!! Þarf að finna svona fídus til að setja það hérna til hliðar á síðunni minni, það er algjör snilld :)

Uppúr áramótum þarf ég svo að fara að hugsa um flug, hótel, ferðafélaga, keppnisföt, skó og allan þann pakka, ótrúlega spennandi :D Er búin að finna bikini sem mér finnst ótrúlega flott og langar í svona næstum því copy-paste útgáfu af.....á svo eftir að ákveða hvern ég ætla að fá til að sauma það handa mér.

Það er svo fáránlega mikill snjór úti að ég man ekki eftir að hafa séð annað eins....ever! Enda tókst mér að festa mig í morgun kl 06:30 á leiðinni í ræktina. Sem betur fer var ég snemma á ferðinni og náði að taka 40 mín brennslu þrátt fyrir að hafa verið sirka 30-40 mín að ná að losa bílinn aftur (sem btw tókst ekki, heldur kom jeppakall og dró mig uppúr hjólförunum), hressandi svona í morgunsárið, ég held það nú. Núna kvíði ég því mest hvort ég komist ekki örugglega í ræktina aftur á eftir að lyfta. Ótrúlega skemmtileg fótaæfing í vændum og mig langar ekki til að sleppa henni. Vonum það besta :)

WBFF 2012

2011-12-28T12:53:00.000Z

Þetta eru dagsetningar á WBFF mótum sem haldin eru næsta ár. Væri rosa gaman að geta tekið mótið hérna heima sem er 9. júní - beint í kjölfarið á danska mótinu.......

You are what you eat!

2011-12-27T13:54:00.000Z

Ég elska hvað fólk þarf alltaf að vera að skipta sér mikið af því hvað maður er að borða. Ég eldaði mér eggjahvítur og kjúlla í gærkveldi og var að borða það í hádeginu hérna í vinnunni. Var spurð hvort ég ætlaði að borða "bara" þetta, hvað þetta væri eiginlega sem ég væri að borða og hvort það væri nú eitthvað hollt að borða svona. Ekki er ég að velta mér uppúr mat annarra, hvað þá að setja út á það. Fólk borðar bara það sem það vill, það er ekki mitt að skipta mér að því. Það sat kona við hliðiná mér í vinnunni um daginn að borða KFC. Ekki var ég að spurja hana hvort það væri nú eitthvað sniðugt eða hvort hún ætlaði virkilega að borða allt þetta. Það er bara ekki viðeigandi....einfalt mál. En maður þarf klárlega að venjast svona kommentum, því let´s face it, fólk er ekkert að fara að hætta að velta sér uppúr þessu, kannski ég fari bara að finna uppá einhverjum flottum "comeback-um" til að hneyksla alla uppúr skónnum. Það gæti nú bara orðið soldið gaman, og kannski yrði til þess að fólk myndi hætta að þora að spyrja mig hehehe.

Annars var ég að birgja mig upp af fæðubótaefnum frá Fæðubótabúllunni fyrir komandi törn. Keypti BCAA, glútamín, pre-workout formúlu og meltingatrefjar. Búin að vera að fá svo hrikalega miklar harðsperrur uppá síðkastið, er til dæmis stundum alveg í 5-6 daga að jafna mig eftir góða fótaæfingu, svo það verður gott að byrja á glútamíninu aftur. Það hjálpar alveg til þar.

Ég mætti á brennsluæfingu kl 6:45 í morgun í World Class Kringlunni, og þegar ég mæti þá segir afgreiðsludaman við mig: Velkomin í tóma stöð! Jebb, ég var ein í allri stöðinni. Það komu svo á meðan ég var að brenna svona 3 manneskjur. Greinilega allir í jólafríi og nenna ekki að vakna....

Markmið 2012

2011-12-26T21:45:00.001Z

Ég er búin að vera svo óróleg inní mér eitthvað uppá síðkastið af því að ég hef ekki haft neitt ákveðið markmið. Svo margt sem mig langar að gera og erfitt að velja á milli. En núna er ég búin að velja..... Þetta er svo langt út fyrir þægindarammann, alveg nýtt og mikið stærra en allt sem ég hef lagt mér fyrir hendur áður. Ég er bara búin að vera í svo miklum keppnisgír eitthvað síðan í nóvember. Búin að vera að æfa eins og skepna, borða vel og reglulega, verið dugleg í vinnunni, skipulagt mig fyrir hvern dag hvað ég ætla að borða og æfa, búin að vera að taka mælingar og myndir reglulega og allt í þá áttina. Bara einhvernveginn búin að líða mjög vel- en á sama tíma langa í eitthvað stórt og mikið markmið!! Ég hef ekki fundið fyrir þessu svona mikið áður, mig langar til að keppa og mig langar til að VINNA!! Það er nýtt fyrir mér. Ég hef alltaf keppt bara að gamni mínu, svona eiginlega bara til að vera með í einhverju. En núna er það ekki tilfinningin. Ég vill ekki bara vera með, ég vill bera af, ég vill vinna.

Ég ætlaði að halda þessu leyndu, bara fyrir mig og þá nánustu, en ég bara get það eiginlega ekki. Ég ætla að koma bloggsíðunni minni aftur í gang þar sem ég mun skrifa um það sem á daga mina drífur í undirbúningnum.... mér hefur alltaf fundist gaman að skrifa um allt og ekkert, svo þetta verður bara soldið svoleiðis. Það sem mér dettur í hug hverju sinni. Vona að sem flestir munu fylgjast með og ekki vera feimin við að segja ykkar skoðun eða henda í mig nokkrum hvatningarorðum endrum og eins ;)

Hátíðarkveðjur frá gellunni sem situr núna og skipuleggur vikuna, eldar eggjahvítur og kjúlla eins og vindurinn og ætlar snemma í bólið til að fara í brennslu kl 6 í fyrramálið :D

Já og kannski ég skelli markmiðinu líka hérna inn - ef einhverjir skyldu vera forvitnir ;)

I´m back

2011-12-12T20:17:00.000Z

Þá er desember að verða hálfnaður og ég er ekki enn búin að versla eina einustu jólagjöf! Er samt ekkert stressuð yfir því, ætla bara að skrifa niður lista og fara um helgina og versla allt og pakka inn. Ljúka þessu öllu á einum degi bara. Ég hugsa að ég skrifi engin jólakort í ár, frekar en síðustu ár, maður sendir bara orðið jólakveðjur á facebook og lætur það duga. Það er ekkert varið í að senda út jólakort nema vera með einhver flott kort með mynd tekna á ljósmyndastofu og sá pakki....ég hef ekki efni á því alveg strax. Kannski næstu jól :)

Annars er ég búin að vera ótrúlega dugleg í ræktinni og mataræðinu uppá síðkastið og líka búin að ná rosalega góðum árangri á stuttum tíma.....og það er bara ekki búið að vera neitt erfitt!! 4 kg og 3% fita farin á einhverjum 3 vikum eða svo....algjör snilld. Hef verið að velta fyrir mér að keppa í fitnessinu á næsta ári, þá í fitness-flokk en ekki módel-fitness, en vill ekki vera að plana það of mikið eða einblína of mikið á það. Frekar að sjá hvernig gengur....hitt hefur ekki verið að virka fyrir mig áður. Það er sagt að allt sé þegar þrennt er....vona að það eigi við um þetta hjá mér. Mig langar svo að ná þessum árangri, og ég veit ég get það, en mér hefur samt alltaf einhvernveginn tekist að skemma það fyrir sjálfri mér. En ekki núna! :)

Tattoo hugleiðingar

2011-09-24T17:53:00.001Z

Ég er að hugsa um að fá mér tattoo fljótlega. Langar í flotta mynd af stjörnumerkinu mínu á innanverðan framhandlegginn. Mér er samt sagt að það sé mjööög vont að fá tattoo þar miðað við aðra staði. Þannig að ég kvíði soldið fyrir....en ég get samt ekki hugsað mér að fá þetta tattoo á neinn annan stað, svo ég verð bara að harka það af mér! Ég er búin að vera að skoða á netinu allskonar hugmyndir og mér finnst þetta roooosalega flott.

Myndi samt vilja láta breyta því eitthvað aðeins, svo enginn annar sé með nákvæmlega eins tattoo. Hef látið gera það við bæði tattoo-in sem ég er með fyrir og langar að halda í þá hefð :) Hvað finnst ykkur um þessa mynd?

Bissí

2011-09-20T08:49:00.000Z

Sorry með mig að koma bara með annað quote en ekkert blogg.....það er bara frekar mikið að gera hjá mér í vinnunni þessa dagana, borga reikninga og fara yfir vinnuskýrslur og svona, enda líður fljótt að næstu mánaðarmótum. Eigum við eitthvað að ræða það hvað tíminn líður hratt, það voru mánaðarmót í gær bara!! Þess vegna fannst mér þetta quote alveg tilvalið í tilefni dagsins :)

Eigið góðan dag

Quote dagsins

2011-09-16T11:29:00.000Z

Crazy catlady

2011-09-16T09:02:00.000Z

Hef oftar en einu sinni verið kölluð þetta. Djóka líka oft með þetta sjálf. En þeir sem þekkja mig vita að ég er algjör kattamanneskja. Ég er meira fyrir að knúsast og kássast í kisum heldur en litlum börnum. Það kann að vera skrítið, en svoleiðis er það bara. Mér finnst bara kisur mega sætar og elska að knúsast í þeim. Ég hef átt nokkrar kisur yfir ævina en alltaf þurft að gefa þær frá mér eða lóga vegna heimilisaðstæðna. Mjög leiðinlegt. Ég vona að ég geti í framtíðinni átt heima á þannig stað að ég geti átt eina til tvær sætar kisur. Allavega, ég fékk þessa kisu í heimsókn til mín um daginn, hann er fress og heitir Mikki. Árni var að passa hann fyrir vin sinn og þar sem hann veit hvað ég er mikill cat-lover þá kom hann með hann heim til mín svo ég gæti knúsast með hann. Æðislegur kisi og mjög sérstakur líka. Tók mynd af honum til að sanna mál mitt, en hann er með mislit augu. Annað er gult á meðan hitt er næstum því hvítt. Og þeim megin þar sem augað er næstum hvítt þar eru veiðihárin svört, en hinum megin eru veiðihárin hvít. Ótrúlega töff :)

Sæti kisi

Er einhver sem notar svona blogspot síðu sem kann að snúa myndum hérna inni? Væri mjög mikið til í að kunna það. Er búin að snúa myndinni í myndvinnsluforritinu í tölvunni en samt kemur hún svona hingað inn.

Sun touch

2011-09-13T09:18:00.001Z

Ég er svona týpa sem kýs frekar að ganga í þægilegum fötum, heldur en að velta mér uppúr því hvaða merki fötin eru. Þar af leiðandi versla ég mestmegnis af mínum fötum í Vero Moda, H&M, Vila, Jane Norman og nýjasta uppáhaldsbúðin mín er svo 3smárar. Ég geng mjög sjaldan í gallabuxum, þar sem þær eru langoftast stífar og mjög erfitt að finna snið sem hentar líkamsvextinum manns þegar maður er lágvaxin, með breiðar mjaðmir og stóran rass hehe. En ég á einar gallabuxur sem ég keypti í Vero Moda fyrir örugglega 5 árum síðan sem ég alveg elska. Þær eru úr teygjanlegu efni og gefa vel eftir og eru þar af leiðandi ekkert óþægilegar. Og svo passa þær líka alveg ógeðslega vel við nýju skónna mína!!

Ég kann ekki að snúa myndinni......

Ég prófaði svo nýtt brúnkukrem í gær, eða þetta er meira svona brúnkugel eiginlega, alveg glært á litinn. Ég fór í sturtu og skrúbbaði mig alla og setti svo á mig rakagefandi body lotion áður en ég bar það á mig og ég er alltaf í einnota hönskum þegar ég er að bera á mig brúnku. Trikkið til að verða ekki flekkótt er eiginlega bara að nudda og nudda gelinu inní húðina. Maður sér ekkert almennilega hvar maður er að bera á sig þar sem gelið er glært svo það er langt best að hafa eitthvað system á þessu. Ég byrja alltaf efst og vinn mig niður. Svo naglalakka ég oft á mér neglurnar á meðan gelið er að þorna og fæ mér nokkra sopa af rauðvíni ;) Þegar mér finnst mestmegnis vera þornað þá fer ég yfirleitt bara í einhvern stóran og þægilegan náttkjól og beint uppí rúm að lúlla, þá vakna ég rosa brún og fín daginn eftir. Þá er best að fara í sturtu og bera svo aftur á sig rakagefandi body lotion eftirá, svo brúnkan endist lengur.

Spurningaflóð

2011-09-12T11:54:00.005Z

1. Uppáhalds matur: Mexíkanskur og saltkjöt og baunir

2. Uppáhalds litur: Blár og fjólublár

3. Uppáhalds borg: Prag

4.Uppáhalds gosdrykkur: Coke, Coke light, Pepsi, Pepsi max....allt voða gott

5. Uppáhalds drykkur: Vatn, rauðvín og nýjasta æðið hjá mér er Amino energy með appelsínubragði

6. Uppáhalds tónlist: Er smá rokkari í mér; Alice in chains, A perfect circle, Pearl Jam og Stone Temple Pilots svo eitthvað sé nefnt.

7. Uppáhalds bíómynd: Limitless er besta mynd sem ég hef séð lengi

8: Uppáhalds veitingastaður: Núðluhúsið á Laugaveginum og Red chilli

9. Uppáhalds farsími: LG optimus one, minn er í viðgerð núna og ég sakna hans ILLA mikið

10. Uppáhalds bók: Er ekki mikill lestrarhestur en ég gat lesið allar Ísfólksbækurnar og varð aldrei eirðarlaus

11. Uppáhalds leikari: Kirsten Dunst hefur verið í uppáhaldi hjá mér síðan ég sá Interview with a vampire

12. Uppáhalds ísbragðtegund: Gamli ísinn í Vesturbænum

13. Uppáhalds áhugamál: Ferðast, ræktin, spila, slúðra, rúmfræði......

14. Uppáhalds stílisti: enginn sérstakur, þekki engann með nafni.....

15: Uppáhalds hönnuður: .Enginn sérstakur

16: Uppáhalds umræðuefni: hlutir sem ég veit meira um en annað fólk ;)

17: Uppáhalds flík til að klæðast: nýji Diesel gallajakkinn minn og aladin buxurnar mínar úr 3smárar

18: Uppáhalds blogg: elska bloggið hennar Manúelu og hef fylgst með því lengi lengi

So you think you can dance

2011-09-09T15:39:00.001Z

Ég elska elska þessa þætti!! Er búin að horfa á alla þættina frá byrjun og finnst krakkarnir sem eru í þessum þáttum bara alveg hreint mögnuð. Það sem þau geta gert er bara oft á tíðum ótrúlegt!! Langar að deila með ykkur upphálds dönsunum mínum úr þáttunum:

Enjoy :)

Góða helgi og gangið hægt um gleðinnar dyr

Crazy, stupid, love

2011-09-09T08:50:00.001Z

Ég fór í bíó í gær að sjá Crazy, stupid, love. Bjóst við ágætis mynd þar sem hún fær víða mjög góða dóma og gott umtal. Eins og til dæmis fær hún alveg 7/10 á IMDb. En ég verð nú að segja að þetta var aðeins of fyrirsjáanleg mynd. Það var aðeins eitt atriði í allri myndinni sem kom á óvart. Og þeir sem hafa séð hana eða munu sjá hana vita sennilega hvaða atriði ég á við. Þetta var bara svona típísk amerísk mynd með fullt af kjánahrollar-mómentum. En maður gat samt hlegið einstaka sinnum og dáðst að Ryan Gosling....svo þetta var ekki alsæmt.

Svo var ein leikkona í myndinni sem ég kannaðist alveg rosalega við, og varð náttúrulega að tékka á hvaðan. Hún var sem sagt í einhverri seríunni af America´s next top model. Enda var hún alveg mjó fyrir allan peninginn.....maður fékk stundum bara illt í augun.

Þannig að ef þið ætlið í bíó þá mæli ég með því að fara á einhverja aðra mynd.....það er alveg nóg að horfa á þessa í tölvunni eða sjónvarpinu ;)

Gucci

2011-09-08T09:21:00.000Z

Keypti mér Gucci guilty ilmvatnið í gær.

Ég er alveg rosalega vandlát á ilmvötn og hef þess vegna ekki átt neitt ilmvatn í langan tíma, hef bara verið að nota body spray frá Victoria´s secret. En svo ákvað ég í gær að nú væri dagurinn sem ég fyndi mér almennilegt alvöru ilmvatn, svo ég þefaði og þefaði þangað til ég fann mína lykt. Kostaði alveg nokkra þússara.....en totally worth it :D og flaskan líka svona rosa flott :)

Geisp

2011-09-07T09:57:00.001Z

Vá hvað ég er alveg að leka niður núna. Svaf í heila þrjá tíma í nótt eða svo....enda kom ég líka við á leiðinni í vinnunna og splæsti í tvö stykki Burn. Ég þurfti að mæta kl 8 í morgun á kynningarfund í skólanum hjá Elínu minni. Hún var að byrja í 5. bekk og það var verið að fara yfir með foreldrunum hvað börnin munu koma til með að læra í skólanum í vetur. Það er alveg merkilegt með svona samkomur að fólk þarf alltaf að vera að kvarta og kveina yfir öllu. Margir foreldrarnir kvörtuðu á þessum fundi yfir því hvað börnin væru að fá mikinn heimalærdóm. Jú börnin þurfa að læra meira heima núna heldur en þau þurftu síðasta vetur....en á maður samt ekki bara að treysta kennurunum og skólakerfinu fyrir því að þau viti hvað þau eru að gera? Mér finnst það eiginlega bara vera vanvirðing við þeirra menntun og vinnu að vera eitthvað að setja út á það. Maður verður bara að skipuleggja betur heimavinnuna hjá krökkunum í vetur og svona.

Úr einu í annað. Ég er alveg að verða geðveik á símanum mínum. Rafhlaðan dugir ekki nema í 12 tíma. Ég sem sagt fullhlóð símann minn í gærkveldi og tók hann úr hleðslu svona um 22 leytið. Svo notaði ég hann ekkert nema til að stilla vekjaraklukku sem hringdi svo í morgun, ég snúsaði þrisvar og er svo búin að senda kannski 3 sms og fá jafn mörg til baka og síminn er núna farinn að bíbba á mig um að setja sig í hleðslu!!! Er þetta bara alveg eðlilegt? Ég er sem sagt með LG optimus one síma og hef heyrt í kringum mig að þetta sé algengt vandamál meðal þeirra....en fyrr má nú aldeilis vera. Ég hélt að 24 tímar væri nú allavega lágmark. Ég þarf að fara að splæsa í 5 stykki hleðslutæki svo ég sé bara með þau útum allt. Alveg glatað að eiga svona flottan síma en geta aldrei notað hann því hann er bara rafmagnslaus :(

Hæ

2011-09-02T10:37:00.000Z

Er ekki soldið inni í dag að blogga?

Ég allavega fékk alltí einu rosalega mikla löngun til að starta blogginu mínu aftur....don´t know why. Sjáum svo til hversu dugleg ég verð að setja eitthvað hérna inn. Var að kaupa mér þessa skó í gær....þeir eru: Gjöðveikir virkaði ekki að setja myndina inn en þið farið beint inná mynd af þeim með því að smella á linkinn.

Það er búið að vera brjálað að gera hjá mér síðustu daga....borga út laun fyrir sirka 350 manns og svona....en vá hvað ég ELSKA elska elska þessa vinnu mína!! þetta er svo gaman :D finnst ég rosalega heppin að hafa náð mér í svona hrikalega skemmtilega vinnu, þar sem ég þarf ekki að keyra mig út dag og nótt til þess að fá einhvern smá aur í vasann. Það borgaði sig að fara í háskóla eftir allt saman...hohoho (ég var í alvörunni farin að efast). En ég er svo helvíti gráðug (eða/og skuldug) að ég ætla að halda áfram í aukavinnunum mínum meðfram nýju vinnunni til þess að geta greitt niður allar skuldirnar mínar á mettíma og geta svo farið að hafa það virkilega nice sem allra allra fyrst. Fæ vonandi eina og eina morgunvakt á NordicaSpa í vetur og svo er ég aðra hverja helgi í Ice í Smáralindinni. Allt saman skemmtilegir vinnustaðir þar sem ég fæ að vinna með skemmtilegu fólki. Þetta stefnir í bissí bissí vetur :D

Myndir

2010-11-29T00:46:00.003Z

Jæja eins og allir lesendur ættu að vita þá er núna komin rúm vika síðan keppnin var og þrátt fyrir að ég hafi náð mínum markmiðum þá átti ég ekki séns í allar hinar stelpurnar, sem voru hvor annarri flottari. Engu að síður var þetta rosalega skemmtilegt og ég sátt við þann árangur sem ég náði, ég hefði bara þurft að vera betri þegar ég byrjaði köttið og svo hefði nú ekki verið verra að hafa þarna 2 auka vikur heheh.

Að undirbúa mig - hárgreiðsla, förðun, neglur, augnhár, brúnka og svo framvegis.....

Hérna eru allar stelpurnar í mínum flokk, Modelfitness -167 sm, ég er í grænu þriðja frá hægri.

Sundbolur - ég er þarna lengst til hægri

Sundbolur, ég er þarna lengst til hægri

Baksviðs rétt fyrir tískusýninguna

Ég og Solla hressar baksviðs

Í tískusýningunni


Ég og Edda aðstoðarmaðurinn minn eftir keppnina

Það verður ekki mikið um keppnis eða niðurskurðar blogg hér á næstunni.....en ég mun samt halda síðunni opinni og henda kannski einhverju hérna inn við tækifæri :) Stay tuned.......

2 dagar......

2010-11-18T00:41:00.000Z

Já eða í rauninni bara einn - því klukkan er slegin miðnætti. Ég er búin að eiga mjög erfitt með að sofna síðustu nætur og ég skil bara ekkert í því. Það er venjulega ekkert vandamál hjá mér, hef alltaf getað sofnað bara hvenær sem ég kýs. En á morgun er ég alveg í fríi frá skóla og vinnu þannig að ég get hvílt mig. Síðasti dagurinn fyrir keppni.........ég er bara eiginlega ekki að trúa þessu. Það eina sem verður gert hér á morgun er að brúnka sig upp og æfa pósurnar aftur og aftur og aftur og aftur. Ég er komin með bakpósuna alveg á hreint, sem er ekki það sama og ég get sagt um síðasta mót *hóst*, enda líka með aðeins breiðara og flottara bak núna þannig að það er kannski líka meira til að spenna ;) Þarf að æfa mig betur á hliðarpósunni.....

Ég mældist 12,1% fita í morgun. Ég setti mér markmið um að fara niður í 12% og vera um 55 kg fyrir þetta mót. Það er bæði komið hjá mér.....þannig að ég get ekki kvartað. Samt gerir maður það alltaf, alveg sama hversu góðum árangri maður nær, maður getur alltaf fundið eitthvað athugavert. Það hefði mátt fara örlítið meira þarna og minna þarna og svo framvegis. En það sem ég er mest ánægð með er að ég hafi hreinlega ekki gefist upp. Ef þið bara vissuð hversu oft ég hugsaði um það á þessum 12 vikum!!!!! Til hvers ég væri að þessu, hvort þetta væri þess virði og blablabla. Fór alveg fram og til baka í höfðinu á mér. En ég bara get ekki gefist upp....hvort sem það er í þessu eða einhverju öðru. Klárlega minn besti eiginleiki :)

Ég er komin með outfit fyrir tískusýninguna.....mín verður bara soldið töffaraleg í þetta skiptið- er alveg að fíla lúkkið: grænar hermannabuxur, svartur toppur með bönd í kross að aftan og svartar grifflur. Úje.....

5 dagar

2010-11-15T22:06:00.001Z

Mikið er ég fegin að öllu þessu vatnsþambi er að ljúka. Ætlaði mér svo að hafa það notalegt áðan og fór í freyðibað. En þegar maður þarf að standa uppúr baðinu og þurrka af sér til að fara á klóstið þrisvar sinnum þá er það ekki alveg jafn notalegt. Bara 3 lítrar á morgun.......víííí hlakka til :D

Annars er ég komin með alveg þétta dagskrá yfir allt sem ég þarf að gera fyrir keppnisdaginn, til að ekkert fari úrskeiðis eða gleymist....það eru nefnilega ekki nema 5 dagar í þetta!!!

Það væri rosalega gott að geta einbeitt sér bara að þessari keppni og hafa ekkert annað að gera. En ég er víst í námi líka og þarf að vera í skólanum allan daginn á miðvikudaginn að halda fyrirlestur og hlusta á alla hina í áfangum halda sína fyrirlestra líka. Er ekki alveg að hafa tíma til þess, en verð samt sem áður að gera það þar sem þetta er 10 eininga áfangi. Búin að vera í allan gærdag og daginn í dag að undirbúa fyrirlesturinn minn og þarf að eyða megninu af morgundeginum í það líka. Ekki stuð......

Eeeeeen ég er allavega búin að koma því þannig fyrir að fimmtudagurinn verður bara nokkuð rólegur hjá mér, það verður bara brúnku-áburður, hárþvottur og almenn leti með fæturnar uppí loftið. Og þurrkur já, þar sem ég má bara drekka 500 ml vatni þann daginn. Reyndar er svo bekkjarkvöld hjá Elínu seinnipartinn.....og allir eiga að koma með veitingar. Það verður nú meira fjörið, verður sennilega stútfullt veisluborð af allskyns kræsingum og ég get ekki fengið mér NEITT.....ekki einu sinni tyggjó til að dreifa huganum hehheheh......En maður svindlar ekki þegar er svona stutt eftir, svo mikið er víst, hef engar áhyggjur af því. En samt leiðinleg tímasetning.....

Vatn

2010-11-14T15:15:00.001Z

So far búin að drekka 2 og hálfan líter af vatni í dag!

Tel það nú bara nokkuð gott miðað við ég vaknaði ekki fyrr en kl 12. Það er svo gott að sofa út svona um helgar...æ lovvv it :) Ég skellti mér í brennslu uppá Nordica Spa þegar ég vaknaði og fór í pottinn og fékk smá herðanudd, voðalega kósý. Ætlaði svo varla að komast heim svo því ég þurfti svo mikið að pissa á leiðinni. Getur verið soldið mikið vesen að drekka allt þetta vatn, því maður kemst varla á milli staða án þess að þurfa að stoppa einhversstaðar og fá að nota salernið.....hehhehe. Eeeeen í dag á ég að drekka 6 lítra af vatni og borða aðeins meira salt en venjulega og á morgun líka. Svo minnkar maður vatnið um helming á hverjum degi eftir það þangað til á keppnisdag - þá fær maður ekki sopa af vatni. Ansi skrautlegt að taka pillur og svona með munnvatninu einu saman - það sem maður lætur ekki hafa sig út í hehehe :)

Allt að verða klárt

2010-11-13T15:24:00.000Z

Sundbolur, bikiní, skór og brúnka komið í hús.
Vatnslosun byrjar á morgun.
Allt að gerast........

Og spennan bara magnast............
Stend í stað á vigtinni - en ummálin og prósentan fara ennþá niður á við
Er núna rétt rúmlega 13% og ummálin 89/61/84
Þarf greinilega að breikka á mér bakið fyrir næsta mót......klárlega :D

Allt er vænt sem er grænt

2010-11-09T13:46:00.000Z

Núna sit ég í Afbrigðasálfræði-tíma í skólanum þar sem er verið að tala um offitu og þunglyndi, ákvað að nota tækifærið til að blogga smá.

Er orðin mjög spennt fyrir stóra deginum - eða dögunum kannski réttara sagt. Verð samt að viðurkenna að ég hef smá áhyggjur af því að þurfa að gera þetta allt tvo daga í röð, hár, make-up, brúnka og það allt. Tók mikinn tíma og erfiði síðast og þá var mótið bara einn dagur, þannig að þetta verður þá tvöföld vinna í rauninni núna. Svo verður maður líka að passa sig á því að vatnast ekki á laugardeginum svo maður verði ekki alveg útblásin á sviðinu á laugardagskvöldinu þegar allir koma að horfa.

Annars er ég búin að redda mér öllu sem ég þarf fyrir mótið, en á eftir að sækja eiginlega allt. Tekur örugglega heilan dag að sækja dótið útum allan bæ.....hehhe. En ég verð í sama sundbol og sömu skóm og ég var í síðast, en verð í nýju bikiní, það er mjög fallega grænt og þakið í swarowski steinum (er það ekki skrifað svona?). Hlakka mikið til að fá það í hendurnar og máta, en svo get ég líka fengið lánað eitt fjólublátt bikiní ef það fer svo að hitt passar ekki á mig. Ætla að vera búin að safna öllu að mér fyrir helgina og taka þá svona "general" prufu, prófa hárgreiðsluna og make-upið og allt - sjá hvernig þetta kemur út allt saman. Var með hárið slegið og slétt síðast - en er að spá í að hafa það einhvernveginn öðruvísi núna: annað hvort alveg slétt og sleikt uppí mjög hátt tagl eða slegið með smá krullum.....kemur allt í ljós :)

2 vikur í mót

2010-11-07T19:25:00.001Z

Maður verður að standa við loforð sín þannig að ég ætla að reyna að skrifa hér inná hverjum degi fram að móti - eða nei, ég ætla ekki að reyna það - ÉG ÆTLA AÐ GERA ÞAÐ - því eins og Jillian Michaels segir: "trying is planning to fail".

En já, núna er rosalega stutt í þetta. Þið sem viljið koma að horfa þá er forkeppnin kl 16 á föstudaginn 19. nóv í Mosó og kostar 2000 kr inn (held að það sé bara greitt við innganginn) og frítt fyrir börn 12 ára og yngri. Forkeppnin er keppnin þar sem dómararnir skoða virkilega keppendurna og í rauninni dæma hverjir munu lenda í efstu sætunum en enginn fær samt að vita úrslitin þá að sjálfsögðu. Svo laugardaginn 20. nóv kl 19 er aðalkeppnin - hún verður svona áhorfendavænni þar sem dómararnir verða búnir að ákveða úrslitin og keppendur eru í rauninni bara að sýna sig og þeir sem vinna taka við verðlaunum. Á aðalkeppninni koma svo fram frægir alþjóðlegir fitness keppendur og hún er haldin í Laugardalshöllinni þannig að það verður án efa eitthvað mjög glæsilegt show. Miðinn á aðalkeppnina kostar 4500 kr (ég veit - það er dýrt) og hægt að kaupa á midi.is og örugglega líka við innganginn á mótsdag. En svo er líka hægt að kaupa VIP miða sem gildir alla helgina á alla viðburði (Fitness og vaxtarækt, Gunnar Nelson bardagi, Sterkasta kona Íslands, JonPall aflraunakeppni, Bikarmót í Kraftlyftingum, eftirpartý og fleira og fleira) og kostar svona VIP miði 10.000 kr. Væri gaman að heyra hverjir ætla að láta sjá sig :)

Ég er núna 14% fita og 56 kg. Er sem sagt í sömu fitu% og ég var í á sviðinu í fyrra en samt sem áður 3 kg þyngri. Það hlýtur að boða gott. 2 vikur af kolvetnasvelti eftir (nema síðustu 2-3 dagana eða svo) og aðeins 1 vika í vatnslosunina sjálfa. Spennandi tímar framundan, ekki spurning. Eeeeen ég hlakka líka til þegar þetta er búið, þá get ég farið að einbeita mér betur að náminu og dóttur minni, bæði búið að sitja soldið á hakanum uppá síðkastið, þar sem maður er næstum því heilaþveginn af öllu sem tengist fitness heheh. Kem með meiri fréttir á morgun gott fólk :D

Staðan

2010-10-27T14:55:00.000Z

Jæja hvernig væri nú að henda einni færslu hérna inn, þvílík vanræksla búin að vera í gangi. Heilsan er ekkert búin að vera uppá sitt besta síðustu daga, en er öll að koma til. Þarf að taka nokkrar auka æfingar á næstu dögum til að jafna út þær æfingar sem ég missti af, ekki nógu gott svona korter í mót. Annars eru ekki nema rétt rúmar 3 vikur í mótið, já ég veit, það er ALLTOF stutt.

Eins og er, þá er ég 58 kg og með 17,8% fitu......þannig að það er alveg spurning hvort maður nái þessu. Ég ætla að gera mitt besta að minnsta kosti, lítið annað sem ég get gert í stöðunni. Er komin á kolvetnaminna mataræði til að auka möguleikana mína á að ná þessu, en mig langaði að vera 12% fita á keppnisdag og 52-4 kg. Maður veit aldrei hvað gerist í vatnslosuninni....það verður bara að koma í ljós, en hún kom allavega mjög vel út hjá mér síðast. Ég ætla ekki að gefast upp (þó ég hafi hugsað um það oftar en einu sinni), þá held ég að ég myndi aldrei vera sátt við sjálfa mig ef ég myndi hætta áður en lokaniðurstaða er komin. Wish me luck :)

Mæling

2010-10-16T12:37:00.000Z

Fór í mælingu í morgun: missti 0,5 kg, 7,5 sentimetra (á einni viku) og rúm 3% fitu (á tveimur vikum) þannig að ég er mjög svo happy í dag :D

Finnst alveg merkilegt hvað sentimetrarnir og fitan rýkur af mér, en á móti léttist ég varla neitt. Svo skemmtilegt hvernig líkaminn virkar :)

En í dag er laugardagur og ég er að vinna. Tek svo brennslu eftir vinnu, skelli mér í pottinn og fæ smá nudd og svo verður haldið uppá Skaga til mömmu og pabba. Bara næs.

Eigið góða helgi :D

37 dagar!!

2010-10-13T19:51:00.000Z

Þá er loksins komið aðeins meira í ljós í sambandi við keppnina. Forkeppnin í módel fitness og fitnessinu er á föstudeginum 19. nóvember kl 16:00 í Mosfellsbæ og aðalkeppnin/úrslitin verða svo á laugardeginum kl 19 í Laugardagshöllinni. Það verður hægt að kaupa miða á keppnina á 2000 kr þegar nær dregur, eða 4500 kr fyrir heilan dag eða VIP miða á 10.000 kr sem er þá fyrir alla dagsrkánna alla helgina og eftirpartý á Players. Allir keppendur fá VIP miða fyrir sig og einn aðstoðarmann og Zanný var svo heppin að fá aukamiðann minn :) Hún ætlar að vera aðstoðarmaðurinn minn baksviðs, hjálpa mér með brúnkuna og bara svona andlegan stuðning hehe....svo getum við farið og fylgst með Eddu sem keppir í Sterkustu konu Íslands fyrr um daginn (á laugardeginum) og hvatt hana áfram. Svo verður að sjálfsögðu farið út að borða eftir aðalkeppnina, mjööög líklega á Ítalíu, og svo eftirpartýjið á Players......og svo kannski bara djamm.....aldrei að vita ;)

Er komin með grænt bikini og fjólubleikan sundbol og himinháa hælaskó, allt að smella saman. Bara body-ið eftir. Fer í mælingu á laugardaginn og þá kemur í ljós hvort eitthvað sé ekki að gerast. Finnst ég sjá mun.....vonandi að klípan sé sammmála mér :)

Tekið af "Pressunni"

2010-10-12T14:22:00.003Z

12. okt. 2010 - 10:00 - Snæfríður Ingadóttir

Of gott til að vera satt? Vél sem „bræðir“ auka fitu af líkamanum

Nýjasta nýtt í fegurðarbransanum er tæki sem bræðir umfram fitu án uppskurðar. Tækið minnir á ómskoðunartæki og sprengir fitufrumur með hljóðbylgjum. Sjúklingar sem gangast undir meðferðina þurfa enga deyfingu enda er meðferðin sársaukalaus. Þetta undratæki kallast Cavi-Lipo og í eyrum flestra hljómar það einum of gott til þess að vera satt. Mikið hefur verið skrifað um tækið í blöðum sem fjalla um lýtalækningar og þar er sagt að það virki ekki á stór svæði heldur eigi að nota það á minni svæði þar sem brjóta þarf niður staðbundna fitu. Eins og t.d. á karlmönnum sem komnir eru með „konubrjóst“.

Meðferðin hentar best fyrir fólk í kjörþyngd sem þarf bara aðeins að lappa upp á útlitið og vill losna við fitu sem hangir föst á ákveðnum stöðum - og það þrátt fyrir heilsusamlegt mataræði og líkamsþjálfun. Þessi aðferð virkar því ekki eins og fitusog.
Hljóðbylgjurnar bræða fitufrumur og þegar þær eru komnar í fljótandi form losar líkaminn sig við fituna á náttúrulegan hátt. Mælt er með því að fólk drekki mikið vatn eftir meðferðina en að öðru leyti er þetta víst bara eins og að fara í óvenjulanga sónarskoðun þar sem ómskoðunartækinu er rennt yfir fitusvæðið í 30 mínútur.

Myndi nú ekki segja nei við þessu akkúrat núna!!! Þó ég sé alls ekki þessi skyndilausna týpa, þá langar mig að vita meira um þetta tæki......þetta hljómar svo einfalt og allt of gott til að vera satt.....

Úr einu í annað

2010-10-11T19:53:00.000Z

Búin að vera eitthvað löt að skrifa hingað inn.....svo er líka búið að vera mikið að gera hjá mér í skólanum í síðustu viku og verður í þessari viku líka. Vona að ég fái svo kannski 1-2 rólegar vikur eftir það. Til að toppa þetta þá er ég líka búin að vera að vinna, fékk ekki EINA vakt allan september mánuð, en er svo búin að fá nokkrar núna í október og fleiri eftir. Ekki er það verra svo sem.....manni veitir ekki af pening þessa dagana. En bara soldið típístk að það komi allt á sama tíma! :)

Er mikið búin að vera að hugsa um að fara uppá Skaga næstu helgi. Er að vinna til kl 14 á laugardeginum og mig langar að fara eftir það. Fara bara heim til mömmu og pabba með Elínu mína og eiga þar kósýkvöld með familíunni. Mjööööög langt síðan ég hef gert það. Svo kæmi ég bara aftur í bæinn um hádegisleytið á sunnudaginn til að taka æfingu og kannski skella mér í pottinn og þiggja smá nudd ! Held þetta sé plan :)

Annars gekk síðasta vika ekki nógu vel hjá mér. Léttist ekki neitt - en missti 5 cm. Þetta virðist vera orðin hefð, önnur hver vika gengur mjöööög vel og svo næsta illa. Það hlýtur þá að þýða að næsta vika muni vera góð. Ætla rétt að vona það......bara 6 vikur í þetta og ég er ekki á þeim stað sem ég ætlaði mér að vera á þessum tíma. Er svo að fara að byrja í trimform og vafningum, allt sem mögulega getur hjálpað. Jæja, lærdómurinn bíður mín. Pís át.

Mælingar

2010-10-02T16:16:00.001Z

Góðar mælingar í dag. Missti 1 kg í vikunni, 11 sm og 2,1% fitu. Nýja matarprógrammið alveg að virka til að koma öllu í gang aftur, þar sem allt var búið að vera í stoppi í næstum 2 vikur. Er svo glöð :)

Ætla að sýna ykkur niðurstöðurnar frá byrjun, á 5 vikum er ég búin að ná að missa:

3,1 kg
40 sm
4,7% fitu
3,34 kg af fitu
og bæta á mig 1,34 kg af vöðvum

Ekki leiðinlegt - sérstaklega þar sem 10 af þessum 40 sentimetrum fóru beint af mallanum!!! ;)

Núna eru 7 vikur eftir.....þar sem þessar tölur munu allar margfaldast með 2 - og rúmlega það!!

Góða helgi :)

Moment of truth.....

2010-10-01T19:21:00.000Z

Þá er fimmtu vikunni í köttinu að ljúka. Aðeins 7 vikur til stefnu - eða nánar tiltekið 48 dagar. Er að verða soldið stressuð. Mér finnst bara eins og þetta sé nýbyrjað allt saman, en þetta er alveg að verða hálfnað, niðurskurðartímabilið sem sagt. Fer í mælingu á morgun og vona svo innilega að það komi eitthvað gott út úr henni. Þarf alveg á því að halda núna. Búin að vera mega mega dugleg í þessari viku, bæði í mataræði og æfingum, þannig að ef það gerist ennþá jafn lítið og síðustu 2 vikur, þá bara veit ég ekki hvað ég á að gera. Fer að renna út á tíma hérna......

Svo er nammidagur á morgun, ætla að skella mér í bakarí og kaupa mér smá gotterí þar í hádegismatinn. Svo ætlum við Edda og Rannveig út að borða um kvöldið á Serrano eða Núðluhúsinu og skella okkur í bíó á "Dinner with the Smucks". Hlakka til :) Fæ ekki að gera neitt annað skemmtilegt um helgina þar sem ég þarf að læra eins og brjálæðingur. Á að skila verkefni á mánudaginn, próf á þriðjudaginn og flytja svo fyrirlestra bæði 13. okt og 18. okt þannigað það er nóg að gera!!! Pís át :)

Once a cheater - always a cheater???

2010-09-28T22:40:00.001Z

Þá er ég búin að senda frá mér matardagbókina, bíð bara spennt eftir að sjá hvað kemur útúr þessu. Annars líður mér eins og hlutirnir séu farnir af stað aftur hjá mér, sé mun á mér í speglinum og sumar buxurnar mínar farnar að vera víðari á mér, ekki leiðinlegt það :) Hlakka svo til að fara í mælingu á laugardaginn, en þá er vigtun, ummáls- og klípumæling....spennó!!

Merkilegt finnst mér samt að ég er ekkert orkuminni en venjulega, frekar öfugt ef eitthvað er. Þó ég sé að minnka kolvetna-inntökuna (sérstaklega seinni part dags) þá get ég ekki fundið fyrir því. Er alveg að ná að halda þyngdunum mínum á æfingum og næ meira að segja að þyngja í mörgum þeirra. Ég man svo vel eftir því fyrir ári síðan þegar ég var að gera þetta að ég varð svo orkulítil. Fólk hafði orð á því að það langaði bara til að knúsa mig þegar það mætti mér því ég var eins og lítil mús.....alltaf að deyja úr kulda og átti varla orku til að halda uppi samræðum. En það hefur kannski eitthvað með það að gera að þá tók ég mjööög svo extreme kött á mjöööög stuttum tíma (erum að tala um nánast algjört kolvetnasvelti í rúmar 3 vikur - var þar á undan búin að vera að þykjast kötta eitthvað í 9 vikur með svindli sirka annan hvern dag :/ ). Mikið betra að gefa sér lengri tíma og gera þetta á heilbrigðan hátt - mér líður allavega mjög vel núna. Búin að vera að þessu í rúmlega 3 vikur núna og bara einu sinni svindlað......það er svona 500% betri árangur en síðast hehehhe :)

Núna eru 8 og hálf vika í mótið!!!! Pís át :)

Stöðnun

2010-09-27T19:44:00.000Z

Er núna að skrifa niður mjöööög ítarlega matar- og æfingadagbók fyrir stelpuna sem er að aðstoða mig með fitness-undirbúninginn. Síðustu 2 mælingar hafa ekki verið nógu góðar, þannig að það þarf að komast að því í hverju það liggur, svo hlutirnir geti farið að rúlla hraðar. Er búin að skrifa niður sunnudag og mánudag (daginn í dag sem sagt) og svo skrifa ég daginn á morgun niður líka og sendi henni svo annað kvöld. Er mjög spennt að vita hvað kemur út úr þessu, hvort það sé eitthvað sem ég er að feila svona hrikalega á. Við erum að tala um það að ég er að skrifa niður nákvæmlega ALLT.....kl hvað ég borða hvað, hversu mikið, kl hvað ég æfi og hvernig ég æfi, hvaða töflur ég tek og kl hvað og svo framvegis.

En kannski er þetta líka bara svona stöðnun hjá mér, sem er mjög algengt í svona ferli, maður getur ekki lést og misst fitu bara útí hið óendanlega, það kemur alltaf að því að maður labbar á vegg og þarf að sýna smá þolinmæði. Finnst bara frekar leiðinlegt að það hafi gerst í 2 vikur hjá mér....mátti ekki alveg við því. En auðvitað gerðist alveg eitthvað í þessar 2 vikur, segi það ekki, en bara ekki nógu mikið. Hlakka til að vita hvað kemur útúr þessu :)

Myndir

2010-09-27T19:23:00.000Z

Ég var að finna þessar myndir sem voru teknar fyrir Bikarmótið í fyrra. Ég man ekki alveg nákvæmlega hvenær þær voru teknar, en það var allavega einhverjum dögum fyrir mót. Var mjööög svo óánægð með þessar myndir þegar ég fékk þær í hendurnar og þess vegna ýtti ég þeim bara til hliðar, en svo þegar ég skoða þær núna þá er bara akkúrat ekkert að þessum myndum. Meira ruglið í manni alltaf!!! Maður hefði kannski getað gert meira úr make-upinu og hárinu til þess að gera myndirnar ennþá flottari, en það er svo sem líka gaman að eiga svona myndir án þess að vera með tonn af brúnku og meiki :)

Svo þarf ég bara að fara að finna mér einhvern ljósmyndara til að taka nokkrar myndir af mér fyrir næsta mót líka.Verður gaman að hafa til samanburðar því jú ég ætla sko að vera í mikið mikið betra formi á næsta móti heldur en ég er þarna, þó mér finnist ég nú bara alveg ágæt á þessum myndum þó ég segi sjálf frá :)

Hvatning

2010-09-24T22:19:00.000Z

Það er svo mikilvægt í hverju sem maður leggur sér fyrir hendur að hafa einhverja hvatningu. Ég fékk sendan póst í dag sem hvatti mig mjög mikið til þess að standa mig vel í niðurskurðinum og á mótinu sjálfu. Þegar einhver hefur svona trú á manni, þá fyllist maður stolti og fær nokkurskonar vítamínsprautu í rassinn. Ég fékk þennan póst á akkúrat réttum tíma - þar sem ég var einmitt daginn áður búin að vera á algjörum bömmer yfir hvað þetta gengi allt hægt hjá mér og að ég myndi ekki ná þessu. Auðvitað nær maður engum alvöru árangri með svoleiðis hugarfari. Ég get, skal, ætla og MUN ná þessu!! Það er bara ekkert annað í boði.

Eftir að hafa fengið þennan skemmtilega hvatningapóst ákvað að taka daginn í dag sem próteindag (sem og sunnudaginn auðvitað líka). Sjá hvernig það kemur út, ef það kemur vel út þá held ég því kannski bara áfram. Á morgun er svo nammidagurinn mikli og ég ætla bara að vera róleg. Ég veit ekki einu sinni hvað mig langar í....sem er mjög furðulegt því venjulega langar mig bara í allt :) Ég hugsa að ég fari á annað hvort Serrano eða Græna risann og fái mér einhvern ekki svo óhollan mat og svo bara eitthvað smá nammi um kvöldið því þá er ég að fara í smá stelpu-spilahitting.

Það eru bara 8 vikur til stefnu núna og því ekki seinna að vænna að spýta í lófana....

Fæðubótaefnin mín

2010-09-23T19:57:00.002Z

Svona lítur annar helmingurinn af eldhúsinnréttingunni minni út þessa dagana. Ég byrjaði á að setja próteinið og glútamínið í svona fallegar krukkur til að þetta yrði aðeins fallegra ásýndar....en svo bættist alltaf meira og meira í safnið. Mér sýnist á öllu að ég þurfa að fara eina ferð í Ikea um helgina og kaupa mér fleiri krukkur :)

Kommenta

2010-09-20T20:41:00.003Z

Það hafa næstum því 50 manns heimsótt bloggið mitt síðan í gærkveldi og samt hefur ekki einn einasti aðili skilið eftir komment eða hakað í like reitina hjá mér - það finnst mér nú bara hreinn og beinn dónaskapur ef ég á að segja eins og er. Væri mjög vel þegið ef þið mynduð láta vita af ykkur, þó það væri ekki nema bara að haka við í viðeigandi reit :) Gerir þetta pínulítið skemmtilegra fyrir mig :)

En ég var aldrei búin að koma með niðurstöðurnar úr mælingunum mínum. Ég sem sagt léttist nánast ekki neitt, eða um 200 gr á viku 3. Var mjög ósátt við það. Þrátt fyrir það fuku samt 7 sm og eins og áður þá aðallega á maganum. Voðalega hef ég verið með feitan maga....fer endalaust þaðan. Á meðan haggast ekki ummálið á handleggjunum og rassinum.....hvað er málið með það!!! En svo fór ég fituklípumælingu sem sagði að ég hefði misst 1,4% fitu síðan í síðustu mælingu, eða fyrir 2 vikum síðan. Reyndar var mælingin fyrir 2 vikum síðan mjög skrítin því það var varla hægt að klípa lærið á mér þannig að talan sem við settum þar var nokkurskonar ágiskun. Þegar ég setti inn leiðréttinguna á þeirri mælingu mv þá nýju í forritið fékk ég út að ég hafi misst 2,8% fitu á þessum 2 vikum. Þannig að eather way......allt að gerast. Hægt....en gerist þó.....Nú má þetta fara að rúlla að alvöru!!! Pís át :)

Lucky me

2010-09-19T19:15:00.004Z

Þá er helgin senn á enda. Ótrúlegt hvað helgarnar líða alltaf fljótt. Eða bara tíminn yfir höfuð reyndar. Ég átti hinn fínasta nammidag í gær. Byrjuðum á því að taka æfingu í Sporthúsinu aðal skvísurnar í bænum ég, Edda, Solla og Zanný. Rosalega skemmtileg æfing. Svo var farið í kökukaffi til Sollu, en hún bakaði þessa þvílíkt girnilegu og góðu negrakossa köku, sem rann ljúft niður :) Ég eeeeelska nammidaga. Það sem eftir var dags var ég bara að dúlla mér með litlu skvísunni minni, kíktum á kattasýningu þar sem voru til sýnis risakettir og sköllóttir kettir, fórum á röltið í Kolaportinu, rúntuðum niður Laugarveginn og kíktum á Hamborgarafabrikuna. Ég skil ekki alveg what the fuzz is all about. Hef núna farið þangað tvisvar og ekki pantað mér sama réttinn.....en verð að segja að ég geri sjálf betri hamborgara á minni eigin pönnu :/

Eníveis, um kvöldið vorum við skvísan bara í sjónvarpstjilli heima og ég ætlaði að vera voða dugleg og borða ekkert meira óhollt. Fékk svo þessa þvílíku nammilöngun um kl 22 svo við ákváðum að rölta niður á videoleigu til að taka video og kaupa smá nammi í poka. Þetta var dýrasta video spóla sem ég hef á ævi minni tekið, því mér tókst að læsa lyklana mína inni og þurfti að hringja á Neyðarþjónustu og borga þeim 6000 kr fyrir að opna fyrir mér - inní mína eigin íbúð!!!! Ef þetta var ekki merki um að ég hefði átt að sleppa namminu þá veit ég ekki hvað :/ Heppnin eltur mig alltaf á röndunum alveg hreint......

En svo er ég búin að eiga rosalega góðan dag í dag. Svaf fram á hádegi, mikið sem það var gott :) Skellti mér svo uppá Nordica á æfingu með Skúla. Tókum tvíhöfða og kvið. Held ég hafi sjaldan tekið jafn góða og skemmtilega tvíhöfðaæfingu. Svo var skellt í sig sjeik, farið í pottinn, fengið sér nudd og setið í sauna. Mjöööög ljúft. Verð að fara oftar uppá Nordica eftir æfingar til að fá nuddið í pottunum, sakna þess mikið :) og félagsskaparins auðvitað líka, eintómir snillingar sem vinna þarna :)

Svo er próteindagur í dag hjá mér, það má ekkert fara oní mallakútinn minn nema prótein. Sjeik, kjúlli og eggjahvítur er því búið að vera á matseðlinum hjá mér í dag og næst á dagskrá er.....meiri kjúlli :) Vona að þið hafið átt jafn góða helgi og ég ;) Pís át

9 vikur og 2 dagar í mót

2010-09-16T22:46:00.002Z

Þetta styttist og styttist. Verð bara stressuð því þetta virðist svo stutt og tíminn líður alltof hratt. Mér finnst hlutirnir gerast alltof hægt hjá mér og sú hugsun læðist að mér næstum því á hverjum degi að sennilega muni ég ekki ná markmiðinum mínum fyrir þetta mót og allt endi með því að ég fari aftur á sviðið illa undirbúin eins og síðast. Það vill ég ekki!! En ég vil heldur ekki vera búin að eyða öllum þessum tíma, fyrirhöfn og PENINGUM og fara svo ekki á sviðið. Ég held að það sé eingöngu þrjóskan sem er að keyra mig áfram á þessum tímapunkti. Það eru að verða búnar 3 vikur í niðurskurðinum hjá mér og ég vill fara að sjá eitthvað gerast af viti. Var reyndar að fá nýtt matarprógramm sent í dag sem er töluvert strangara en það sem ég hef verið að gera, var mjööög svo ánægð að sjá það. Now let the party begin!! :)

Á laugardaginn fer ég fituklípu mælingu aftur (fór síðast fyrir tveimur vikum). Er soldið spennt og kvíðin í senn að sjá hvað kemur út úr því. Mælingin var hreint ekki góð síðast og ég verð eiginlega að vera búin að missa amk 2% fitu til að eiga einhverja möguleika á að ná markmiðunum mínum. Ég var sirka 14% fita á sviðinu síðast (reyndar liggur sterkur grunur hjá mér og þeirri sem mældi mig að mælingarnar hafi verið rangar og ég hafi frekar verið um 16-18%), en mig langar til að ná því núna að vera 12%. Sumar stelpurnar sem eru að keppa eru að fara niður fyrir 10%....en það langar mig ekki. Held það sé líka engin hætta á því úr þessu ;)

Við erum búnar að plana nammidaginn okkar næsta, ég, Edda og Solla. Solla ætlar að baka þvílíkt gómsæta köku: súkkulaði köku með bleiku kremi og negrakossum ofan á. Namminamm. Það verður stuð, endum örugglega allar í brjálaðri sykurvímu :)

Matur

2010-09-14T22:13:00.004Z

Mín er búin að jafna sig eftir svindlið. Tók mánudaginn alveg extra strangan, smá kolvetnasvelti til að komast á réttan kjöl aftur. Héðan í frá verða svo sunnudagar alltaf prótein-dagar hjá mér. Þá tek ég nánast öll kolvetni út og borða bara próteinríkan mat. Mun líklegast drekka bara próteinsjeika, fá mér kjúllabringu með smá gúrku og tómat on the side, meiri próteinsjeik, eggjahvítur og svo próteinpönnsur eða próteinvöfflur í kaffinu :) Best að henda inn "uppskriftunum" af vöfflunum og pönnsunum, það eru svo margir búnir að spurja mig útí þetta.

Próteinvöfflur:
1 skeið prótein (mér finnst best að nota vanillu eða súkkulaði)
2 eggjahvítur

Skella þessu saman í skál og hræra vel saman, mér finnst líka gott að bæta við kanil, og svo er þetta bara sett í vöfflujárn eins og gömlu góðu vöfflurnar. Þetta eru ca 3 stk.

Próteinpönnsur:
1 skeið prótein
3 eggjahvítur

Hrært vel saman í skál og svo er hægt að gera ca 3 pönnsur á pönnuköku-pönnu eða gera eina stóra pönnsu á venjulegri pönnu. Einnig hægt að bæta við kanil í þessar.

Mér finnst þetta bæði mjög gott og líka skemmtileg tilbreyting frá próteinsjeiknum, eggjahvítunum og kjúllanum. Enjoy :)

Svekkelsi

2010-09-12T21:08:00.002Z

Er í bömmer dauðans - ég laumaðist í saltstangir áðan!! Ég og skvísan mín keyptum svoleiðis í gær til að hafa yfir vídjói og það vildi svo til að þær kláruðust ekki. Venjulega hendi ég afganginum af óhollustunni til að vera 100% viss um að laumast ekki í það daginn eftir. Eeen í þetta skiptið ákvað ég að gera það ekki, því dóttur minni finnst saltstangir svo góðar. Svo var hún að horfa á sjónvarpið áðan og ákveður að fá sér saltstangir með og áður en ég vissi af var ég farin að laumast í öskjuna hjá henni. Andsk....Helv.....Djöf..... ekkert lítið sem ég er svekkt útí mig núna. Ætla að fara að sofa ofur-snemma í kvöld og vakna kl hálf 6 í fyrró til að taka morgunbrennslu áður en ég mæti í skólann, þá ætti ég að ná að friða samviskuna aðeins og brenna þessum saltstögnum í burtu. Samt svo pirrandi að geta ekki lengur sagt að ég hafi ekkert svindlað :( en jæja, þetta er víst búið og gert......

Mælingarnar komu annars alveg ágætlega út hjá mér í gær. Missti 0,8 kg í vikunni og 10 sm (aftur mest á maganum og mittinu). Ágætlega sátt við það. Haldi þetta svona áfram þá næ ég vel markmiðunum mínum fyrir þetta mót. Þannig að eftir fyrstu tvær vikurnar í niðurskurðinum eru farin samtals 1,9 kg og 21,8 sm.

Svo er ég komin með bikiní til að vera í á mótinu. Fékk það lánað hjá einni fitness-gellu sem ætlar ekki að keppa núna og ég held að það muni fara mér geðveikt vel. Er grænt, glansandi og með fullt af demuntum og steinum á :) Hlakka til að fá það í hendurnar og máta.

En jæja, best að skella í sig smá casein próteini fyrir svefninn og verða alveg helmössuð í fyrramálið þegar ég vakna :)

Vika 2 að klárast

2010-09-10T21:42:00.003Z

Þá er enn og aftur komið föstudagskvöld og svindldagurinn á morgun. Þetta er ekkert smá fljótt að líða, núna eru 10 vikur í mót. Það fara allskyns sögur af því hvernig þetta mót muni fara fram. Sumir segja að þetta verði bara eins og alltaf, haldið á laugardeginum og allir sem skrá sig fá að keppa. Aðrir segja að það verði undankeppni á föstudagskvöldinu og þar verði valdir einhverjir örfáir sem fá að keppa á aðalmótinu á laugardeginum. Þetta hlýtur allt að koma í ljós sem fyrst. Ég vona nú að allir fái að keppa, þar sem fólk hefur lagt á sig mikla vinnu, tíma, fyrirhöfn og peninga til að geta tekið þátt. Eins með þetta módelfitness, það eru alltaf langflestir keppendurnir í þeim flokk og ég held að flestir sem komi að horfa á þessar keppnir séu að koma til að sjá þess að horfa á það, og það er bara ekki eins skemmtilegt ef það eru bara 5 stelpur á sviðinu. Það er allavega búið að tilkynna það að módelfitnessinu verði aldursskipt, 21 árs og yngri verða sem sagt sér. Mér líst bara vel á það, en ég vona að þessu verði svo líka hæðarskipt eins og var síðast. Ég er bara 161 á hæð og það er rosalega erfitt að bera það litla manneskju saman við aðra sem er kannski 175.....rosalegur munur á því. Ég bíð bara spennt eftir að sjá hvernig þetta verður.

Á morgun er vigtun og ummálsmælingar hjá mér.....ég vona að það eigi eftir að ganga vel. Ég mun láta ykkur vita hvernig það fer. Ég er allavega farin að sjá smá mun á mér, þá aðallega á maganum og öxlunum.... Er alveg búin að hugsa um það nokkrum sinnum að læðast í málbandið til að tékka......en neinei....ekki fyrr en á morgun!! Ég óska ykkur bara gleðilegan nammidags - gangið hægt um gleðinnar dyr :)

Aloha

2010-09-08T16:26:00.006Z

Jæja þá er vika 2 í niðurskurðinum hálfnuð. Þessi vika er búin að ganga rosalega vel. Ekkert búin að svindla neitt og búin að þamba vatn eins og enginn sé morgundagurinn. Fer reyndar að pissa svona 3x á hverjum klukkutíma, en það er bara gaman....... Verð að drekka meira vatn því ég á það til að safna vatni og fá bjúg og svo er húðin á mér eitthvað svo þykk og brengluð, erum að athuga hvort að það geti ekki lagast ef ég drekk bara alveg fullt fullt af vatni. I hope so!! :)

Ég verð reyndar að viðurkenna að sunnudagurinn var mjög erfiður. Þá var ég að jafna mig eftir svindldaginn. Vá hvað mig langaði í allt bara, átti erfitt með mig. En svo varð þetta ekkert mál á mánudaginn þegar rútínan byrjaði aftur. Kannski ég ætti að finna mér vinnu á sunnudögum í vetur svo þetta verði ekkert mál hehhehe.

Við tókum svo killer fótaæfingu í Sporthúsinu í gær: ég, Edda og Solla, og það var bara alveg yndislegt. Erum allar með alveg margfaldar harðsperrur, mætti halda að við hefðum ekkert verið að æfa neitt....en jújú, við vorum bara að taka nýtt prógram. Svo gaman að byrja á nýju prógrammi, þá mæta harðsperrurnar aftur á svæðið. Og það er fátt skemmtilegra en að finna fyrir því að maður hafi tekið á því eins og maður!!! Svo skelltum við Solla okkur seinnipartinn í Tabata tíma, ég hef farið í marga Tabata tíma og alltaf fundist þeir frábærir, en þessi var frábær margfaldað með þúsund!!! Nýr salur, nýjar æfingar og meiri fjölbreytni. Eraðfílaða......

Í dag tókum við axlir og kviðæfingar og svo er ég á leiðinni í Þrek Extreme á eftir, sem er svona þrekhringur bara. Ætla að taka æfingar með þessum hætti 3-4 sinnum í viku- þar sem ég æfi 2x á dag, annars ætla ég að halda mig við bara eina æfingu á dag, allavega þangað til að nær dregur. Og ég ætla að forðast brennslutækin eins og heitan eldinn, fékk svo mikið ógeð á þeim í síðasta niðurskurði að það er bara ekki fyndið. Ætla að fá mína brennslu bara í gegnum mataræðið og hópatíma þar sem er líf og fjör, ekki með því að hamast á stigvél í 60 mín, æl......

Svona leit ég út á síðasta móti. Á næsta móti ætla ég að verða ennþá meira awesome!!!

75 dagar

2010-09-05T22:08:00.002Z

Í dag eru 75 dagar í stóra daginn, virðist vera eitthvað svo langur tími. En hann á eftir að líða hratt, enginn vafi á því.

Vika 1 gekk mjög vel hjá mér, svindlaði ekkert, nema á deginum sem ég mátti svindla að sjálfsögðu. Þá fékk ég mér pizzu, smá nammi í poka og eina sneið af heitum rétt í útskriftarveislu hjá vinkonu minni. Samkvæmt vigtinni, útlitinu og geðinu í morgun - þá er engin stór skaði skeður eftir þennan nammidag heheh. Samkvæmt mælingunum í gær þá léttist ég um 1,1 kg og missti samtals 11,8 sentimetra á fyrstu vikunni. Get nú ekki kvartað yfir því. Markmiðið sem við settum fyrir mig voru 0,4-1 kg á viku þannig að ég fór aðeins fram úr því, sem er betra heldur en hefði það farið á hinn veginn.

Á morgun byrjar svo vika 2 og tek hana með svipuðu sniði og ég er búin að vera að gera. Mánudagar eru langir dagar hjá mér, þá er ég í skólanum alveg frá 8-16 þannig að ég þarf að taka með mér nesti fyrir allan daginn. Að sjálfsögðu er það allt klappað og klárt núna í pokum og dollum :) Svo þegar skólinn er búinn þá þarf ég að fara á æfingu, á morgun ætla ég að taka bak og enda svo á pallabrennslu tíma. Það er ekki hægt annað en að skipuleggja tímann, námið, matinn og æfingarnar alveg í öreindir þegar maður er í svona niðurskurði, og sem betur fer er ég skipuleggju-sjúk þannig að það hentar mér mjöööög vel :) Vona bara að vika 2 verði jafn góð og sú fyrsta.

Vika 1 að klárast

2010-09-03T23:56:00.003Z

Jæja, þá er komið föstudagskvöld, sem þýðir að svindl dagurinn minn er á morgun :) Þegar maður er í svona niðurskurðar mataræði þá er mjög mikilvægt að taka svindl-dag með reglulegu millibili. Það er vegna þess að þegar maður minnkar kolvetna-inntöku svona mikið og æfir stíft þá nefnilega hægir líkaminn á brennslunni -til að halda í sem mest af þeirri orku sem hann fær. En ef maður tekur svo einn svindl dag með reglulegu millibili (sjokk-dag) þar sem maður borðar meira af kolvetnum heldur en próteinum - þá fer brennslan aftur af stað. Líkaminn, þetta furðulega fyrirbæri, er svo rosalega fljótur að aðlaga sig, að hann fattar þá að við séum ekki í stöðugu kolvetnasvelti, hann veit að hann muni fá ríflegan skammt af kolvetnum (og stundum vel rúmlega það) eftir nokkra daga og heldur því ekki eins fast í alla orku sem við innbyrðum. Þess vegna getur maður tekið sinn svindl dag án þess að deyja úr samviskubiti. Tja, nema maður missi sig algjörlega og kaupi sér nammi í Nammilandinu í Hagkaup fyrir 1000 kall (jebb, það hef ég sko gert!!!).

En annars var þessi vika alveg frábær hjá mér. Fór 100% eftir matardagbókinni minni og það var ekki einu sinni erfitt. Ég er reyndar ekki ennþá komin með æfingarplan þannig að ég fylgdi bara planinu sem vinkona mín er með. Við erum 3 saman alltaf að lyfta í Sporthúsinu á morgnanna, tvær okkar að fara að keppa :) Ekkert betra en að umgangast aðra fitness-keppendur þegar maður er að undirbúa sig fyrir mót, er alveg að sjá það. Hjálpar manni mikið að vera ekki einn í þessu.

Svo eru mælingar á morgun: vigtun, ummál og klípa, verður gaman að sjá hvort eitthvað hafi gerst á viku 1. I will keep u posted :)

Dagur 1

2010-08-30T22:12:00.003Z

Jæja, þá er fyrsta degi niðurskurðartímabilsins að ljúka. Hann gekk alveg rosalega vel matarlega séð, en mér tókst að ná mér í einhverja leiðindapest þannig að ég lagði mig í staðinn fyrir að fara á æfingu. Lame - I know....en mig svimaði við það eitt að standa, þannig að það hefði getað endað illa ef ég hefði farið að reyna eitthvað á mig.

Ég fékk að borða alveg fínan mat í dag: hrökkbrauð með kjúklingaáleggi og soðnu eggi, kjúkling, hrísgrjón og grænmeti, ávaxtasalat, próteinvöfflur og próteinbar. Svo fullt af vatni og svo á ég eftir að skella í mig einum próteinsjeik fyrir svefninn. Hell ye. Langaði ekkert til að svindla. Rölti útí Nóatún áðan að kaupa sitthvað sem mig vantaði fyrir matardagbók morgundagsins og hugsaði ekki einu sinni útí það að kaupa Coke Light, svo lítil var sykurlöngunin. Eigum við að ræða það eitthvað? Miðað við hvað ég fæ líka gott að borða á morgun þá verður þetta ekkert mál. Verð orðin massaflott á nó tæm píps :)

I´m alive !

2010-08-27T08:01:00.002Z

Ég get nú ekki annað en beðist afsökunar á blogg-leysi mínu síðustu vikuna, en ég var í sumarfríi og fékk svona líka bongó blíðu allan tímann. Ákvað því að vera ekkert að stressa mig á þessu. En á mánudaginn byrja nýjir tímar hjá mér og ég er ekkert lítið spennt. Í fyrsta lagi þá er skólinn að byrja. Ég er að fara að setjast aftur á skólabekk eftir árspásu, nánar tiltekið í meistaranámi í Lýðheilsuvísindum við Háskóla Íslands. Í öðru lagi er niðurskurðartímabilið að byrja á mánudaginn, 12 vikur í mótið. Ég ætla að taka aftur þátt í módel-fitnessinu sem verður 19.-20. nóvember. Ég er búin að fá mér "fitness ráðgjafa" sem segir mér algjörlega hvað ég á að borða og hvernig ég á að æfa þannig að það verður ekkert í boði að svindla eða gefast upp.

Ég mun leyfa ykkur að fylgjast með ferlinu og halda hérna nokkurs konar dagbók um "köttið" fyrir þá sem eru forvitnir um hvernig þetta virkar allt saman. Ekki vera feimin heldur við að kommenta og bara spurja ef það er eitthvað sem þið viljið fræðast meira um. Mér finnst leiðinlegt hvað margir eru með fordóma gagnvart fitnessinu og halda að maður sé að svelta sig og eitthvað þannig, því það er svo alls ekki svoleiðis. Maður er nánast alltaf borðandi, málið er bara að borða réttu fæðuna :) Verð bara spennt að tala um þetta. Þannig að ég ætla að njóta nammidagsins á morgun áður en geðveikin tekur við.

Góða helgi :)

TOP 5

2010-08-12T22:34:00.004Z

Heitir Hollywood Gaurar!!

Númer 1 á listanum mínum er hin ávallt fullkomni Johnny Depp (1963). Hann er orðinn alveg eldgamall en samt ennþá sexy as hell og einn af bestu leikurunum í Hollywood í þokkabót!! :)

Númer 2 á listanum mínum er Jared Patalecki (1982) sem leikur yngri bróðirinn, Sam, í Supernatural þáttunum. Hann er langt frá því að vera góður leikari, en hann er svo hrikalega flottur og sætur að hann kemst alveg upp með það!! :)

Númer 3 er Taylor Kitsch (1981) og hann leikur vonda strákinn Tim Riggins í Friday Night Lights þáttunum. Hann er svo heitur að maður fyrirgefur honum allt, sama hversu slæmt það er. Fjúddíjú :)

Númer 4 á listanum mínum er Wade Robson (1982), dansari og danshöfundur . Hann er kannski ekkert endilega sá allra sætasti eða stæltasti.....en hrikalega sexy er hann. Það er bara eitthvað við þennan gaur sem fær mann til að kikna í hnjánum. Hérna sést hann dansa í So you think you can dance þáttunum með þátttakendum dans sem hann samdi (hann er í hvítu skyrtunni með rauða hanska).

Ég ákvað svo að hafa eina ljósku á listanum mínum líka - bara svona til að skilja ekki útundan. Fyrir valinu varð hinn sænski Alexander Skarsgard (1976), sem við þekkjum nú betur sem vonda vampíran Eric Northman úr True Blood þáttunum. Nomm nomm hann er heitur :)

Countown

2010-08-12T17:07:00.003Z

........2 klst í rúmlega vikulangt sumarfrí

........8 dagar í skvísu-sumarbústaðaferð

........9 dagar í að Elín Mist byrji í skólanum

........16 dagar í legendary staffapartý

........18 dagar í að ég byrji að kötta fyrir fitnessið

........19 dagar í að ég byrji í skólanum

Sem sagt brjálað stuð hjá mér næstu daga.....víííí

Victoria´s Secret

2010-08-11T09:10:00.004Z

......er að fara að opna í fríhöfninni eins og lesa má hér.

Held reyndar að það sé bara verið að tala um snyrtivöru hlutann af merkinu- en samt sem áður - algjör snilld. Þetta eru svo geðveikar vörur og það verður ekkert smá sweet að geta keypt þær (eða láta kaupa þær fyrir sig sem verður væntanlega oftar í mínu tilfelli) án þess að þurfa að borga toll og kreisíness fyrir :) Hlakka til.....

Ooohhh svo fallegt :)

Sorgarfréttir

2010-08-10T15:39:00.002Z

Robbie Williams er genginn út. Búinn að gifta sig og alles. Ég þarf sem sagt að finna mér einhvern annan frægan aðila á "listann" minn í staðinn fyrir hann. Gekk ekki vel að finna nýjan í staðinn fyrir Heath Ledger og ég held að það verði ekki auðveldara núna.....úff :(

Langar í nýja skó

2010-08-07T09:37:00.003Z

Þessir skór fást í Maníu á laugarveginum og mig laaaangar svo í þá. Geðveikir!! Þá myndi ég líka koma við í Skarthúsinu í leiðinni og kaupa mér eitthvað fallegt þar :) Væri svo gaman ef maður ætti bara nóg af peningum og gæti keypt allt það sem manni langar í. Þangað til ætla ég bara að láta mig dreyma.....

Monica Brant

2010-08-05T09:03:00.002Z

Monica Brant er að fara að koma til Íslands á Icelandic health and fitness expo og ætlar að halda fræga fitness námskeiðið sitt í leiðinni 'Fem Camp' dagana 16. og 17. nóvember. Ég er búin að skrá mig á þetta námskeið og get vægast sagt ekki beðið. Monica Brant er eitt stærsta kvenmannsnafnið í fitness-bransanum þarna úti og hún er ekkert lítið flott. Glæsileg á sviðinu og er bara eitthvað svo vel samræmd, alveg gullfalleg kona.

Á þessari síðu hérna er þessari spurningu svarað: "Hvað er Fem Camp?" og þetta er svarið sem er gefið:

Fun, educational and motivational. The Fem Camp is a 3 day ladies only camp covering all areas of women´s fitness. The world´s best fitness icon, Monica Brant, shows you first hand how to get into your best shape ever! Learn her best kept fitness and nutrition secrets.

Loksins

2010-08-04T16:29:00.003Z

LOKSINS hefur Heidi Montaq fengið "vitið" aftur!!! Hún er búin að sækja um skilnað frá hálfvitanum Spencer Pratt, þannig að orðrómarnir eru þá réttir eftir allt saman. Skil bara ekki hvernig hún gat verið með honum til að byrja með, ekkert lítið andlegt ofbeldi sem hann beitti hana og einangraði hana frá fjölskyldu og vinum. Vonandi að hún hafi samt einhvern til að hjálpa sér að komast aftur á réttan kjöl :)

Þú veist að þú ert fitness-keppandi þegar......

2010-07-28T09:00:00.001Z

1) Þú getur í hreinskilni sagt að þú hafir eytt meiri pening í baðföt en brúðarkjólinn

2) Þú færð póstinn sendan í ræktina þar sem þú ert líka með svefnpokapláss

3) Fataskápurinn er tvískiptur: On-season og Off-season. Það er ekki hægt að blanda saman fötum úr þessum tveimur deildum.

4) Það er aðeins þrennt sem kemst að á hverjum degi: Æfa, borða hreint og skoða fitness síður á netinu.

5) Þú getur nefnt fræga fitnesskeppendur með því einu að sjá rassinn þeirra.

6) Þegar einhver vill taka mynd af þér stendurðu bein í baki, breikkar latsana, dregur inn kviðinn, spennir alla vöðva líkamans og BROSIR.

7) Þú tekur fleiri töflur á dag en amma þín.

8) Að klæða sig upp er að taka hárið úr tagli sem það er búið að vera í alla vikuna.

9) Þú hefur látið einhvern nákominn fela mat fyrir þér á þínu eigin heimili.

10) Auðveldur dagur er lyftingaæfing og bara ein brennsluæfing

11) Tupperware er besti vinur þinn

12) Ekkert gleður þig jafn mikið og að vakna með svo miklar harðsperrur að þú kemst varla fram úr rúminu.

13) Þú getur ekki unnið því þú ert of upptekin við að telja sekúndurnar fram að næstu máltíð.

14) Þú færð fiðrildi í magann við að finna lyktina af brúnkukremi

15) Þú ert með helauma kjálka því þú jórtrar sykurlaust tyggjó allan liðlangan daginn.

16) Það tekur þig 10 mínútur að panta mat á veitingastað því þú þarft að sleppa allavega 3 atriðum úr réttinum, hafa dressinguna til hliðar, vita hvort fiskurinn sé steiktur í smjöri eða olíu og hvort það sé rjómi í sósunni.

Svo hræðilegt

2010-07-27T13:28:00.002Z

Þessi stelpa Katie Piper (26 ára) kynntist manni á facebook og þau byrjuðu að deita. Kom svo í ljós að hann var sjúklega afbrýðisamur og ofbeldisfullur og hún hætti með honum. Hann ofsótti hana þannig að hún læsti sig inni í íbúðinni sinni í nokkra daga. Þegar hún fór svo aftur út mætti hún manni á götunni með glas sem hann skvetti úr framan í hana. Það reyndist vera sýra og hún brenndist á andliti, hálsi og bringu eins og sést á myndunum. Það var fyrrverandi kærastinn hennar sem réð þennan mann til að skvetta sýrunni á hana. Hún er núna búin að fara í nokkrar lýtaaðgerðir og er farin að láta sjá sig aftur meðal almennings. Þetta er svo hræðilegt að engin orð fá því lýst!! Hérna getið þið lesið meira um hana Katie og árásina.

Robbie Williams + Take that

2010-07-26T10:07:00.002Z

Já, undur og stórmerki gerast greinilega ennþá!!!

Robbie Williams genginn til liðs við Take that aftur eftir 15 ára sólóferil.....

þessu bjóst ég nú seint við verð ég að viðurkenna.

Ég var svo forfallinn Take that aðdáandi þegar ég var unglingur,

að það er varla fyndið. Skemmtilegar fréttir, er bara pínulítið spennt

að heyra nýju plötuna og fá dash af flashback :)

Þeir mega nú eiga það að þeir eru allir alveg fjallmyndarlegir :)

Svo satt

2010-07-19T14:43:00.003Z

Það er svo mikið til í þessu.....

Margir virðast halda að facebook grúppur geti bjargað heiminum

Snilld

Bachelorette og skóli

2010-07-12T20:33:00.003Z

Ég er að fara að setjast aftur á skólabekk í haust!!! Ég fékk inngöngu í HÍ í nám í Lýðheilsufræðum. Ég sótti um ca 2 mánuðum eftir að umsóknafresturinn rann út (vegna þess að ég sótti fyrst um í HR en þeir ákváðu að fella niður þessa deild vegna niðurskurðar) þannig að ég verð að byrja á að taka diplómagráðu sem er 30 einingar. Ég ætla að taka þær bara allar á einni önn og ef ég næ fyrstu einkunn í því námi þá get ég byrjað í meistaranáminu strax eftir áramót :) BIG like á það. Þannig að það lítur allt út fyrir að ég sé bara að fara að hætta að vinna á NordicaSpa og vera meistaranemi í staðinn!! Loooov it :)

Eins gaman og það hefur verið að vinna á Nordica þá er ég soldið fegin að vera að fara þaðan. Mikið af breytingum búnar að standa yfir eftir að fyrirtækið varð gjaldþrota og hótelið tekið við rekstrinum......margir af gömlu starfsmönnunum hættir og mórallinn er bara ekki sá sami. Ég sem hlakkaði alltaf svo til að mæta í vinnuna á morgnanna því maður hló stundum heilu vaktirnar með öllu skemmtilega fólkinu sem var þarna. Núna stendur maður vaktina alltaf einn og hangir í tölvunni að deyja úr leiðndum!! Ekki sami vinnustaðurinn if you ask me :/

Annars er ég að horfa á Bachelorette þessa dagana. Ég er nú alveg pínulítið sammála henni Ali í vali hennar á karlmönnum, sérstaklega með Frank og Roberto, þær eru báðir algört æði!! En stundum skil ég bara ekki hvað hún er að spá......að halda Kasey og senda Jesse heim.....hvað var málið með það??? Ég trúi ekki öðru en að það hafi verið eitthvað plot ákveðið af framleiðendum þáttana, þar sem ég trúi ekki fyrir mitt litla líf að hún hafi nokkurn tíma haft áhuga á þessum Kasey gæja - jeddúdda sko!!! En það er extra gaman fyrir mig að horfa á þessa seríu vegna þess að þau komu öll til Íslands og voru á Hilton hótelinu og strákarnir voru daglegir gestir í gymmið á meðan. Ótrúlega indælir strákar, Ty, Roberto og Kirk voru hérna á hverjum degi og voru ekkert nema kurteisir og að sjálsögðu þvílíkt heitir!!! ;) Chris, sem stjórnar þáttunum var líka mjög duglegur að mæta í gymmið og gerði "kellingaæfingar" í sirka klukkutíma......ég ætlaði nú ekki að þekkja hann fyrst, sá að ég kannaðist eitthvað við hann, en var ekki að kveikja. Mikið myndarlegri og grennri í persónu heldur en nokkurn tíma í þáttunum. Bíð núna spennt eftir næsta þætti......vúhú :) Ég held sko með Roberto!!!

Tattoo

2010-06-08T20:20:00.003Z

Ég ELSKA stjörnu-tattoo. Er búin að vera á leiðinni að fá mér svoleiðis í sirka 2 ár, en læt einhvernveginn aldrei verða að því. Langar geeeðveikt mikið í, en tími því samt ekki og get bara einfaldlega ekki valið á milli, þau eru svo mörg flott. En það langflottasta sem ég hef séð og væri pottþétt löngu búin að fá mér (á nákvæmlega þennan stað á líkamanum) ef ég ætti 50 þúsund krónur to spare er þetta hérna:

Lov it :)

Spenningur

2010-04-12T21:44:00.003Z

Þá er skýrslan hin mikla loksins komin út. Ég er búin að dánlóda henni inná tölvuna mína og lesa ágripið. Stefnir allt í svaðalega lesningu. Ég ætla mér að lesa þessa skýrslu alla, þó það muni taka mig allt sumarið...... Margt af þessu vissi maður reyndar fyrir. Þegar við bifrastarskvísurnar vorum að gera rannsóknarverkefni um jöklabréf þá tókum við viðtal við einn af hagfræðingum Seðlabankans sem sagði mjög pent við okkur að ef bankarnir héldu þessu áfram þá myndi það enda með stórum skell á þjóðfélagið. Það var um vorið 2007. En enginn virtist gera neitt í málunum, þrátt fyrir að öll bankastjórn Seðlabankans vissi alveg uppá hár hvað myndi gerast. Stór-merkilegt alveg. Get ekki beðið eftir að lesa meira :D

Tvær síðustu helgar voru fitness keppnir hérna á landinu, fyrst Íslandsmótið í fitness og vaxtarækt og svo síðustu helgi var Grand Pix mótið. Maður verður alveg sjúkur eftir svona áhorf. Ég er hér með búin að ákveða að ég ætla að keppa aftur í módel-fitness í nóvember næstkomandi. Núna verður þetta gert almennilega. ALL IN!!! Ætla að láta sérsauma á mig sundbol og bikini (sem ég er sko búin að hanna), hafa pósurnar alveg á 100% hreinu og fá aðstoð frá EINNI manneskju við mælingar, mataræði og æfingar alveg frá day 1. Ekki eins og ég gerði síðast þegar ég var að fá ábendingar og leiðbeiningar héðan og þaðan sem stönguðust jafnvel á við hvort annað og maður var bara í ruglinu :/ Er rosalega spennt að byrja og finnst eiginlega bara allt of langt í ágúst þegar maður getur byrjað að kötta ;)

Næstu helgi verður stelpuhelgi hjá mér og Eddu. Erum að fara tvær saman til Akureyrar að keppa á Sunnumótinu í Kraftlyftingum. Erum búnar að redda okkur gistingu nánast í miðbænum, beint á móti líkamsræktarstöð og læti. Ætlum að standa okkur eins og hetjur í bekknum og deddinu og mála svo bæinn rauðann um kvöldið, újé :D

Long time no see

2010-02-12T15:52:00.003Z

Er búin að vera ansi löt að skrifa undanfarið, var bara aðeins að vonast eftir einhverjum viðbrögðum við síðustu færslu minni um sætu strákana í "The vampire diaries". Er því miður búin að horfa á alla þættina sem komnir eru af því (13 þættir) og ætla næst að prófa "Accidentally on purpose" sem eru einhverjir grínþættir með Jennu Elfman í aðalhlutverki. Mér hefur alltaf fundist hún fín, fyrir utan þegar hún leikur leiðinlegu gelluna í Ed TV.

Annars var ég að byrja á nýju æfingaprógrammi í vikunni, geggjað skemmtilegt. Stútfullt af allskonar core æfingum. Fullt af æfingum í TRX, með og á bolta, á einum fæti og fleiri skemmtilegheit. Einnig þessi hér sem er massa erfið og kallast turkish get up. Mæli með henni.

Halló Halló

2010-01-31T18:52:00.004Z

Það er sko ekki leiðinlegt að horfa á þessa tvo í "The vampire diaries", ég bara get hreinlega ekki valið á milli, þeir eru báðir alveg gördjöss...........

Silfur

2010-01-29T22:28:00.005Z

Ég sit núna við eldhúsborðið heima hjá mömmu og pabba á Akranesi. Ég ætla að vera hér á Skaganum um helgina og eyða henni í faðmi fjölskyldunnar. Ég kem alls ekki nógu oft hingað þannig að ég ákvað að nýta tímann fyrst ég er að fara að keppa á Íslandsmótinu í bekkpressu sem haldið verður hérna á morgun. Ég mun keppa í -60 kg flokki, ásamt einni annarri stelpu. Ég veit að hún hefur náð 50 kg í bekk, en metið mitt er bara 45 kg (og það eru margir mánuðir liðnir síðan ég náði því). Þannig að ég er ekki að búast við gullpeningi á morgun, ætli maður verði ekki að láta silfrið duga í þetta skiptið. Það væri reyndar soldið kúl, því þá er ég komin með einn af hverju, gull, silfur og brons.

Annars er þessi dagur búinn að vera soldið sérstakur. Ég tók mér frí í vinnunni þar sem ég þurfti að sinna mörgum erindum ásamt því að fara í jarðaför í Hveragerði. Orri, bróðir vinkonu minnar, lést núna 22.janúar eftir að heimatilbúin rörasprengja sprakk í andlitið á honum. Hann var ekki nema 23 ára gamall sem gerir svona sorglegan atburð ennþá óskiljanlegra en annars, hann átti allt lífið framundan. Það var ekkert smá erfitt að horfa á foreldra hans og systur hans í kirkjunni í dag, maður getur ekki einu sinni reynt að setja sig í spor þeirra til að skilja þessa sorg sem þau eru að upplifa. Maður veit ekki hvað maður getur sagt við fólk sem er að ganga í gegnum svona, enda er ekkert sem maður getur sagt sem gerir sársaukann eða sorgina eitthvað skárri. Ég held að málið sé bara að vera til staðar, þó maður segi ekki neitt.

Bissí Missí

2010-01-26T20:40:00.004Z

Mér líður alltaf langbest þegar ég hef nóg að gera. Þá er ég bara einhvernveginn alltaf í góðu skapi. Kannski það hafi eitthvað með það að gera að ég sé í tvíburamerkinu og þar af leiðandi mikil félagsvera (þó svo að mér finnist voða gott að vera lóner á kvöldin yfir tv). Ef ég er aðgerðalaus of lengi þá verð ég alveg skuggalega löt, fæ gjarnan hausverk og bara einhvernveginn fer að líða frekar illa. En dagurinn í dag var alveg æðislegur. Ég var farin út klukkar korter í 6 í morgun og kom ekki heim fyrr en klukkan korter í 8 um kvöldið. Það gerir alveg heila 14 klst útiveru. Ég var að vinna bæði á Nordica og í Sporthúsinu, tók æfingu bæði á Nordica og í Sporthúsinu og kíkti aðeins í Smáralindina með litlu minni að versla afmælisgjöf fyrir bekkjarbróður hennar. Núna sit ég í mestu makindum fyrir framan tölvuna og háma í mig fiskibollur og kartöflur, namminamm......svo verður bara næserí í kvöld að glápa á Entourage áður en ég leggst út af og safna orku fyrir næsta bissí dag.

EM í bekkpressu

2010-01-25T20:14:00.003Z

Það er allt að verða brjálað út af þessum blessaða handbolta. Klukkan þrjú í dag voru öll fjögur sjónvörpin í vinnunni sett á RÚV og slökkt á tónlistinni í útvarpinu til þess að geta hlustað á leikinn. Svo settust bæði viðskiptavinir og starfsmenn fyrir framan imbann og öskruðu Neeeeiiii eða Jáááá til skiptis eftir því sem við átti. Ég veit hreinlega ekki hvort það sé eitthvað að mér eða hvað - en ég er bara alls ekki neitt spennt fyrir þessu. Mér er bara alveg nokk sama hver vinnur, hver skorar og hvaða lið eru að spila. Ef það væri ekki fyrir facebook og alla þessa handbolta-statusa þá hefði ég sennilega ekki einu sinni vitað að EM væri byrjað (fyrr en í dag)..........

Ég fór heim aðeins fyrr úr vinnunni í dag vegna veikinda og náði þar af leiðandi ekki að taka æfingu. Ég er búin að vera með hálsbólgu-kvef pest í heila viku núna og það er bara orðið ansi þreytandi. Er búin að prófa flest öll ráð sem fólk hefur ráðlagt mér, en ekkert virðist virka. Eins gott að ég verði búin að jafna mig fyrir næstu helgi - þá er ég nefnilega að fara að keppa á Íslandsmótinu í bekkpressu sem haldið verður á Akranesi. Svoleiðis mót mætti RÚV miklu frekar sýna frá og þá myndi ég sko með glöðu geði fylgjast með og jafnvel garga smávegis á sjónvarpið.

Tilraun númer trilljón

2010-01-24T21:09:00.005Z

Þá er ég enn og aftur mætt á svæðið í nýju og betrum bættu útliti - að þessu sinni ætla ég ekki að bera á borð nein loforð um að ég ætli að blogga hér á hverjum degi, tíminn mun leiða í ljós hversu dugleg ég verð að skrifa hér inn.

En það sem nýjast er í fréttum er að ég ætla ekki að taka aftur þátt í fitness (að sinni), heldur ætla ég að taka þátt í Líkami fyrir lífið áskoruninni og halda áfram í kraftlyftingunum meðfram því. Aðalástæðan fyrir þessu vali mínu er sú að lendi maður í verðlanasæti í fitnessinu þá fær maður eitt skitið páskaegg í verðlaun, en ef maður lendir í verðlaunasæti í LFL þá fær maður verðlaun að verðmæti 200 til 400 þúsund krónur. Og þeir sem lenda í verðlaunasætum í fitnessinu mega skv reglum LFL ekki taka við verðlaunum hjá þeim, þar af leiðandi varð ég að velja á milli. Valið var ekki flókið......hvort vil ég páskaegg eða 400.000 kr?????

Þannig að ef þið sjáið mig borða eitthvað annað en próteinsjeika, eggjahvítur og kjúklingabringur þá er ykkur óhætt að anda rólega, ég er ekki að svindla!!!

Þetta gengur klárlega ekki upp....

2009-09-26T20:19:00.002Z

Ég sem ætlaði að vera svo dugleg og halda hérna nokkurs konar dagbók um fitness undirbúninginn. Svona líka...... En eins og staðan er núna þá hefur þetta gengið ágætlega hjá mér. Fitu% fer niðrá við, sentimetrarnir fjúka og það er barasta farið að glitta í smá vöðva sem hingað til hafa verið vel faldir undir óvenulega þykkri húð og spéki.

Núna eru 9 vikur í mót og ég er farin að taka mataræðið rækilega í gegn. Prótein er þessa dagana minn aðal orkugjafi, borða nánast eingöngu eggjahvítur, próteinsjeika og kjúklingabringur. En fæ mér sætar kartöflur og ferskt grænmeti svona í bland með til að fá kolvetni líka. Svo er ég að taka fullt af fæðubótaefnum að sjálfsögðu sem öll þjóna sínum tilgangi. Svaka stuð. En mikið rosalega er þetta erfitt!!! Ég er svo mikill nammi, gos og matargrís að ég er bara nánast hugsandi um það 24/7 hvað mig langar í kók, nammi, pizzu eða bara hvað sem er, eitthvað óhollt plís - NÚNA!!! Ef ég næ að halda þetta út og verða keppnishæf í nóv þá ætla ég sko að verðlauna sjálfa mig með útlandaferð og bjóða litlu prinsessunni minni með!!

Það er samt eiginlega ekkert í boði annað en að keppa þar sem ég er komin með nánast allt sem þarf fyrir svona keppni. Er komin með litað bikini, sundbol, skó og er búin að panta svart bikini erlendis frá sem er í póstinum as we speak (eða í saumavélinni kannski). Ég er búin að eyða morðfjár í fæðubótaefni, búin að eyða sjúklega miklum tíma í ræktinni og fæ klárlega ekki nein mömmu-verðlaun í ár þar sem greyjið dóttir mín hefur eiginlega bara þurft að sjá um sig sjálf meðan á öllu þessu stendur. En svo á ég bara eftir að redda mér brúnku, glimmer spreyji og ljósmyndara ooog þá er þetta bara komið. Já eða fyrir utan body-ið auðvitað :)

Update

2009-06-16T15:43:00.002Z

Klárlega kominn tími á smá update hérna. Var reyndar að hugsa af hverju ég er eiginlega að blogga hérna þar sem voðalega fáir hafa áhuga á því sem ég er að skrifa um, en ég ákvað að halda því samt áfram því mér finnst alltaf gott að geta kíkt til baka og séð hvað ég hef skrifað. Þannig að þetta er eiginlega bara eins og dagbókin mín. En allavega, niðurstaðan úr mælingu nr 2 kom mjög hressilega á óvart. Var búin að þyngjast um 400 gr en missa 1,5% fitu. Bætti á mig sentimetrum á öxlum, brjóstum og handleggjum en missti á maganum og lærunum. Bara nákvæmlega eins og ég vildi hafa það. Þetta er allt að skríða í rétta átt. Er ekki alltaf sagt að góðir hlutir gerist hægt?

Svo erum við Edda komnar í alveg svaðalegar þyngdir í ræktinni þannig að við fórum í gær að versla okkur vafninga svo við getum nú farið að dedda af alvöru....bíðum bara spenntar eftir næstu æfingu til að geta prófað og sjá hversu mikið við getum bætt okkur. Byrjuðum líka í dag að taka kreatín.....allt gert til að reyna að bæta við vöðvamassann :)

Þjálfunin fer svo bara nokkuð vel af stað hjá mér, komin með nokkra kúnna uppá Skaga en aðeins færri hérna í bænum. Ágætt að hafa þetta soldið rólegt þegar maður er að koma sér af stað og svona. En þetta er alveg klárlega skemmtilegasta vinna sem ég hef verið í.....ég hlakka bara alltaf til að fara í vinnuna. Er einmitt að fara til Selfossar á eftir að hitta eina sem ætlar að vera hjá mér í fjarþjálfun. Bara gaman.....

ÍAK einkaþjálfari

2009-06-09T13:59:00.002Z

Jæja þá er mín bara útskrifuð sem ÍAK einkaþjálfari. Athöfnin fór fram á laugardaginn í Andrews Theater uppá Velli og var rosa flott. Vorum 53 sem útskrifuðust úr einkaþjálfaranáminu og svo rúmlega 100 manns sem útskrifuðust úr Háskólabrú Keilis, sem er svipað dæmi og Frumgreinadeildin sem ég tók uppá Bifröst. Ég náði 8,6 í meðaleinkunn og er þokkalega sátt með það, en sá sem átti hæstu einkuninna hjá okkur var með hvorki meira né minna en 9,7!!!! Þokkalega góður árangur þar á ferð..... Eftir útskriftina buðu mamma og pabbi mér útað borða á Askinn þar sem við fengum okkur 3ja rétta máltíð, það var alveg æði. Svo um kvöldið kíkti ég í útskriftarveislu hjá Siggu vinkonu sem var að útskrifast sem viðskiptafræðingur frá Bifröst, og viti menn....ég fékk mér EKKERT í glas. En ég skemmti mér samt rosalega vel og var ekki komin heim fyrr en um 3 leytið, þrátt fyrir edrú-mennskuna.

Ég er búin að vera að auglýsa fjarþjálfun bæði uppá Skaga og uppá Bifröst og hef fengið rosalega góðar viðtökur, og þá sérstaklega uppá Skaga. Er strax komin með nokkra kúnna og byrja að þjálfa þar á fimmtudaginn. Ég ætla sem sagt að vera alltaf uppá Skaga á fimmtudögum að þjálfa og vera svo í Sporthúsinu hina dagana. Svo ef ég fæ einhverja kúnna uppá Bifröst þá verð ég að finna einhvern dag í vikunni fyrir það í dagatalinu mínu :) En ef þið hafið áhuga á að koma til mín í einkaþjálfun eða fjarþjálfun (geta verið líka 2-4 saman og þá er það ódýrara á manninn) þá endilega hafið samband við mig hér á blogginu, á facebook eða í email: rosasoffia hjá hotmail.com. Líka bara ef þið viljið fá frekar upplýsingar um verð og hvað felst í þessu :)

Annars gengur bara rosa vel hjá okkur Eddu í ræktinni og svona, næsta mæling er núna á fimmtudaginn. Verður spennandi að sjá hvort eitthvað hafi breyst....

Þynnka

2009-06-01T17:20:00.003Z

Orðið sooooldið langt síðan ég bloggaði síðast. En ég er bara búin að vera að njóta góða veðursins, mæta í ræktina og klára að horfa á 7. seríu af The biggest loser. Vá hvað ég elska þessa þætti....og vá hvað ég eeeeelska Bob Harper, sjitt. Er samt að velta því fyrir mér hvort hann sé nokkuð fyrir stelpur....en fann ekkert um það á netinu ;)

Það er varla frásögu færandi, en ég fór út að djamma á laugardagskvöldið. Ásta Magga og Rannveig komu hingað til mín og við fórum saman út að borða á Fridays og svo heim til mín þar sem við fengum okkur í glas, tókum okkur til og skelltum okkur svo í bæinn uppúr 1 leytið. Það var svaka stuð í bænum og ég varð alveg haugadrukkin. Ég varð alveg það ölvuð að ég man voðalega lítið eftir þessari bæjarferð. Ég hef ekki hugmynd um hvað kl var þegar við komum heim einu sinni. Og men hvað dagurinn í gær var svo erfiður. Gat ekki borðað neitt fyrr en uppúr 5 leytið og hélt svo engu niðri. Enda léttist ég um 2 kg á þessum eina degi, og margir myndu sennilega vera ánægðir með það.....en ég er að reyna að byggja mig upp og má því engan veginn við því að léttast svona mikið. En þetta er náttúrulega bara vökvatap, maður er fljótur að ná því upp aftur. Búin að drekka fullt af vatni og fékk mér glútamín áður en ég fór að sofa í gærkveldi og svona. Svo fékk ég mér góðan morgunmat (meira en venjulega) áður en ég fór að lyfta í morgun til að reyna að koma í veg fyrir að ég myndi klára mig í fyrstu æfingunum. Og viti menn, ég komst í gegnum allar æfingarnar og bætti mig í langflestum. Hjúkk. En vá hvað ég ætla að muna eftir þessu næst þegar ég er að spá í að fara á djammið. Ekki alveg þess virði. Spurning hvort maður eigi ekki bara að hætta að drekka, fyrir utan kannski eitt og eitt rauðvínsglas.....

Annars er ég að fara að útskrifast sem ÍAK einkaþjálfari næstkomandi laugardag. Það verður haldin grillveisla heima hjá einum skólafélaganum í tilefni dagsins, held það verði bara gaman :)

Bleeehh

2009-05-13T14:34:00.005Z

Þá er fyrsta mæling og myndataka afstaðin í undirbúningnum fyrir keppni. Við vorum báðar afar sáttar með hvernig myndirnar komu út, erum á góðri leið með að verða alveg heeel-massaðar!!! Því miður voru niðurstöðurnar úr mælingunum ekki alveg jafn kætandi....en það var sennilega ekki við öðru að búast. Mataræðið ekki búið að vera alveg 100% og svo er líka alveg eðlilegt að standa í stað á vigtinni og sentimetrum fyrst þegar maður byrjar að lyfta svona þungt. Ég hafði ekki hugsað mér að setja niðurstöðurnar úr mælingunum né myndirnar hér á síðuna eins og er, en það er aldrei að vita nema ég skelli þeim inn í lok undirbúningsins til að sýna breytingarnar.

Við byrjuðum í síðustu viku á nýju prógrammi sem er ætlað til þess að byggja upp vöðvamassa. Þá erum við að taka 4 sett af hverri æfingu og fá reps með miklar þyngdir. Til að útskýra betur þá ætla ég að nota Fótapressu sem dæmi:
Sett 1 = 80 kg, 10 sinnum
Sett 2 = 90 kg, 8 sinnum
Sett 3= 100 kg, 6 sinnum
Sett 4 = 110 kg, 4 sinnum
Maður á alveg að klára sig í hverju einasta setti. Ef maður er með 90 kílóin og búin með 8 reps og finnur að maður á meira inni þá heldur maður áfram þangað til maður er búinn. Eins ef maður er kominn uppí 110 kílóin og getur bara gert 2 reps, þá nær það bara ekkert lengra. Eins lengi og maður finnur að maður hafi klárað sig algerlega.

Mér finnst rosalega gaman að lyfta á þennan hátt. Maður er fljótur að sjá árangur og í hverri viku er maður að bæta sig í einhverjum æfingum. Lovvvv it.....

Skólinn búinn

2009-05-10T20:27:00.004Z

Fór í síðasta lokaprófið mitt í skólanum í gær. Ekkert smá gott að vera búin með þetta. Var komin með svo mikinn námsleiða að metnaðarleysið var alveg að gera út af við mann. Fékk svo að vita strax úr prófinu (sem var annars vegar munnlegt og hins vegar verklegt) og stóð ég mig bara með ágætum alveg hreint. Útskriftin verður svo 6. júní og þá verð ég formlega ÍAK einkaþjálfari. Spennandi. Er að velta fyrir mér hvort ég eigi að fara svo í ÍAK íþróttaþjálfarann í haust, sem er nokkurs konar framhald á einkaþjálfaranum. Er að melta þetta allt saman. Ætla allavega að reyna að fá vinnu sem einkaþjálfari í sumar og meta svo út frá því hvað ég ætla að gera í framhaldinu.

Annars erum ég og Edda að fara að hittast á morgun og taka upphafsmælingar og myndatöku. Verður gaman að sjá hvað kemur út úr því. Þannig séð.... Getum þá allavega sett okkur svo einhver almennileg markmið og svoleiðis út frá því.

Ahoj

2009-05-08T16:34:00.002Z

Ég ætla að byrja aftur að blogga hérna á síðunni minni. Í tilefni þess þá hressti ég aðeins uppá hana. En ástæðan fyrir því að ég hef ákveðið að byrja aftur að tjá mig hérna á internetinu er einfaldlega sú að ég hef svo mikið að segja. Og þá er ég ekki að tala um hluti eins og hvað ég ætla að hafa í matinn í kvöld eða hvernig sokkarnir mínir eru á litinn. Heldur allskonar hugleiðingar í sambandi við æfingar, mataræði og þess háttar. Málið er að ég og Edda vinkona mín höfum tekið þá ákvörðun að taka þátt í fitness í nóvember næstkomandi. Við erum nú þegar byrjaðar að undirbúa okkur með því að byggja upp vöðvamassa, þar sem við viljum hafa nóg af honum áður en við byrjum í niðurskurði, sem verður nánar tiltekið þann 1. ágúst. Ég ætla sem sé að nota þessa síðu til að koma á framfæri vangaveltum mínum í sambandi við undirbúninginn og svoleiðis. Hver veit nema eitthvað ómerkilegt fái svo að fljóta hérna með, ef mér leiðist virkilega.

Pása

2008-09-10T12:46:00.002Z

Ég er að spá í að hætta að blogga.....eða að minnsta kosti að taka mér pásu í því í einhvern tíma. Nenni ekki lengur að koma hingað inn til að skrifa og fólkið sem las bloggið mitt virðist vera hætt því. Tilgangslaust að vera að blogga fyrir fólk sem ég hitti á hverjum degi. Ætla nú samt að halda síðunni opinni og svona þangað til ég er alveg búin að ákveða mig. Þykir orðið soldið vænt um þessa síðu og tími eiginlega ekki að eyða henni alveg. Kemur í ljós hvað ég geri.

Ferðasaga....eða samt eiginlega ekki

2008-09-02T18:24:00.002Z

Dæs. Ætlaði aldrei að koma mér í það að setja nýja færslu hérna inn. En allavega....hérna kemur hún.

Eins og flestir hafa tekið eftir þá er ég komin heim úr ferðalaginu góða. Mexico var alveg meiriháttar í alla staði. Það var ýmislegt bardúsað á þessum tveimur vikum sem ég dvaldi þar í landi og má þar meðal annars nefna: baðaði mig í sólinni og sundlaugunum, fór á ströndina og vaðaði í sjónum, drakk nokkra kokteila og þá aðallega Gin Fizz sem er nýji bestasti kokteillinn minn, keyrði á fjórhjóli í gegnum frumskóg, fór á sjókött og gaf vel í, snorklaði með fiskunum, spilaði tennis, tók nokkra tíma í salsa kennslu og margt margt fleira. Nenni ekki að fara út í nánari lýsingu á ferðinni hérna. Er búin að setja nokkrar myndir bæði frá Mexico og New York inná Facebook síðuna mína og ætla að láta það duga í bili. Tók samtals einhverjar 500 myndir þannig að ég bara hreinlega nenni ekki að eyða tíma í að sortera úr þeim til að setja inná myndasíðuna mína eins og er. En ég geri það einhverntíma. Lofa.

Á laugardaginn er svo útskriftin mín uppá Bifröst. Að henni lokinni verður svo haldin veisla hérna heima hjá mér fyrir fjölskylduna og um kvöldið verður partý. Ætla svoleiðis að fagna því að vera búin með þennan áfanga. En já, ég sem sagt fékk alveg ágætis einkunn fyrir ritgerðina mína og er því óformlega orðin viðskiptafræðingur í dag. Verð það svo formlega á laugardaginn. Er að spá í að titla mig þannig í símaskránni......

Á mánudaginn byrja ég svo í einkaþjálfaranáminu. Er orðin alveg rosalega spennt fyrir því. Fyrirlestrarnir eru í Reykjanesbæ á mánudögum og miðvikudögum frá 16-20 og svo eina helgi í mánuði eru verklegar vinnuhelgar. Það er skyldumæting á vinnuhelgarnar en fyrirlestrarnir eru optional. En ég ætla samt að reyna að mæta á þá amk þangað til ég er farin að vinna. Er alveg komin með ógeð á að sækja um vinnur. Búin að sækja um sirka 20-30 vinnur og ekki fengið nein svör nema neikvæð. Alveg ömurlegt. Ekki að gera sig fyrir egóið sko. En sem betur fer þá fæ ég námslán fyrir einkaþjálfaranámið, þannig að ég get bjargað mér á þeim þangað til ég fæ vinnu. Vonast samt til að fá vinnu sem fyrst svo ég geti hætt á þessum Bvítans námslánum. Held ég sé komin með það háa upphæð að ég á aldrei eftir að geta borgað hana upp áður en ég dey......

Bráðum verð ég viðskiptafræðingur

2008-08-13T20:00:00.003Z

Jæja þá er ég búin að skila 5 útprentuðum, gormuðum og plöstuðum eintökum af ritgerðinni minni uppá Bifröst plús eitt rafrænt eintak......og eftir innan við mánuð þá mun ég útskrifast sem viðskiptafræðingur (ef við gefum okkur að ritgerðin mín sé nógu góð til að ná 5). Ég trúi þessu barasta ekki. Núna er óhætt að segja að ég sé að verða fullorðin. Þarf að fara að ákveða hvað ég ætla að gera við líf mitt og svona....Úff....mig langar ekki til að taka svona stórar ákvarðanir strax, mér finnst ég bara ekki vera alveg tilbúin í það. En maður getur víst ekki forðast það endalaust.....því miður eiginlega.

Á morgun er svo ferðinni heitið til New York og svo til Mexico þar sem ég ætla að dvelja í 2 vikur. Býst ekki við að ég muni nenna að tölvast eitthvað þar þannig að ég kveð bara að sinni. Eigið góðar stundir......

Hér koma nokkrar sumarmyndir í kveðjuskyni:

Elín Mist að leika í tjaldi útí garði hjá mömmu og pabba

Sævar Emil algjör töffari

Ég, Elín Mist og Ingigerður frænka í sumarbústað á heitasta degi sumarsins

Elín Mist í útilegu um versló

Kannski ég sé að reyna að laða að mér sæta stráka með þessum stút

Jæja ég er farin að pakka....

Búin

2008-08-11T12:25:00.002Z

Þá er ég búin að skila af mér ritgerðinni í prentun. Loksins. Það er ekkert smá mikill léttir að vera búin að þessu.....búin að hafa þetta hangandi yfir mér í allt sumar þannig að það er rosa gott að vera búin að losa sig við þetta. Allavega í bili. Þarf náttúrulega að sækja hana til prentarans á morgun, borga honum fuuuullt af peningum fyrir og skila henni svo uppá Bifröst. Tókst að senda ritgerðina tvisvar í yfirlestur þrátt fyrir að hafa verið alveg á síðasta snúning með það. Vona bara að hún sé nógu góð til að maður fái nú að útskrifast í september. Myndi sko alls ekki meika að skrifa annað svona stykki......

En nú eru bara skemmtilegir tímar framundan. Einungis 3 dagar í New York og 4 dagar í Mexico með flottum hópi fólks. 2 vikur af sól og blíðu......vá hvað ég get ekki beðið. Er aðeins byrjuð að pakka niður....er að reyna að hemja mig í að gera það ekki allt alveg strax....en ég er bara svo spennt að ég get ekki beðið. Hef aldrei áður farið út fyrir Evrópu þannig að það verður rosa gaman að heimsækja tvo staði í Norður-Ameríku í sömu ferðinni. Stoppum reyndar ekki einu sinni sólahring í New York....en samt. Lendum á JFK flugvellinum og ætlum að taka leigubíl (helst gulan) til Manhattan og þar ætlum við að skoða Brooklyn brúnna, Ground zero, Empire state building, Chinatown og/eða eitthvað fleira. Fer eftir því hversu mikið við nennum að skoða. Svo ætlum við bara að djamma þangað til við eigum að fljúga til Mexico næsta morgun um 8 leytið. Eigum pantað eitthvað hótelherbergi þarna í NY alveg við flugvöllinn....en mig grunar sterklega að það verði ekkert notað. Nema þá til að geyma töskurnar. Flugið frá NY til Mexico er alveg 5 tímar þannig að við getum bara sofið þá......

Vííííí

5 dagar til stefnu

2008-08-07T15:03:00.003Z

Eins og dyggir lesendur þessarar bloggsíðu minnar hafa væntanlega tekið eftir þá hefur lítið verið um blogg hér uppá síðkastið. Það eru nú nokkrar ástæður fyrir því. Í fyrsta lagi þá er ég að fara að skila BS ritgerðinni minni eftir hvorki meira né minna en 5 stutta daga. Þar af leiðandi er ég búin að vera mjög dugleg að gera allt annað en skrifa. Í síðustu viku fór ég til dæmis í sumarbústað í tvo daga með mömmu, mágkonu minni og börnum. Einnig fór ég í útilegu um verslunarmannahelgina á Þóristaði með góðum hópi fólks. Svo má ekki gleyma sjónvarpsglápinu. Á síðustu dögum er ég búin að afreka það að horfa á eina og hálfa seríu af Lost. Ég hef mikið velt því fyrir mér af hverju ég er svona kærulaus með þetta, en samt er ég með þessa blessuðu ritgerð á heilanum allan liðlangan daginn. Ég á bara svo erfitt með að sitja kyrr og aksjúllí skrifa hana.

Eeeen sem betur fer áttaði ég mig á því um helgina hversu lítill tími væri eftir. Er búin að vera dugleg að skrifa síðan þá og get ég loksins sagt það að ég er bara eiginlega alveg næstum því að verða búin. Á eftir að laga einn kafla og svo bara eitthvað dútlerí eins og að laga línubil, spássíur, haus og fót og þannig drasl. Er búin að panta mér hjálp við það á laugardagskvöldið.

En ég er sem sagt ekki ennþá búin að senda ritgerðina mína í yfirlestur, en það gleður mig mjög mikið að geta sagt það að ég er að fara að gera það á EFTIR. Ætla aðeins að fikta í þessum eina kafla sem ég á eftir að laga, prenta út allt heila klabbið, lesa það yfir sjálf og laga villur sem ég sé....og svo er það bara SEND. Síðan verð ég bara að leggjast á bæn um að ég fái ritgerðina til baka í heilu lagi annað kvöld. Bjartsýnin alveg að drepa mann hérna. En verð ég svo heppin þá get ég eytt helginni í að laga athugasemdirnar og dútleríið.

Gripurinn mun svo sendast í prentun uppí Borganes á seinnipart mánudagsins og mun ég ná í hana þegar ég bruna uppá Bifröst á þriðjudagsmorguninn til þess að skila honum inn. Ég trúi bara ekki að það sé að koma að þessu. Þið vitið hvað það þýðir er það ekki.......

Það er bara VIKA þangað til ég fer til New York og Mexico !!!!!!!

Bifrestingar á djamminu

2008-07-28T14:57:00.002Z

Innflutningspartýjið á laugardaginn heppnaðist ótrúlega vel. Ég bjó til heitan brauðrétt og áfenga bollu sem bæði sló rækilega í gegn hjá öllum þeim sem lögðu í slíkt. Ekki oft sem ég slæ í gegn í eldshúsinu og þar af leiðandi er ég ótrúlega montin. Við fórum niður í bæ að partýjinu loknu og lá leiðin okkar á English Pub, þar sem orðrómur var á kreiki þess efnis að þar væru allir sætu strákarnir. Hmmm....urðum nú ekki alveg varar við það. En við skemmtum okkur samt sem áður rosa vel. Færðum okkur yfir á Hressó seinna um nóttina til þess að fara að dansa. Þar vorum ég, Zanný og Sigga spurðar um skilríki við innganginn. Það er fátt betra til þess að peppa upp sjálfstraustið hjá svona gömlum kjéllum sem okkur. Áður en við vissum af vorum við bara Bifrestingar eftir á djamminu. Hvernig stendur á því að þegar maður fer að djamma með hópi af blönduðu fólki (sem sagt Bifrestingum og ekki-Bifrestingum) að Bifrestingarnir endast alltaf lengst. Erum við komin með svona mikla þjálfun í djammi og djúsi að við höfum meira úthald en allir hinir? Ég hreinlega veit ekki hvort það er jákvætt eða neikvætt... En við allavega enduðum á Nonnabita og var ég svo komin heim einhverntíma seint og síðar meir. Það skemmtilegasta af öllu var að ég var algerlega laus við þynnku daginn eftir. Ég og Magga skelltum okkur í sund um hádegisleytið, fengum okkur svo sveittann hamborgara og gamlan ís úr ísbúðinni í Vesturbænum á Grensásveginum í eftirrétt. Nammi namm.

Í morgun fór ég svo loksins í viðtalið við starfsmannastjóra Ölgerðarinnar, þannig að ég ætti að geta haldið áfram með þessa ritgerð mína. Það var markmið mitt að vera komin uppí 10.000 orð um helgina, en því miður náði ég bara uppí 8.000. Ekki alveg nógu sátt með það. Er á fullu að reyna að bæta upp fyrir þetta núna. Verð að vera komin með 10.000 orð á morgun svo ég geti sent í fyrsta yfirlesturinn......þó fyrr hefði verið.

Núna eru bara 14 dagar í skil á ritgerðinni og svo 16 dagar í útskriftarferðina......

Góðir hlutir gerast hægt

2008-07-24T12:42:00.003Z

Jæja loksins kom að því. Ritgerðin mín er farin að taka á sig smá mynd. Ég hélt að þessi dagur kæmi aldrei. En þegar ég fór að telja niður að ritgerðarskilum í dögum þá áttaði ég mig á því hversu lítill tími var til stefnu. Ég spýtti því í lófana og er búin að sitja sem tjóðruð hérna við skrifborðsstólinn minn í 3 og hálfan dag. Ég er meira að segja búin að vera að skrifa smá á kvöldin. Enda komin með sirka 7000 orð, búin að vinna úr einu viðtali, undirbúa eitt viðtal og búin að lesa yfir nokkrum sinnum heildina til að laga skrítnar villur sem geta komið þegar maður er að skrifa "in the heat of the moment". Er ekkert má stolt af mér núna. Á mánudaginn var ég nefnilega bara rétt svo í 2500 orðum. Ég ætla að senda í fyrsta yfirlestur á þriðjudaginn þannig að ég ætla að reyna að vera komin með næstum allt efnið í ritgerðina þá. Vona að það takist.

Annars er innflutningspartý hjá mér á laugardaginn. Þannig að þá verður ekkert lært og jafnvel ekki á sunnudeginum heldur (fer eftir heilsufari...) Annars hef ég nú engar krassandi fréttir að færa....

Ég nenni þessu ekki

2008-07-21T11:47:00.003Z

Mikið rosalega var ég fegin í morgun þegar ég vaknaði og sá að það var grenjandi rigning úti. Jess. Loksins get ég farið að skrifa aftur. Ekki það að maður ætti að vita betur og ekki láta góða veðrið stoppa sig í að skrifa þessa BS ritgerð. Ég veit alveg betur - en mér er samt eiginlega alveg sama. Ef það er gott veður, þá bara einfaldlega get ég ekki setið inni að skrifa. Léleg afsökun - ég veit. En svona er þetta bara. Er búin að sitja við tölvuna og bækurnar mínar núna í allan morgun og mér líður ótrúlega vel. Ekkert samviskubit að naga mig núna. Og það er tilbreyting skal ég segja ykkur. Hver einasta mínúta sem ég eyði einhversstaðar annars staðar en við læri-aðstöðu mína þá er samviskubitið að naga mig inn að beini. Ekki gaman að því. Ætla að vera ótrúlega dugleg þessa vikuna svo ég geti kannski sent eitthvað í yfirlestur í næstu viku. Það yrði æði.

Elín Mist kom heim aftur í gær eftir 10 daga sumarfrí með pabba sínum. Mikið rosalega var gaman að fá hana heim aftur. Hún var nú ekkert tiltölulega ánægð með mig þegar ég sendi hana uppí rúm kl 9 um kvöldið. Geri fastlega ráð fyrir því að hún hafi fengið að vaka aðeins lengur í fríinu. En ég verð þá bara að vera vondi kallinn....ekkert við því að gera. Skutlaði henni svo á leikjanámskeiðið í Digraneskirkjunni í morgun, þar sem hún mun dvelja frá 9-16 alla dagana í þessari viku. Gott að hafa svona pressu finnst mér. Verð að vera dugleg til kl 16, því ég get ekki gert mikið eftir það.....

Núna eru bara 25 dagar í New York og 26 dagar í Mexico !!!! Vá hvað tíminn líður hratt. Þetta þýðir að ég hef aðeins 23 daga til að skila ritgerðinni minni. Vá, það er bara alveg sama hvað ég fer að tala um.....það endar alltaf á þessari crap ritgerð. Dæs.

Styttist óðum

2008-07-16T14:59:00.005Z

Það er allt búið að ganga nokkuð vel hjá mér síðustu daga. Fór í viðtalið á mánudaginn og það fór betur en ég hafði vonast til. Fékk fullt af mjög gagnlegum upplýsingum fyrir ritgerðina mína og maðurinn var svo almennilegur að það var alveg frábært. Hann spjallaði við mig um samrunann í næstum því klukkutíma og ég fékk að taka það upp og er núna að pikka viðtalið inní tölvuna mína til þess að það sé auðveldara að koma því inní ritgerðina. Þá á ég bara eftir að fara í eitt viðtal enn og þá þarf ég sennilega ekki að afla mér fleirri heimilda fyrir skrifin. Vonum það allavega.

Í dag fékk ég greitt úr sjóð útskriftarfélagsins. Vá hvað ég var ánægð með upphæðina sem ég fékk. Alveg slatta meira en ég hafði búist við að fá sko. Af þessari fokdýru Mexico ferð þarf ég ekki að borga nema sirka 50 þúsund kall úr mínum eigin vasa. Vúhú. Ekki slæmt það. Núna eru bara 4 vikur í ferðina (það er bannað að segja mér dagana, finnst betra að hugsa um þetta í vikum) sem er alveg bittersweet vegna þess að það þýðir að ennþá styttra er í skilin á ritgerðinni góðu. Dæs. En þetta mun takast að lokum. Þó ég verði að loka mig inni dag og nótt síðustu vikuna fyrir skil, þá mun ég gera það. Þessari ritgerð VERÐUR skilað þann 12. ágúst ALVEG sama hvað það kostar. Og hananú.

Nokkrar sumarmyndir:

Ætti ég kannski bara að halda áfram að skrifa eða eitthvað......

Fréttir

2008-07-13T19:48:00.004Z

Þegar það er svona langt síðan maður bloggaði þá veit maður ekkert hvar maður á að byrja. En það sem er allavega nýjast að frétta hjá mér er að loksins reddaði ég mér kló fyrir þvottavélina mína og get þar af leiðandi byrjað að þvo þessar tveggja vikna birgðir af óhreinum þvotti sem hafa safnast upp hjá mér. Spennandi eða hvað....

Í síðustu viku tókst mér að togna á baugfingri þegar ég datt á línuskautunum mínum. Var að renna mér niður pínulitla brekku, en einhvernveginn var ég samt allt í einu komin á fleygiferð og sá mér ekki mögulegt að stöðva öðruvísi en með því að henda mér í grasið. Gerði það með slíkum tilþrifum að puttalingurinn minn þvældist fyrir og fékk að kenna á því. Veit ekki alveg hvernig það gerðist....en það gerðist.

BS ritgerðin mín gengur hægt, en gengur þó. Er komin með rúmlega 2500 orð og er að fara í viðtal á morgun við starfsmannastjóra N1 til að spyrja hann spjörunum úr. So to speak. Vona bara að það heppnist vel og ég fái einhverjar gagnlegar upplýsingar. Seinna í vikunni fer ég svo í viðtal við starfsmannastjóra Ölgerðarinnar til að fá enn fleiri upplýsingar.

Síðasta mánudag byrjaði ég í Herþjálfun í Heilsuakademíunni. Fékk svo miklar harðsperrur eftir fyrsta tímann að allar aðrar harðsperrur sem ég hef á ævi minni fengið fölnuðu í samanburði. Enda ekki annað hægt þegar maður er látinn gera hnébeygjur og framstig stanslaust í heila klukkustund. Eftir fyrsta tímann leið mér í alvörunni eins og fæturnir mínir væru búnir til úr brauði. Annars er þetta bara ótrúlega skemmtilegt. Gaman að fara veeel yfir mörkin og svitna eins og svín.

Komið ágætt í bili held ég....

Flutt

2008-07-06T22:23:00.003Z

Jæja þá erum við loksins búnar að flytja og koma okkur fyrir. Tók sinn tíma. Búin að vera netlaus hérna allan þennan tíma sem var alveg hræðilegt. Íbúðin er samt alveg meiriháttar og umhverfið hér frábært. Okkur Elínu líður strax alveg ótrúlega vel hérna og sjáum við sko ekki eftir því að hafa valið okkur þessa íbúð.

Á morgun byrjar Elín Mist á leikjanámskeiði og þá ætla ég að setjast fyrir framan tölvuna mína og byrja að skrif á eitt stykki BS ritgerð. Kannski ég bloggi eitthvað almennilega á næstu dögum líka. Hvur veit......

Leiðinlegir tímar

2008-06-26T16:09:00.004Z

Ég var búin að steingleyma hvernig það er að vera með svo vondar harðsperrur að maður geti ekki hreyft sig án þess að hljóða af sársauka. I love it.

Annars er eiginlega ekkert að frétta. Fannst bara vanta færslu hérna inn. Er á fullu að flytja núna. Það er mest allt farið út úr íbúðinni minni, á í rauninni bara eftir að þrífa. Og það er það leiðinlegasta af öllu. Ég vildi óska þess að ég gæti sagt að ég muni aldrei flytja aftur....en því miður þá er það ekki svo gott. Ég er svo komin með ógeð á flutningum að það er ekki fyndið. Af hverju í ósköpunum er maður alltaf að standa í þessu? Í þetta skiptið er ég þó reyndar að flytja í það flotta íbúð að það bætir upp öll leiðindin sem fylgja flutningunum. Og aumingja pabbi minn og bróðir hennar mömmu....að þurfa að bera alla búslóðina mína uppá 3ju hæð. Ajæjæ. Ég þarf örugglega að splæsa á þá pizzu að flutningum loknum.....

Ég gerði mér aðra ferð uppá Þjóðarbókhlöðu í vikunni til þess að afla mér heimilda fyrir ritgerðaskrifin. Það varð pínulítil breyting á efni ritgerðarinnar minnar og því þurfti ég að sækja fleiri bækur. Ritgerðin mín mun fjalla um hversu mikilvæg fyrirtækjamenning er við samruna og yfirtökur fyrirtækja og mun ég taka viðtöl við starfsmenn sem hafa gengið í gegnum svoleiðis til þess að styðja við mál mitt. Er ekki alveg búin að útfæra þetta ennþá en er að vinna í því. Er búin að vera að lesa mig aðeins til um efnið og held ég verði tilbúin til að pikka nokkur orð inní tölvuna um leið og ég er komin í nýju íbúðina. Get eiginlega ekki beðið. Um leið og ég verð komin með nokkur orð niður á blað þá mun ég geta andað rólega. Það verður næs.