Sunnudagskvöld

Þessi helgi er búin að vera algjör letihelgi hjá okkur mægðum. Ég tók reyndar langa æfingu í gær með Lilju í Reebok (60 mín brennslu og svo glutes-æfingu á prógramminu mínu). Eftir æfinguna sótti ég Elínu mína og við fórum á Hamborgarabúllu Tómasar (Elínu langaði svo að smakka) og fengum okkur svo Valdís í eftirrétt. Það sem eftir var helgarinnar eyddum við í sófanum og rúminu mínu til skiptis. Alvöru letilíf!! Stundum er maður bara þreyttur og líkaminn kallar á hvíld, þannig er það nú bara. Við meira að segja gleymdum æfingunni hennar Elínar, en það er alltaf fimleikaæfing hjá henni kl hálf 2 á sunnudögum. Held að kl hafi verið orðin 5 þegar við föttuðum að við steingleymdum henni. Úbbs.

Ég er búin að fá nýtt prógram fyrir Apríl frá þjálfaranum mínum. Smá breytingar gerðar. Próteinskammtar stækkaðir í 100 gr úr 85 gr. Kolvetni minnkuð aðeins. Kókosolían tekin út :( 60 mín brennsla 6x í viku í staðinn fyrir 45 mín. Casein prótein fyrir svefninn bætt við. Hlakka svooo til að byrja. Ég elska líka að fá æfingaplan hjá henni, því maður fær ekkert svona venjulegt vikuplan, heldur fæ ég mánaðarplan! 5 æfingadagar í viku, þannig að samtals fæ ég 20 ólíka æfingadaga. Og ég hef fengið samtals 8 svona plön hjá henni, og ENGIR dagar eins!!! Það er svo gaman að mæta í ræktina og vita ekkert hvað maður er að fara að gera, fyrr en maður kíkir á planið. En oftast er glutes/hamstrings tvisvar i viku, axlir tvisvar í viku og svo allt annað einu sinni í viku. Endurtekningarnar eru svo alveg frá því að vera 3x20 og uppí 10x10. En oftast held ég samt að sé 5x12 :) Þannig að núna þyrfti ég að byrja að taka svona amk 30 mín brennslu á morgnanan, svo ég sé ekki á 2ja tíma æfingum alltaf eftir vinnu :)

Ég er byrjuð að horfa á nokkra nýja þætti og mun henda fljótlega inn færslu um hvaða þáttum ég mæli með að þið kíkið á :) nokkrir alveg mjög góðir.

Að lokum, hönk sunnudagsins vol 4: Jay Ryan úr Beauty and the beast þáttunum

Í þáttunum er hann með stórt ör á kinninni - ekkert minna sætur þannig

Vonandi áttuð þið öll góða helgi 

xx

Rósa